MAZMUR 9:9 - Allah Wene Fano Wene Hupla Inane

⁹ Aren he it afuni inunggulenu lombok omanogo katokhogo nek melalinaferek, nen it inebere inawene ayo palogo pilingfuluk mondok higithogo nek tegeterek.

MAZMUR 9:9 ပူးပေါင်းရင်းမြစ်များ

1 TAWARIKH 16:33

E ogoimo wulibik mene nen ogore, hinagaiyegeti logoni, At Tuhan ebe o kweangma raja logolik melalinafi logogin waganggere.

MAZMUR 108:12

Nineisena Allah, Hat he nit ninom lagain lega? Hat he nit ninagoromi tentara lagunem hinom lagain legara?

MAZMUR 142:4

An noba lebelek agu sambul he an nen hilingisigin mene Hat mondogat helu welagen. Ebekwe an lagain iluk hilingiti lagikwe omanogo it naselei mene nen linglong an nobaget hele yebet fili'lagwi.

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 20:1

Afuni nen wuni wulak fuluk inebe seberogo ugu kwelek melalinafu mene faget, Daud awuni a'nogo.

MAZMUR 32:7

An nebe hinak lagirek oba re, hat hebe aro. An weak were'ma re, telnafendek andi nen, nane hokhorogo hai wathafi lagi o.

MAZMUR 37:39

Tuhan nen it afuni higithogo hilingitarek mene andi inebe telinabimbik, yi enggein ti enggin inoba agunem awe a'ma fisaluk ferinarek logogin.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

MAZMUR 46:7

At Allah ane unggunggu ane hangge ugunem, afuni o kweangma welagaikharek mene re mondogat inoatik, yi afuni ti afuni inunggulenu lombok Allah ane inesanggo holimbik, inane hokhorogo sagalhik, o inogogwi inenupogoren ferinarek welagaikharekwe omanogo mondogat maben arik lagik, ugun.

MAZMUR 48:3

Allah andom Sion oba andi re, eil mondok fanore'ma re wolonghogo liabek. O kota Raja Lego mondok welagarek mene awi andi re, yi afuni ti afuni o kweangma welagaikharek mene nen inagaiyegetarek awi wurik.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 62:8

At andi re Allah an nagap telogo nobagagik, legeisogo nobagagik, hilingiterek mene a'nogo o, Allah ebe helep tom hakhogo omamerogo fetnarek welagik, an awe a'ma telogo nobagagik ikherek menere At amu nek werego.

MAZMUR 67:5

Afuni inunggulenu lombok, o yi awi ti awi welagaikharek mene higithogo fano mondok ferinarek welagendek andi nen, afuni inunggulenu lombok inendawimo inagaiyek hikhi logolik, wuni wati logouwak.

MAZMUR 7:9

We, Haren enek afuni inawene ayo wurogo pilinginafi lagenma re, Tuhan neisena, an he weak hilingiti le'ma re we Harenat nawene katokhogo palnobagain o.

MAZMUR 96:10

Hiren afuni inunggulenu amu mene inoba yagaisikhi logolik he, Tuhan andi re ebe Raja werego! Kweang he mondok ningmanibere'ma re abolok u lek hak, Aren afuni kweangma werek mene katokhogo nek inawene pilingisogo ayo wurinafarek, iluk yagaisikhi logoni.

MAZMUR 98:9

At Tuhan ebere afuni o kweangma werek mene inawene pilinginabigiluk wesigin. Aren he afuni inunggulenu lombok o kweangma ekhema-ekhema welagaikharek mene mondogat inawene higithogo ayo wurinafik, heirogo tegetik, eberogo weneba hilingisigiluk wesigin.

AMSAL 18:10

Tuhan andi re o anduli uanhogo pelabe'ma omamerogo welagarek higit werek, andoma ap eberogo hilingitarek mene lagunem inili waganogo fanorogo logogun.

YESAYA 32:2

It inebe lombok he sogoi en inom, sielu nen inom funhugunem hina'laguba hangge agik, athe i liarekwe lagarek agai hakhogo agik, athe o kweang esi le'ma helep hokho mene werekwe andoma nen hinaklagaikharek hak agik, ugun.

YESAYA 8:14

An nebe Mondok Horek welagimo re, An Nebe it Yehuda mene inom Israel mene inom ineisok tunghogo warikhi logouwageluk hilinglagagi andi, nen afuni Yerusalem mene re hele yepsek'ma ke'nok agarek a'nogo hak hilinglaga logouwageluk agagi.

NAHUM 1:7

Tuhan andi re mondok fano, At againafuri enggin inoba were'ma awe a'ma ferinarek welagarek. Afuni At oba lombokhogo werek mene re Aren halinafu mondok werek.

LUKAS 13:34

”Eigo! Hit afuni o Yerusalem mene yi nendawilage! Hiren ap Allah ane yagaisagarek mene inebe inoatik, ap Allah nen inayonggo fuluk hinoba lakfisa wagarek mene heleben tamuk-tamakhogo inoatik, ikhi lagep andi nendawilage! Sue ayam eagwi ogolabi a'ma andogorogo fisikherek andi hak, an hundik-handigat hit o yoma welagep mene mondogat a'nogoat andogorogo hinobagaigeluk anggigirek meneat he, hiren, ninabit, ikhi lagep andi nendawilage!

ULANGAN 33:27

Allah awe a'ma fethinarek mondok logolik, enggi omame hokho mene andiba lebethisugu mondok logouwago. Aren hit hinelokhoma nen hinaselei mene mugusogo lakfisikhi logolik, Hiren it mondok legetfisani, iluk yagahisikhi logouwago.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.