MAZMUR 91:4 - Allah Wene Fano Wene Hupla Inane

⁴ Aren he sue nen eak ogolabi a'ma fuluk sebelek welagarek andi hak, hat hebe At a'ma hobagaluk fetharek were'ma, hat hebe fano logogin. Hebe hoasinogo iluk sing itarek andi hak, aren tiphogo nek hilingiterek mene andiba, ma'murogo fetharek logogin o.

MAZMUR 91:4 ပူးပေါင်းရင်းမြစ်များ

KEJADIAN 15:1

A'nogo hilingitukwasik oba nen, At Tuhan nen Abram elokhoma weinam asi wagaikhesik ane yagati logoik: ”Abram, hailo agun o. Hoasuogeluk ugu halok An nen fetharek logolik, onggo hokho mene wokhesigin o,” iluk yagatikhe.

MAZMUR 138:2

Haren tiphogo nek hilingiti logolik hendawi hundik hilingninarek welagen mene andi faget he, an nen Hat henu fogethafi logolik, Hat hawi Mondok fano Horek oba andoma fikhit liago logolik neindep awi yagaisogo fogethafu welagi. Haren he afuni nen Hat hebe faget ili'lagwi mene andoma re sebelek hak hilingfisaluk, Haren wene warogo isigin mene andi faget enek he lego hangge anggikhi lagen.

MAZMUR 17:8

An nebe Hat heilenggen elonggoma mene hakhogo halnafi logoino, neisena. An he it afuni weak hilingitarek mene nen mu'niugunem he Hat hogolabi a'ma kwelaknobagakhi logoin o.

MAZMUR 35:2

Haren he handok peiyengge abuk-abuk waganek mene inom, nen mothogo hilingik mene inom wanimbik he, an lebetneame o.

MAZMUR 57:1

Afuni nen wuni wulakfuluk inebe seberogo ugu kwelek yanggulinafarek mene faget, wuni unggulenu mondogat leget fisa fuk agarek mene andi bene felalek mene, at Daud ebe Saul agaiserogo oumo lagaikhesik isikhe awuni.

MAZMUR 61:4

An nebe nalong palogo fetnarek welagen mene re Hat hebeat welagen, nen it naselei mene nen noasuogeluk hilingitunem nendawi hambugengge re Harat welagen.

MATIUS 23:37

At Yesus nen a'nogo yagaisasikhesik he, ekhe mel yagaisasikhe: ”Eigo! Hit afuni o Yerusalem mene yi nendawilage! Hirenat ap Allah ane yagaisagarek mene inebe inoatik, ap Allah nen inayonggo fuluk lakfisa wagarek mene heleben tamuk-tamakhogo inoatik, ikhi lagep andi nendawilage. Sue ayam eagwi ogolabi a'ma andogorogo fisikherek andi hak, an nen hundik-handigat hit o yoma welagep mene mondogat a'nogoat andogorogo hinobagagin iluk anggikhi lagi meneat he, hiren, ”Ninabit,” ikhi lagep andi, nendawilage.

MARKUS 13:31

Pogot inom kweang inom mondogat legasigin meneat he, an nane andi legasigin lego mondogat logogin,” iluk yagaisasikhe.

ULANGAN 32:11

Sue pim eagwi tarogo, nikhi logouwagaluk yanggulhi logolik, ogolabi langhogo, amboloba yirugusogo waluk lagarek hak.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.

RUT 2:12

Hat nit afuni Israel mene nineisena Tuhan Allah nen awe a'ma fetharek logouwagaluk wagen andi nen, Aren he, haren yi mene ti mene faget fano hilingiti lagen mene andi mondogat onggo wokhesigin mene andi helagain higit obaat wokhesuago,” iluk yagatikhe.