MAZMUR 90:2 - Allah Wene Fano Wene Hupla Inane

² Haren o tom-tom inom kweang inom, yi mene ti mene kweangma welagarek mene inom, oan elalhi'lek logolik andoma re, Hat hebe hero weinam agu aple inom, herembulmo wa'lagu aple inom he legengge welagagin.

MAZMUR 90:2 ပူးပေါင်းရင်းမြစ်များ

KEJADIAN 1:1

O eroba Allah nen he, pogot inom, kweang inom, elalhikhe

AYUB 15:7

Haren anggikhi logolik he afuni oan taginafi'le'ma fem attak-attak he an ta'nafa anggikhi logolik ikhi lagen a? Athe o attak tom waletunem andem he hat hebe werek kwelek walerik lagaikhe a?

AYUB 36:26

At Allah ebe re ombak-bak mondok hokho mene were'ma re, afuni nen ebe yiginik agun iluk senggerogo futfou re elo'lek. Athe At welaga mene tahun yi huli iluk wenasu elo'legat.

MAZMUR 102:13

Oba nen he neisena Tuhan, Hat he Raja mondok-mondok logogin o. Mo lagagik pigik andoma re ebet hiikhi logolik mondok logogun.

MAZMUR 103:17

A'nogo meneat he, At Tuhan nen it afuni At oba inailorogo logolik, ”Yi'nogo hilinghinabigin,” iluk wene warisasikhe mene a'nogo, fisogo mondok logolik higithogo hilingitarek mene andi inebe hobuk ta'larik lagu kwelek, obabut fano a'nogoba, endawirinafu mondok welagarek.

MAZMUR 146:6

Arenat pogot inom kweang inom elalhikhe, i laut inom, nen elonggoma welagarek mene andoma inom he Arenat elalhikhe. At he mondok-mondok andoma tiphogo nek hilingitu welagarek.

MAZMUR 93:2

Allah neisena. Hat hebe pogot kweang yi mene ti mene le'ma eroba nen Henupogot welagagindik yogondagen, hobuk huli nen ogo hetok mondogat logogin o, neisena.

KELUARAN 8:6

A'nogo yagatikhemo, at Harun en arige tomuk a'nogo wanhikhesik he, i mondogat agum oba higit enggi pisarogo lakfesikhemo re, yagaise hokhorogo weinam agaikhesik o Mesir yi awi ti awi mondogat sik-pik isikhesik pete isikhe.

YESAYA 44:6

Tuhan Omame Mondok Hokho mene, Raja Israel mene inagap telogo ferinarek welagarek mene a'nogo nen ikhe mene re yi: ”An hineisena Allah re nami-namuat welagi o, eroma nen pikhit erumbul oba we An namuat welagi.

YESAYA 45:22

Hit afuni mondogat kweangma welagep mene yoma sani! Hineisena Allah re An namuat welagi, amu mene ekhe werek lek, andi nen he hit hinagap telasubagaigen An noba sugulogo waga logoni o.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

DANIEL 7:9

A'nogo yethigirik neilenggen oba mondok were'ma, e kursi inogogwi raja hurek welagaikharek mene ekhe fugunem higi. A'nogo fagama, At eluk mondok welagarek mene andi ebe kursi aremnogo ekheba hu'lagunem yethigi. Ap andi asu inom, esi inom, elokhonggen inom he mondok fano pogot anggulok hangge welaga. Nen, e kursi hurek welaga mene andi re eisok abampol hilingik meneba re, endu amulok kulung ugunem higi.

MIKHA 5:2

Tuhan nen hobuk a'nogo hilinginabigin iluk, yogondak we elama ya it ninaselei mene nen fetninarek logolik yaganisikhi logouwageluk ninobagaikhemo logogun andi. A'nogo fetninarek logolik werek kwelek at raja andi agaisa nen tasigin iluk Allah nen anggasikhe higithogo ta'lagu halok, afuni at unggulenu mene hele warogo woginarek lagaukwa mene andoma re hobuk it inunggulenu Israel mene inom sebesi wesugun.

HABAKUK 1:12

Tuhan neisena. O eroba nen engge Hat he an neisena Allah at welagen o. Hat an neisena Allah hebe horek logolik hetok mondok welagen. Hat hebe re Tuhan, Allah at logolik, an ha'ma sebelnarek welagen. It inunggulenu Babel mene andi re, Harenat wenaginafendik he, it inomamet fisegenma nit wene ninoba fouwogeluk ili'lagwi andi.

IBRANI 13:8

At Yesus Kristus ebe re, o attagen, yogondagen, etok mondok welagarek andi hak, hobuk a'nogoat etok mondok logogin o.

WAHYU 1:8

Nineisena Allah Enupogot omame hokho andi, etok mondok logolik, endam welagaikhe, yogondak weregat, hobuk mondok logogin mene wesigin a'nogo nen ikhi logolik he, ”Ero inom, erembul inom, an aro,” iluk ili'logo o.