MAZMUR 9:15 - Allah Wene Fano Wene Hupla Inane

¹⁵ Andiba re, an nen it afuni Yerusalem mene inelokhoma nen Hat fogethafi logogin. Haren an nagap telnafi logogin oba re, an nagaiyegen foget fakhikhi logogin o.

MAZMUR 9:15 ပူးပေါင်းရင်းမြစ်များ

MAZMUR 107:22

Iren he, yi mene ti mene At faget fisaluk waluk waga logolik, At hai wati logouwak. Nen At obabut hilingiti lagaikhe mene andoma it afuni ekhe fakhogo yagaisikhi logolik he wuni inanggilukhogo wati logouwak.

MAZMUR 13:6

An he Haren hendawi hundik hilingnafi lagen mene a'nogoba nek tipsek welagimo re, Haren an nagap telnafi lagen andiba re an nagaiyegeti logogin. At Tuhan nen an noba mondok fanorogo nek hilingitunem he andiba an nen At obaget awuni watu logogin.

MAZMUR 20:6

Hat homame mondok ari'lago andiba nit ninagaiyegen ninabunuk eti logogun, nen poksu bendera linoget hagarek andi hak nit ninendawimo nen wuniba nineisena Allah fogerati logogun. We At nineisena Tuhan nen enek haren kino yagati lagen mene andoma mondogat hologo nek wokheti logouwak.

MAZMUR 35:8

It inoba a'nogo asigin iluk wenggelek le'ma ferekhogoat inebe weagerinabi wesuak. It inonggwaregen yebet fakhili'lagwi mene andoma bene inebe lugut lagik, saluk igik, ikhilik lambik ineiloak lek akhoak.

MAZMUR 35:9

Oba nen an he, neisena Tuhan faget nagaiyegeti logogin, Aren nagap telnafunem he an nendawimo nen nagaiyek anggikhi lagi.

MAZMUR 37:15

A'nogo meneat he, afuni inobabut weak mene andi re, inonggwaregen inenggarok oba lisogo inebe warigik, inasikhe falelogo figik ugun werego.

MAZMUR 57:6

Neisena Allah Hat handungdang mondok welagen mene andi re pogoroba mondogat weinamet figik, Nen Hat hanggiluk welagen mene andi re o kweangma yi awi ti awi mondogat weinamet figik in o.

MAZMUR 94:23

Aren he ap weak hilingiterek mene re it inaweak hilingitarek mene higithogo unggum wogisikherek. Nen it inaweak andiba re Aren enek it inebe weagerinaferek. Nen nineisena Tuhan Allah andi nenat it inebe leget fisagain.

AMSAL 22:8

Ap awi weak mene yasigin halok he ambisangma re enggen weak meneat paligin, hobuk at omameba yagaisikhi logombigen mondogat legasigin.

AMSAL 5:22

Ap weak mene nen aweak hilingiterek mene andi re onggwarek faget wephogo fakhili'lago.