MAZMUR 92:13 - Allah Wene Fano Wene Hupla Inane

¹³ Afuni inobabut higithogo nek hilingitarek mene and re e kurma asimit lagaikherek higit welagik, nen e sin o Libanon nen mondok muli-muli wiliferek andi higit welagik, ikhi logogun.

MAZMUR 92:13 ပူးပေါင်းရင်းမြစ်များ

2 TAWARIKH 4:9

At raja Salomo nen ogore it ap imam inobaget ambe elokhoma elonggo fikhit ekhe, endakwe fikhit ekhe hilingitikheat. Kwe sou ebe ambe pire andem oba ekhe hilingi'luk ekhe hilingi'luk welagaikhe mene andi re no perunggu ba to'morogo wutikhe.

ESTER 9:4

Afuni yi kwe ti kwe werek mene omanogo nen he hun Mordekhai andi re hun raja aiba andoma aren hilingiti lagaikhe mene faget enu laga lagaikhe agun. A'nogo hilingi'mo re at ebe ekhe inom amane arik mandok laga lagaikhe.

MAZMUR 100:4

Hit hinebe nineisena awi ambe palek oba andoma kwikhi logolik he wuni hai watu awuniba ilik kwi waga logoino, At awi solombon ambe palogo wurik oba andoma kwikhi logolik he Wuni fogeratarek awuni warik kwikhi logoinoat. Hiren he At enek legeisogo fikhi logolik fogerati logoino.

KIDUNG AGUNG 4:11

Ninom lombolek welago mene, hat hane ikhi lagen mene andoma re, susu inom, kin amusu inom we endep hak hilingik kwelek, hat hane nek he enduk mondok mit-mirengge o. Hat hasu laberikhi lagen mene amben he Tom Libanon amben hak hilingik welagen.

KIDUNG AGUNG 5:15

Eisok he o fesengge helep marmer kut mene eisok hak hilingi'mo re, eisok a'makwe re emas ebe meneba talogo wurik mene hak hilingik. Nen at ebeba hilingik mene re o Libanon tom wolonghigik liabek hak, nen e laik kogo feleng welagarek hak hilingik.

YESAYA 60:21

Afuni andoma logogun mene re eberogo mene nek hilingiti logogun, iren he o kweang andi mondok-mondok faget eise a'luk logogun. Ithe e awi kigilogo An nonggwarek nalong welagi mene a'nogo weinamet fagain iluk yakfesigi mene hangge hilingik logogun.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

HOSEA 14:5

A'nogo yagaisasigimo, nineisena Tuhan nen he mel ikhe: ”An nagainafuri nane sagalogo hilingiti lagaikha mene andoma, An nen hobuk it inoba na'mage het-pet igin lek andi nen he, inambotkwe woginarek wesimbik, nendawinggen oba nenat nendawirinabigin o.

ROMA 11:17

E zaitun ero fano mene were'ma re, enggi ekhe palogo lakfisaluk he, obali'mo e zaitun enggama mene enggi palogo hunesi wesumo re, e ero hundik logolik amusu werek logou hak, hit andi re, hinebe enda'ma mene Allah nen it Yahudi mene omanogo hinom hunogo hinobagasikhemo fano welagebo.

ROMA 6:5

At wa'lagaikhe hak, nit ninom hundigat logolik wa'lagagu halok he, at eluk agaikhe hak, nit andi hagat nineluk logogun.

EFESUS 3:17

Hinendawinggen at Kristus oba himbiret foumo, at ebe hinendawimo awi wurogo were'ma re, yi mene ti mene awi yatunem omanggen yatik, o tik ninghogo watik, agarek hak, hinobabut he, afuni ekhe inebe inendawirogo welagaikharek andi meneba hinomanggen yakfuluk ninghogo logobagaigen iluk, Allah ayonggo fikhi lagi aro.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.