MAZMUR 9:16 - Allah Wene Fano Wene Hupla Inane

¹⁶ Yi afuni ti afuni inunggulenu lombok Hat hebe inonggot mene re, it inonggwaregen kweang habul fakhagarek oba andoma pilagik, nen hele webet fakhagarek oba omanogo ke'nok igik, agarek.

MAZMUR 9:16 ပူးပေါင်းရင်းမြစ်များ

2 RAJA-RAJA 19:19

Afuni inunggulenu lombok o kweangma yi awi ti awi welagaikharek mene nen he, Tuhan Allah re we Hat ami-amuat welagarego, iluk inelu asuageluk nit ap Asyur mene nen ninoasuogoluk ili'lagwi andi telninabino o, neisena,” iluk yagatikhe.

AYUB 18:9

eisok unggut yetfet ugunem he at ebe elema ke'nok ikhi logogin.

MAZMUR 11:6

Afuni weak hilingitarek mene halok he Aren enggin-fenggin ekhe mene-ekhe mene inom, endu oba inom, helebenggen endu meneba inom, nen sogoi aganhan nen nolinaferek meneba inom unggum inoba fikherek.

MAZMUR 140:9

Tuhan neisena, it ap inanini weak mene nen anggagarek mene andoma faget Haren inane holu fugo, iren wene hilingisugun iluk inane mari'lagwi mene andoma re ebe asuageluk u fuk.

MAZMUR 19:14

An neranhogo weak hilingiti hanogoluk, fanorogo telnafi logoino o. Weak mene nen fa'nobagaluk fetnarek logoinogoluk, wo'narek laga logoino o. A'nogo fetnarek were'ma, tegelek mondok logolik, Hat hane hologo, weak hilingiti'lek logogin o.

MAZMUR 48:11

Hat henu re, o kweangma yi awi ti awi lego were'ma sagarek mondok werek, Haren he katokhogo nek inawene palhu logolik he higithogo nek leberisugu welagen.

MAZMUR 5:1

Afuni nen wuni wulak fuluk pinggong suling oba futhugu kwelek inebe seberogo nen ugunem melalinafu mene faget. Daud awuni.

MAZMUR 7:16

Aren he ap amu mene faget iluk kweang habuli'lagoba nen he, at onggwarek kweang habulik a'nogoba pili'lago.

MAZMUR 92:3

Hat hendawi hundik hilingninafi lagen mene a'nogo faget he o huberat ineluet figik, nen Haren tiphogo nek hilingiti lagen mene a'nogo faget he o hubanggo ineluet figik,

KELUARAN 14:10

A'nogo wagunem, afuni Israel mene nen at raja Mesir mene agoromi tentara inom wagunem ineilenggen yerisasukwasik he, inailo hokho agaikhesik, ”Tuhan Nineisena, telninabin o,” iluk inane hokhorogo yagatukwa.

KELUARAN 14:31

A'nogo wulakfisa wagaikhemo afuni Israel mene ineilenggen hasukwasik, Nineisena Tuhan omame hokhore'ma afuni Mesir mene mabenetfisaluk inoate andi nailo e, iluk hokhorogo fogeratukwasik, inendawinggen Allah oba himbiretfigik, At amingmingengge Musa ebe futfigik, isukwa.

KELUARAN 14:4

A'nogo anggikhe halok, An nen he, at endawinggen mondok helep hilingisogo foumo re, hit mukhinarek wesigin o. A'nogo meneat he, An nen at raja agoromi tentara mene inom An nomame inugisamo re, iren he, At Tuhan ebe Araro, iluk futfanimbik inelu asugun o,” iluk yagatikhemo, it afuni Israel mene nen he, at Tuhan yagaisasikhe higithogoat hilingitukwa.

KELUARAN 7:5

An nen, afuni Mesir mene wene inoba fembik weagerinafi logolik, afuni Israel mene o Mesir herakfuluk woginarek wulifunem, it afuni Mesir mene nen he, At Allah re, Tuhan higi iluk, inelu asigin o, iluk yagatikhe.

AMSAL 12:13

Ap weak mene andoma inane weak agarek oba inonggwarek yebet fakhagarek, nen ap fano hilingitarek mene re yi enggin-ti enggin oba nen lologo wulifarek.

AMSAL 6:2

hat honggwarek hane egen andiba hele webet fakhegen andi o, nen wene wareten andi nen alomarogo fakhegen.

YESAYA 28:13

Andiba re Tuhan nen hit hinoba ero misik-misik ane misik-misik, asiok misik-misik yagaisili'lago andi o. Nen, hit logoin iluk lagunem he hineisok peikhogo hinagambut palogo hinoatunem he, hinenggi hele warogo helewarek fisugunem hakhogo welagep.

YESAYA 8:15

Afuni inebe hokhorogo re ineisok tunghogo warigik, inebe inagambut palogo inoatik, nen yepse'ma ke'nok igik hilinglasugun o,” iluk yaganete.

DANIEL 6:25

A'nogo hasukwama, at raja nen, it ap Daniel wene oba fesukwa mene omanogo fakfisasikhesik he, inagainafuri inom, inagagwi inom pogolema singa werek oba a'nogo pelaginabuageluk yagaisasikhemo, pelaginafukwa. A'nogo pelaginafukwama, inebe pogolema singa werek oba a'nogo kweang oba tunghogo pigi'le'maat singa omanogo nen inebe halulum higik inoak inom mondogat tamulogo nasikhe.

HAKIM–HAKIM 1:7

Tegetukwama, at Adoni-Bezek en yi'nogo isikhe, ”Attak he it ap inogogwi raja inebe 70 nen mene, an nen inenggi fuap inom ineisok fuap inom tegerinafigimo logolik, it inamburu an nambe abu'ne pugu mene tolhigik ninggi lagaukwa a'nogo. Nen yogondak he an nen it hilingfisasigi mene a'nogo ambisangma re Allah nen an noba a'nogoat hilingnobagaikhe yi o,” iluk isikhe. Andoni-Bezek ebere hobugen waluk o Yerusalem lagaukwama andoma nen at ebe wa'lagaikhe.

1 SAMUEL 17:46

O yogondak yibaat, neisena Tuhan nen he, hat hebe nenggiba foumo, hoasimbik he, halonggop paligin o. Hat hagoromi tentara mene hinom hinebe warek sue, wam, noagaluk wogosigin o. A'nogo hilingisigin andiba, afuni o kweangma yi awi ti awi welagaikharek mene mondogaren he, it afuni Israel mene ineisena Allah fogeratarek mene andi ebe eberogoat werek, iluk inelu asugun o.