MAZMUR 91:2 - Allah Wene Fano Wene Hupla Inane

² Tuhan oba ikhi logolik he, ”An neisena Allah nebikhit a'luk nili wo'nafik, nebe telogo nobagagik, ikhi lagen mene re, we Hat amunek welagen o. Nen, an nen he we Hat hoba nek nendawinggenma nen eberogo anggikhi lagi o,” iluk ikhi logogun fano.

MAZMUR 91:2 ပူးပေါင်းရင်းမြစ်များ

KEJADIAN 17:7

An nen hat hebe inom, haren tagongge mene nen ta'larik laga logogun mene inom, yi'nogo wokhisagain o, iluk wene wathisigi mene andi munenhi'lek higithogoat wokhisugu mondok logogin o. Hat heisena Allah Anaro, nen haren tagongge mene ineisena Allah Anat logogin.

MAZMUR 14:6

Afuni weak hilingitarek mene nen he, it afuni inelagaik mene nen hilingitarek mene omanogo kwe palogo fisagarek. A'nogo hilinginafarek meneat he, At Tuhan nenat, inebe at awe a'ma fisikherek.

MAZMUR 142:5

An nera'lukwe neilenggen furogo kumuthugunem he, an lebetnea mene ekhe werek le'ma hikhi lagi. An nebe telogo nobagagu mene ekhe werek legat, athe an nebe hilingik welagi mene faget kwelakniugu mene ekhe werek legat.

MAZMUR 142:6

Tuhan neisena, an nen we Hat hoba nek henu hombuk palhu mondok welagi, Hat hawea'ma nagap telek welagi, an nebe neluk logolik oba ya re Hat hebe ninom logogun andi nek namolo welagi.

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 18:3

At Tuhan andi re, leget pa'leget omamerogo waganek andi hak an nebe awea'ma fetnarek mondok werek. An neisena Allah andi re helep oumo an nebe hinaklaguba higit werek, afuni nen tok peiyengge ma'mut fagarek hak Aren an ma'mut narek werek, nen an nebe nailo lekhogo logouwageluk he Arenat kagalnarek werek.

MAZMUR 25:2

Neisena Allah, an he we Hat hoba nek nendawimo eberogo anggikhi lagi o! Nen it afuni an naselei mene nen pelaknobagakhi logolik, nenggali warogo hilingnobagauwageluk herak nobagagun o, neisena.

MAZMUR 31:15

Oba nen he Tuhan neisena, Hat hebere an neisena Allah welagenma re, an he Hat hoba nek eberek mondok welagi.

MAZMUR 43:4

An nebe Hat faget mezbah wam yi mene ti mene warogo nolhetarek oba andoma nen an nendawimo nagaiyek higirek mene re, Hat hebeat welagen andi nen he nendawimo hokhorogo nagaiyek hikhi lagi mene andi, pinggong aneba fogethafi logogin o. A'nogo hilingiti logolik, neisena Allah, neisena Allah, iluk hai wathafik, fogethafik, ikhi logoigeluk yagaheti lagi o.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

MAZMUR 46:2

At Allah andi re, nit ninebe At awe a'ma ninobagaluk, fetninarek mondok logolik omame wo'nisikherek. Yi enggin ti enggin hugu were'ma, Aren higithogonek lebetnisikherek.

MAZMUR 48:14

Hiren tagomangge mene inoba tindelogo yagaisikhi logobagaigen he, leget pa'leget ebe waganek mene fanorogo futfigik, himbirengge hineilenggen fanorogo kogolhik, ino. Andi nen hiren yi'nogo ikhi logoino:

MAZMUR 61:5

Hat hogolabi a'ma an nebe sebelnarek were'ma re, an nailo legengge nabolok lek logogin nen he, an nebe neluk logolik oba Hat hawi sabu sale'ma andoma kuluk logogin iluk anggikhi lagi o.

MAZMUR 71:3

Nen an nebe werek oba re, Hat hebe tom eil silipnorek mene hak hilingik welagen o, an nebe telnabigiluk kagalnarek welagen menere Hat hebeat welagen o. Hat hebe andi re, tom helep mene andi higit ha'ma sebelogo fetnarek logolik kagalnarek welagen mene o.

MAZMUR 91:9

Nen haren he neisena Tuhan nen nebikhit aga logouwageluk oba tibet fuluk welagik, nen At Lego Mondok welagarek mene a'nogo nen awe a'ma fetnarek logogin iluk welagik, ikhi logogin andi nen he,

AMSAL 18:10

Tuhan andi re o anduli uanhogo pelabe'ma omamerogo welagarek higit werek, andoma ap eberogo hilingitarek mene lagunem inili waganogo fanorogo logogun.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YEREMIA 31:1

Tuhan ane ikhi logolik, ”Inenggi ekhe wesigin meneba re An he afuni Israel mene inunggulenu mondogat faget ineisena asigin, nen it he An nagainafuri asugun.

LUKAS 20:38

At Allah eilhanem it inebe mondogat ineluk werek andi nen he, Allah ebe re, afuni warek mene ineisena fuk. Ineluk mene ineisena o,” iluk yagaisasikhe.

IBRANI 11:16

We, it ebeti lagaukwa andi re, inawi ebe fano mondok pogoroba mene faget inamolo anggikhi lagaukwa andi nen he, Allah nen it faget inawi arat tegelogo fisasikhemo andi nen he, aren, ”An it ineisena,” iluk, enggali legat ikherek andi.