MAZMUR 9:6 - Allah Wene Fano Wene Hupla Inane

⁶ Haren he it afuni ekhema-ekhema inunggulenu lombok omanogo unggum wogisigik, weak hilingitarek mene omanogo leget fisigik hilingitunem he, it afuni ekhe nen it inoba eberek logogun lek.

MAZMUR 9:6 ပူးပေါင်းရင်းမြစ်များ

2 RAJA-RAJA 19:25

A'nogo hilingiten meneat he, o endamat en, Aren a'nogo hilingisuak, iluk an nenat isigi mene andi hat hesanggo holhendek lek nogo? Hesanggo holhendegaro. An nen a'nogo isigi andibaat, yogondak haren afuni inawi kota leget pa'leget helep mene ninghogo wurik mene mondok wulil tagalogo helep som higit asugaeluk hilingiti lagen andi, An nomame wokhetimo mondogat hilingiti lagen o.

AYUB 18:17

It afuni o kota elonggo fikhit werek mene nen inom, endakwe fikhit werek mene nen inom, ap a'nogo agwi iluk ebesugun mondok lek, at enu re ap misigen iluk ogo ekhe eberek logogun legat.

MAZMUR 34:16

Tuhan nen he, afuni At ane holfuluk higithogo hilingiterek mene re eilenggen inoba werek, nen iren lebetninabuageluk ayonggo fugunem Aren inane esanggo holherek.

MAZMUR 34:17

Oba nen he, it ekhe inobabut weak hilingitarek mene re elokhe age warisikherek. It inebe wa'lagu halok he, inoba eberek logoinogo iluk, inoba inonggoret fisaluk logouwagaluk hilingfikherek.

MAZMUR 46:9

At Tuhan nen elalin mene o kweangma yoma hilingiterek mene andi kwelakha we'ni!

MAZMUR 8:2

Allah nit nineisena, Henupogot mene, Hat Homame welagen mene andi re o kweangma yoma mondogat sagarek werek! Nen Hat habok lagarek menere O pogot soganogo ambolkwe po'limaat mondok lego welagen iluk,

KELUARAN 14:13

A'nogo yagatukwama, at Musa nen he, ”Hinailo anggagubo. Hinendawinggen hambukhogo logoni o. Nineisena Tuhan nen telninabigiluk ekhe hilingitunem hineilenggen hogoin o. Afuni Mesir mene hineilenggen yerisegep ari hobuk hineilenggen isogoin mondok lego.

KELUARAN 15:16

Neisena Henupogoren hilingiten mene andi. It ekhe nen yagaisamo, inailo hokho asigin, Hat hagainafuri ninaselei mene inailokwe lagunem, inalpouweak hilingisugun lek, Hagainafuri telninafen mene andi re inanggwe selegat logoin.

YESAYA 14:17

O kota-kota omanogo wolelenggen hogo figik, nen o kweang agaumhogo re o leimo hilingfigik, ap hele warek werek mene hinaiba lani iluk igi'lek hilingiti laga agun a'nogo re ari nogo a?” Iluk heinok wanhi logogun.

YESAYA 26:14

It inebe re Haren mondogat leget fisegenma wa'lagaikha, it inareagun nekhengge inelugasugun lek, nen it inebe ogo ineluk asugun legat. Nen it inoba ogo ekhe eberisogoin mondok legaro.

YESAYA 37:26

Andoma asigin iluk An nen o attagaren wenggelogo fesigi mene andi re hat he hesanggo holhi lagen lega? A'nogo fesigi mene a'nogo yogondak hilingisigiluk welagi. Haren o kota leget pak omamerogo waganek mene andoma wolelenggenhogo fugunem meisalek agum houwak lagakhi logouwageluk he An nenat halonget hobagakhi lagi a'nogo re honggot nogo?

YEREMIA 51:25

Babel hat hebe re tom eil nagulogo waga logolik o kweangma mondogat wolelenggenhogo fikherek hak hilingik welagen. Oba nen hat he, An Tuhan nemberek walhogoin. An nen he, nenggi pisarogo lithea wesimbik he, tom helep unggul oba nen limbil habi wesumo re endu nen nambik wul asuageluk herakhobagagin.

MIKHA 7:10

Attak he, it inaselei mene nen nit pilipninafi logolik yi'nogo ikhi lagaukwa, ”Hit hineisena Tuhan Allah andi re ebe koma werek nogo?” iluk ikhi lagaukwa. Oba nen yogondak he, nit nineisena Tuhan nen nit ninobaget hilingninaferek mene andoma nisambik he iren inenggali asugun. Nen, it ninaselei mene andoma re fesi ebekhe kwe were'ma sebelharek andi hakhogo sebelisamo nineilenggen isogoin.

MIKHA 7:8

O Yogondak he, nit o mum oba welagoba nen, nineisena Tuhan nen seleget ninabigin. Nen peikhogo warogoin oba nen, ninambotkwe menlasugun. Andi nen he ninaselei mene nen nit hilingik welago mene ineilenggen nisaluk inagaiyek asugun mene ekhe werek lek.

1 KORINTUS 15:26

Inom weak mene andi, ebe re, wa'lagaikharek ero andi aro.

WAHYU 20:2

A'nogo waluk pi wagasik, at kisu hangge hokho o endam en welagaikhe mene enu Iblis igik, Satan igik, agarek mene a'nogo, ebe fakfuluk, yi afuni ti afuni lalinaferek andi hak lalinafi'lek 1.000 tahun enggi hele warek kweang a'ma ma'lima logouwageluk pelafesik, kwe kolok yagarogo kwelakfisagarek andi hak, kwe kunci yagarogo fugunem higi. Andoma logombigen, fikhalogo liakfei wesugun obaat we endebat faget fikhalek logouwageluk fikhalogo liakfei wesigin.

1 SAMUEL 30:1

A'nogo lagaukwasik he linggene pire welagaukwasik at Daud inom, agoromi omanogo inom sugulogo o kota Ziklag lagaukwa. It inebe omanogo lagaukwasik hilingitunemen he ap Amalek mene re o Yehuda abel a'ma selatan fikhit andoma pin kwi wagaukwasik he, o Ziklag a'nogo inom inoasi wagaukwa. Iren he ap misik iluk ogo ekhe inoatukwa lek meneat he, o kota a'nogo abirengge endu fikhi logolik he, kwe pikhit louwogeluk hemi inom, yenggerugwi inom, afuni fena inom hele warogo woginarek lagaukwa. Nen, iren he at Daud eisok erokwe mene mondogat inom, nen at agoromi ineisok erokwe mene mondogat inom, hele warogo woginarek lagaukwaat. Nen, a'nogo laga logolik he at Daud agagwi inebe pire hele Ahinoam inom Abigail inom aremnogo ogore inomat woginarek lagaukwama re, at Daud inom agoromi inom he inendawinggen warugu mondok logolik he leagu werek kwelek enek he inoba mondogat lebelek agaikhe.

1 SAMUEL 31:7

A'nogo inoatukwama afuni ekhe nen he, ”Ap tentara Israel mene weim heise mondok pugulfisagama, Saul againafuri inebe henagan inom arat inoata o,” iluk isukwama, it ap Israel mene o Yisreel tonggoma aik eliba andoma inom, i Yordan aik eliba mo lagai wagarek higit andoma inom, welagaukwa mene inawi kota herakfisaluk heise pugulhukwama re, hobuk ap Filistin mene nen o kota andoma sebeli kwi wagaukwa.