MAZMUR 9:12 - Allah Wene Fano Wene Hupla Inane

¹² At Tuhan o Sion oba melalinafi logolik werek mene andi nek fogerati logouwak! Aren elalin hilingiterek mene andoma mondogat he, it afuni inunggulenu lombok welagaikharekwe andoma yagaisilik laga logouwak.

MAZMUR 9:12 ပူးပေါင်းရင်းမြစ်များ

KEJADIAN 9:5

Afuni nen inom, wam, sue, paik en inom, afuni inebe inoasugun halok inebe lombok An nen wene inoba fembik mondok inoasigin o.

2 RAJA-RAJA 24:4

Ebe mondok alonghogo re at Menasye nen afuni weak hilingiti'le'ma nen inebe pinggi inoati lagaikhemo re, Tuhan nen he at Manasye aweak hilingiti laga mene andi lek hilingisogo fesikhe lek.

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

MAZMUR 10:17

Tuhan neisena, Haren he it afuni weaget fisagarek mene omanogo nen samban ugu mene re inane hesanggo holfuluk it inendawinggen hambuget fisikhi lagen.

MAZMUR 132:13

Tom Sion oba andoma Tuhan hebe logogin oba iluk, wenagaisogo fakhasigin andi nen he, wene yi'nogo waretigin andi.

MAZMUR 22:24

Hit afuni At oba tipsek logolik hilingiti lagep mene yi sani, At enek fogerati logoni o! Hit afuni Yakub en tagongge mene mondogaren he Arenek esinet fikhi logoni o! Hit afuni Israel en tagongge mene hinebe mondogaren he ineindep awi yagaisogo At apne wanhi logoni o!

MAZMUR 34:6

Afuni weak hilingisogo fisagarek mene andi re, it At oba eberek logolik inagaiyekhogo logogun, It yi enggin ti enggin hili'lagwi mene andi re, inenggali agi'lek inoba heanerogo logogun.

MAZMUR 68:17

Hat hebe handom punu-punungge andomaba nen, o Sion Punuba At Allah ebe werek oba iluk wenagaisogo fakhasikheba a'nogo heilenggen lourogo yerogo welagen andi re nenahalok? At Tuhan he o andoma mondok-mondok logogin o.

MAZMUR 74:2

Hat hagainafuri o attagat wenagaisogo fakhasigin mene a'nogo ebethan o, it inunggulenu yi mene Hat honggwarek hagainafuri mene asuageluk Harenat fikhalogo wilakfisa wagagin. Hat hebe werek oba faget Handom Sion hilingisogo fegen a'nogo ebethan o.

MAZMUR 76:3

O Yerusalem he At onggwarek Awi ebe werek oba, nen Tom Sion he At ebe were'ma.

KELUARAN 3:7

A'nogo salhikhemo, At nineisena Tuhan nen he, mel yagatikhe: ”An nagainafuri afuni Mesir mene nen inamingmingengge higit ferinarek logolik, yi enggin ti enggin hilinginafunem telinabuageluk nayonggo fugu mondok welagaikharek andi, An arat neilenggen isigik, nesanggo holhik, igi o. It yi enggin ti enggin hili'lagwi andi An mondogat nelu o.

KELUARAN 3:9

Afuni Israel mene Mesir mene nen sebelogo ferinarek weregen le ari'lagwi andi An neilenggen isigik, inane nesanggo holhik, igi o.

YESAYA 26:21

Afuni kweangma mondogat weak hilingitu werek andiba Tuhan ebe pogoroba nen pi wesimbik unggum wogisagain o. Ap hinagaisogo inoari'lagwi mene andoma re mondogat weinam asigin. Ap warogo hinakfisagarek mene andoma re kweang en hinakfisagain mene ekhe werek mondok lego.

YESAYA 8:18

An nagainafuri ninom afuni Israel mene nen futninobagauwageluk enegenggere nineisena Tuhan Omame Mondok Hokho mene Andom Sion oba welagarek mene a'nogo nen ninayonggo fuluk la'ninobagai wagama welago ari o.

MATIUS 23:35

Andi halok he, it ap inobabut higit hilingiti lagaukwa mene, inamep wulagaisogo inoarik wagaukwa andi, huli ero Habel obabut higithogo hilingiti lagaikhe mene oe nen watikhe andiba nen pikhit, huli wurep oba, at Berekia amlogo Zakharia andi Allah awi wurik honggolek, Allah anggo warogo endu noleti lagaukwaba honggolek, tulem watigip andi huli, it mondogat inamep hit hinoba lombok hinenggiba werego.

WAHYU 16:6

It ap andi nen, hat hagainafuri mene inom, hat hane yagaisagarek mene inom, inamep wulagaisogo inoatukwama re, mep noageluk wogisegen andi re, inobabut obaat higithogo wogisegen o, neisena,” iluk ikhi laga holhi.

HAKIM–HAKIM 10:16

Andi isukwasik he, iren inanggembu alik waganek mene omanogo hugisasukwasik Tuhan apne wanhukwama re, it enggin fengginhogo logolik hilingiti lagaukwa mene a'nogo Allah nen isasikhesik endawi ou hasikhe.