MAZMUR 9:5 - Allah Wene Fano Wene Hupla Inane

⁵ Neisena, Hat he an nawene ayo palogo pilinget fuluk katokhogo nek hilingiti lagen mene welagenma re, andiba an nawene hoba waluk wagunem an nebikhit a'luk nagap telogo nobagakhi lagen.

MAZMUR 9:5 ပူးပေါင်းရင်းမြစ်များ

2 SAMUEL 17:23

Nen, at Ahitofel a'nogo endawimo nen he, ”An nen wene igi mene hologo hilingiti'lek herakfisaga andi weak higi,” iluk futfesikhesik he, inebe woginarek lagungge wam keledai ambot oba kelogo fesikhesik, ebe oba lagasikhesik he, at onggwarek aiba lagaikhe. Lagaikhesik, yi mene ti mene aren hilingisu mene mondogat arat katokhogo hilingitikhesik, ebe onggwaregen alonggop hele kelogo warasikhemo, at eisena wa'lagaikhemo salhukwaba andoma salhukwa.

MAZMUR 149:7

it afuni inunggulenu amu mene omanogo onggo inoasugun iluk, it ineisok erokwe mene inom, inunggulenu mene inom, enggin fenggin inoba fogoin iluk hilingitik,

MAZMUR 2:1

Yi afuni ti afuni hokhorogo inane sagalek-pagalek hilingiti logolik, Afuni inunggulenu lombogen ”Yi'nogo hilingisuok,” iluk tulemat ili'lagwi andi nenahalok nogo?

MAZMUR 5:6

Hat he ap fogerakhagarek mene andi inelokhoma kwelagisa re habit welagen, nen afuni mondok weak hilingiri'lagwi mene andi faget he haren habsirit fisikhi lagen.

MAZMUR 7:12

At Allah andi re yi hari ti hari afuni weak hilingitunem wene inoba fuluk, inawene ayo wurogo katokhogo palherek mene werek.

MAZMUR 78:55

At amlogomi omanogo inelokhoma nen he it afuni o andoma welagaukwa mene omanogo mugusogo wulaginafi logolik he, At againafuri afuni inunggulenu Israel mene a'nogo mondogat inoba Aren kweang a'nogo mondogat sumburisilik lagaikhemo re, it a'nogo inaselei mene nen inaiba sabu salogo welagaukwa kwe omanogo kwilik lagaukwa.

MAZMUR 79:10

It afuni inunggulenu amu mene nen nit faget ikhi logolik he, ”It ineisena Allah andi ebe koma werek?” iluk heinok wani nogo. At he nirogo it ap inunggulenu inap andoma nen Hat hamingmingengge inoata mene omanogo inunggulmo hilingfisugunem hogoin aro.

AMSAL 10:7

Ap fano mene re inenu fanot fisugunem inoba eberek werek oba nen, ap weak hilingitarek mene re inoba weak weagat inonggot agarek.

AMSAL 13:9

Afuni higithogo hilingitarek mene inobabut he, esage ibili'mo selek welagarek andi higit werek, nen inobabut weak mene andi re, esage naguli'mo mum welagarek andi hangge werek.

YEREMIA 49:38

It inogogwi raja inom ap yabu legoma hilingiri'lagwi mene inom he, An nen wolelenggenhogo fisagain, nen, inanggweang oba andoma re takhta An nonggwarek hurek logogin oba wurogo fagain.

RATAPAN 3:58

Tuhan neisena, an nawene faget Haren hal nobagegen, an neluk a'nogo Haren nagap telogo nobagegen.

MALEAKHI 4:3

O andi sambul he, An nomamerogo hilingitunem he, hiren afuni weak hilingitarek mene andi mabenet fisamo re, it inebe re ogoilong engge hakhogo hineisogen alperelogo fisogoin.

ULANGAN 9:14

Ma re, it andi afuni nen inoba inonggoret fisambik logouwageluk, An nen it mondok legetfisagain anggikhi lagi andi nen he, haren An nendawinggen sebelhun o. It mondok legetfisambik, harenek he, it afuni Israel mene inunggulenu endebat inomame lek andi hangge lek. At he, haren tagongge mene inunggulenu hokho inomame hokho mene ineisena hilinghabigin o, iluk yaganetikhe andi.

WAHYU 19:15

At a'nogo nikhi logolik, afuni inunggulenu lombok mondogat mabenetfisagain mene, karok enggat hokho mene ambelema nen wulabi waga laga higi. A'nogo mabenetfisaluk sige tomuk posiemanggen omame hokho andi hak, at ane omameba afuni fakfisaluk, eisena Allah omame mondok hokho yi mene ti mene hilingisu hagenek a'nogo a'mage lagaluk, wene inoba fugunem anggur enggen amusu keraluogeluk obuluk oba sagalharek andi hak, at eisogen al perelinabigin mene higi.

1 SAMUEL 25:32

A'nogo yagatikhemo at Daud en, he Abigail a'nogoba ikhi logolik, ”Hat an ninom yoma ambi asuageluk lakhobagai waga mene afuni Israel mene ineisena Tuhan Allah a'nogo nek fogerati logouwak!

1 SAMUEL 25:39

Nen, at Daud esanggo holhunemen he at Nabal a'nogo wa'laga ugunem holhikhesik, aren ikhi logolik he, ”At Tuhan enek fogerasuok! Aren at Nabal en an mabenet nobagakhi logolik nenu weagerogo nobagaikhe mene a'nogo onggo watfikhi logolik he Aren enek an amingming engge yi nen kwanirek mene ekhe hilingisinogo iluk kwe pal nobagaikhe andi. At Nabal he weak onggo re Tuhan en unggum oba fikhe andi,” iluk isikhe. A'nogo isikhesik he at Daud en he Abigail nagweab eragain iluk ap ekhe he a'nogo aiba lakfisasikhe.

1 SAMUEL 31:4

A'nogo hilinglagaikhemo, at Saul agot alage mene ekhe at asikhe waluk wagaikhe mene a'nogo oba mel yagatikhe: ”An nebe ap Tuhan inonggot mene andi nen inane asegen wo'niikhi logombigen noasi nogo nen he, hat henggarok lisogo wanimbik he, nebe noasin o,” iluk yagatikhe meneat he, ap alage mene andi, at Saul ebe mondok agaukhogo hilingiti lagaikhe andi nen he, ebe wati'lek herakfisasikhe. A'nogo herakfisasikhemo, at Saul onggwarek enggarok wanhikhesik kweangma telfesikhesik he, ebe taunghogo waragaluk enggat oba weing lagaikhe.