MAZMUR 92:10 - Allah Wene Fano Wene Hupla Inane

¹⁰ Tuhan neisena, it Hat haselei mene andi re inebe felelenghogo leget fisigik, it afuni inanini weak mene mondogat telfol isigik igin mene andi re, nit mondogaren he ninelu welago.

MAZMUR 92:10 ပူးပေါင်းရင်းမြစ်များ

MAZMUR 101:8

Yi sambul ti sambul he o kweang yiba afuni weak enek hokhorogo hilingitu welagaikharek mene andoma re, An nen felelenghogo legetfisagain. Afuni inaniniba hilingiri'lagwi mene andoma re, At Tuhan awi kota ba andoma nen mondogat legetfisagain o, iluk wene watikhe.

MAZMUR 112:9

Aren he angge yi mene ti mene it afuni inenggi lek mene leberisigik, nen at ebe along werek mene hilingik logolik lego were'ma re, afuni nen along anggaluk legeisogo fugunem, aren fano mene nek it inoba hilingfisugu, welagarek.

MAZMUR 125:5

Oba nen he it afuni lalogo hilingitarek mene inom, it afuni kwanirogo hilingitarek mene inom At Tuhan nen unggum inoba fagain logouwak. It afuni Hat hagainafuri mene omanogo inebeba fanorogo nek logouwak!

MAZMUR 132:17

At Daud en tagomangge mene, o yoma enupogot logouwagaluk, An nen menfagain o. Ap ayonggo fagain mene andi, aren ferinarek logouwageluk An nen omamet fikhi logogin.

MAZMUR 148:14

Aren he againafuri inunggulenu At onggwaregen mene omanogo inoba inomamet fesikhemo re, andiba At againafuri Israel endawi hundik mene a'nogo nen At obaget fogeratu mondok logouwak. Tuhan fogerasuok!

MAZMUR 18:15

Aren andok omanogo sup saphigik lakfugunem he, At aselei mene omanogo telfol isikherek. Aren eilabut palfigi'lek ekhe fotok ekhe fotok isugunem he, it a'nogo heise pugulik pagalik agarek.

MAZMUR 23:5

It an naselei mene ineilhanem en he, Haren nahenengge wo'nafi lagen. Haren ap kain mene afuni inambok wagunem hakhogo hilingnafi lagen. Harenat nagai nunggu mene ele sophogo hinagaisogo wo'neti lagen.

MAZMUR 45:7

Haren ferinarek logouwageluk At Allah nen homame wokheterek, hat homame andi re mondok-mondok logouwak, haren he mondok katokhogo nek it hagainafuri melalinafi lagen.

MAZMUR 75:10

Oba nen an enek he At Yakub eisena Allah a'nogo faget enek fageti logogin. Nen At obaget wuni fogoratarek awuni iginafu mondok logogin.

MAZMUR 89:17

Haren higithogo nek hilingfisikhi lagen andi nen he, iren lingge inukhogo inabolo'lek logolik, wuniba Henu seralhu mondok welagaikharek.

MAZMUR 89:24

At aselei mene re inebe mondogat An nen wulil tagalogo leget fisagain. Nen at oba inapsiri wat fisili'lagwi mene andoma re An nen it inebe inoasigin.

BILANGAN 23:22

Allah nen, it o Mesir en woginarek wulibi wagasik, At obabut sapi aik anini weak mene hangge logolik, it werekwe a'luk inaweim yaferek o.

BILANGAN 24:8

Allah nen it o Mesir en woginarek wulibi wagasik, At obabut sapi ai mene maro obabut weak mene hangge logolik, it inebikhit a'luk inaweim yaferego. A'nogo yafi logolik, sumburu haumhogo ninggarek andi hak, afuni at aselei mene mondok legetfisikhi logogin o. Legetfisikhi logolik, it inoak tamuk-tamakhogo falelhik, nen inasikhe obakhe lilibuk-lalabakhogo lakfigik, igin o.

LUKAS 1:69

Telninabuageluk he, at amingmingengge Daud en tagongge mene omame werek mene menfikhemo werek yi.

2 KORINTUS 1:21

At Allah nenat, hit inom, nit inom, Kristus oba himbirogo ninobagaikhemo welago. Ninebe at onggwarek faget hilingiti logouwageluk ninayonggo figik, silo hak ninobagagik, ikhi logolik, yi mene ti mene hobuk hokhorogo nouwogeluk attak nenggarek hak, Allah nen nit faget mondogat ninobagasikhe mene hobuk wo'nisageluk, attak Areagun tak ninendawinggenma ninobagaikhemo welago.

1 YOHANES 2:20

A'nogo meneat he, hit enek he, Yesus Kristus Allah onggwaregen fakhasikhe mene a'nogo nen, Allah Areagun wokhisasikhemo ebe wene hinebe mondogat hinelu agagipsik welagebo.

HAKIM–HAKIM 5:31

Nineisena Tuhan, at Sisera wato andi hak, afuni hat haselei mene ogo, a'nogo wa'lasuak. A'nogo meneat he, hat hagainafuri hendawi mene nek he, mo eil tilelek-walelek wagarek andi hak, it mondogat liarogo logouwago, iluk wuni watukwa. A'nogo hilinglagaikhesik oba nen, 40 tahun weim lek liolek fano welagaukwa.

1 SAMUEL 2:1

At Hana nen Allah fogerati logolik, samban oba mel isikhe: ”Neisena Tuhan nen fanotnafenma nendawimo nagaiyek hikhi lagi o. Haren hilingitendek mene andi re, nendawimo nagaiyek anggigirek mene nek hilingiti lagen o. Hat neisena Allah nen lebetnafenma, nendawimo nagaiyek oba it naselei mene nen inane asegen wo'nabi'lagwi mene omanogo re, an nen ogo pilibinafi logogin aro.

1 SAMUEL 2:10

Neisena Tuhan, hane pogoroba nen unggunggu aneba pak ugunem haselei mene inailo a'luk oak yaleik-taleik ugunem inebe mondok wolelenggen tagalogo inosigin o. Hat neisena Tuhan nen afuni kweangma mene mondogat wene inoba figik, kotik, igin mene, at ebe kain enupogot asuageluk wendeberogo menfesigin mene andi, omame wogetunem ungguloak uan asigin o,” iluk Allah fogeratikhe.