MAZMUR 88:8 - Allah Wene Fano Wene Hupla Inane

⁸ Hat ha'mage a'nogo enggin nen he an sebet niugunem welagi, Hat anini nen he an a'nogo alperelogo nobagagunem welagi.

MAZMUR 88:8 ပူးပေါင်းရင်းမြစ်များ

AYUB 12:14

Aren meisalisugunem he, obali'mo wusu re elo'lek, nen Aren afuni hele warogo fisugu mene andi re lologo wulakfisa re elo'legat.

AYUB 19:8

Allah nen an nanggwe palnobagaikhemo re, an nen soganogo lare elo'lek nen an anggwe andi re mondok mum hilingisogo fikhe,

AYUB 30:10

Iren an kwelaknealuk he mondok inabit a'luk sebelogo nobagali'lagwi, an nelokhoma re wesi subet hili'lagwi.

MAZMUR 142:4

An noba lebelek agu sambul he an nen hilingisigin mene Hat mondogat helu welagen. Ebekwe an lagain iluk hilingiti lagikwe omanogo it naselei mene nen linglong an nobaget hele yebet fili'lagwi.

MAZMUR 143:4

An nagaiyek werek mene a'nogo mondogat pugunem he, nendawinggen nonghong ugunem welagi.

MAZMUR 31:11

Noba ou hugu mondok were'ma nen enek he nebe neluk welagi mene a'nogo mondogat lek aga, yi tahun ti tahun nambelema set hoporogo werek kwelek enek he arat asi lili'lago. An nebeba wiik-weak hugu werek-werek he nomame mondogat legagik, noak mondogat abolok igik ikhe o.

MAZMUR 88:18

Linggene inukhogo andoma Hat anini a'nogo re i fu wagarek hakhogo an haningisogo kwelaknobagaluk werek. Nelokhe kwe nen nambotkwe nen mondogat haningisogo kwelaknarek werek.

YESAYA 49:7

Allah Horek Mondok logolik Is rael mene inagap telinaferek mene a'nogo nen, mel ikhe ap andi oba li'norogo inabit oba fagarek mene inom, nen it inunggulenu lombok welagaikharek mene omanogo nen at oba inabit anggagarek mene inom, nen it ap inenu werek mene inamingmingengge a'luk werek mene a'nogo nen inom, at oba ikhi logolik, ”Raja-raja andoma nen he, An nen hilingisigin mene neogoin aro, it inebe menla'luk An fogetnafi logogun. hilingisigin mene omanogo ineilenggen haluk he it hobuk hebekhogo An fogetnafi logogun aro. A'nogo hilingitunem it ap inenu werek inap logogun mene omanogo nen ogo ineilenggen haluk he ineindep awi yagaisogo fogetnabugun aro,” iluk ikhe. Andi hilinglasigin andi re, At Tuhan nen Amingmingengge a'nogo mondogat wenagaisogo fikhe andi nen hilingisigin. At Allah Horek mondok logolik Israel mene ineisena welagarek mene andi nen, Aren wene ikherek meneba tiphogo nek hilingiri'lago andiba hilingisigin.

YESAYA 63:3

Tuhan nen onggo ikhi logolik, ”An nagainafuri ekhe nen lebetniigi'lek, we, namuat anggur enggen sagalharek oba andoma kwigirik, na'mage afuni inunggulenu lombok inoba figirik he, anggur enggen sagalharek andi hak, inebe neisogen alpiril perelhogo inoatimo it inamep he singgiringgi palogo An nasu bene wagama re, An nasu mondogat emerogo fikhe andi o.

YEREMIA 32:2

Andem sambul he tentara Babel mene re o Yerusalem pin kwi wagu kwelek. An nebe re raja Zedekia nen he an noba hikhip hikhi logolik, haren Tuhan nen yi'nogo ikhe, ”Raja Babel he An nen obokhogo lakfisamo re o kota yiba sebeli wesimbik logogin.

ZAKHARIA 11:8

An nen a'nogo halinafunem he, ap gembala inebe henagan mene nen an li'norogo wena'neti logolik inabit noba fugunem he, an na'mage sebelu mondok elo'lekhogo hilingnafi laga. A'nogo hilingnafu nen he, tugi misik meneba nek he, it a'nogo mugusogo wulakfisigi.