MAZMUR 9:17 - Allah Wene Fano Wene Hupla Inane

¹⁷ At Tuhan ebe weinam aga logolik he, Aren wene mondok katokhogo palherek andiba, it afuni weak hilingitarek mene re it inonggwaregen hilingituba ambisangma saburagarek.

MAZMUR 9:17 ပူးပေါင်းရင်းမြစ်များ

AYUB 8:13

It afuni Tuhan inonggot engge werek mene andi re a'nogoat werek, aren Allah ba endawi eberek legengge hilingitu halok he, aren hilingisigin mene iluk endawimo wenggelogo hilingiterek mene a'nogo ogo sugwi asi lagarek.

MAZMUR 106:13

Oba nen he it a'nogo weak-weak aremnogoat At Tuhan nen hilingitikhe mene a'nogo inonggot agaukwasik, Aren wene komo wene yaganisoageluk heinok wokhigi'legengge hilingiti lagaukwa.

MAZMUR 44:20

A'nogo meneba nen he, Haren nit a'nogo mum anggele'ma ninobagagik, yi mene ti mene aik palinaferek mene anggele'ma ninobagagik egen.

MAZMUR 49:14

Afuni inonggwarek inomameba himbirik welagaikharek mene nen, an nen ugunem enek he fano iluk anggagarek mene andi re, a'nogoat wa'laikharek.

MAZMUR 50:22

Hit Allah hinonggot a'luk hilingitu welagep mene andoma re futfakhikhi logoni o. An nen hit hinebe alomat hinobagagi hanogo re, it afuni ekhe mene nen hinagap telhinabugun lek hilingi'mo re, kagalek logoni o.

AMSAL 14:32

Ap obaharo weak mene alomat lakhagain andi re onggwarek aweak oba, ap fano hilingiterek mene inili waganogo logogun andi re it fano hilingisugun oba.

AMSAL 5:22

Ap weak mene nen aweak hilingiterek mene andi re onggwarek faget wephogo fakhili'lago.

YESAYA 3:11

Oba nen ap inaniniba nek hilingiri'lagwi mene andoma re, iren afuni amu mene inoba hilingfisili'lagwi andi hakhogore it inoba ogo a'nogo hilingfisagain enggere inaplurogo logouwak.

YESAYA 5:14

Afuni o Yerusalem oba inogogwi kaindek ferinarek mene inom, afuni we mene inom seberogo pesta hilingiti logolik inagaiyegetarek mene andoma pilisageluk wa'lagarikharek mene a'nogo re, alonggobak ele hurogo ambele anghogo weri'lago.

YEREMIA 13:25

Hiren An nebe hinonggot a'luk ilah amu mene omanogoba tibet fuluk hilingiti lagepma re hit hinoba fagain mene iluk An nen fouget figi mene re andoma o.

YEREMIA 18:15

Oba nen An nagainafuri nen An noba inonggot a'luk he iren tugwi kembu faget amben fano mene duba omanogo noleri'lagwi. It he kwe o attak lagaukwa kwe a'nogo nen ineisok tunghogo waraluk he taganhogo ebekhe oan yago lekwe omanogo nen lili'lagwi.

YEREMIA 2:32

Helime yenggerugwi inalilingge wanhi'lek halok inonggoragarek nogo? Athe, su hemi iginafi logolik labet fisagarek mene labet fisigi'lek halok, inonggorasu hak nogo? A'nogo hilingitare'lek meneat he, hit o attagen An noba hinonggoret nobagagipsik welagep andi hinenggi wenasumo re elo'legat andi.

YEREMIA 3:21

Tom unggulkwe andoma nen ap inane lenggu lengga ili'lagwi andi re afuni Israel mene weak hilingitik, it ineisena Tuhan Allah oba inonggot agik, aga mene a'nogo oba ebetasik lebetninabuageluk kinoti logolik le ari'lagwi o.

YEHEZKIEL 22:16

Hat he it ekhe inunggulenu amu mene nen li'not hafunem enek he, haren An Tuhan welagirek mene a'nogo furogo helu asigin o,” iluk ikhe yagaisan o.

HOSEA 2:13

Aren An noba onggorasimbik, ninhup-nanhup amben fano mene tugwi kembu Baal andi faget enek noletik, alilingge fano mene waganogo ap inom nikharek mene andi heraginabi lagik, ikherek andi nen he, An nen wene at oba fagain o, iluk An Tuhan nen nane arat igi,” iluk ikhe.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.