MAZMUR 88:1 - Allah Wene Fano Wene Hupla Inane

¹ Wuni it inunggulenu Korah mene inawuni. It afuni wuni wulak fuluk ugunem yanggulinafu mene faget, wuni unggulenu: Mahalat Leanot awi Ezrahi mene andi nen yagaisikhi lagaikhe awuni.

MAZMUR 88:1 ပူးပေါင်းရင်းမြစ်များ

KEJADIAN 49:18

Allah Henupogot neisena, haren telninabigin mene andiat serogo welagirego.

1RAJA-RAJA 4:31

At he hun Etan ap Ezrahi mene andi inom, Herman inom, Kalkol inom, Darda inom, hun Mahol againafuri andem inomen hebelek welagaukwa mene re sebelek kwelek he at Salomo nek he o kweang alekwe haningisogo welagaukwakwe andoma mondogaren at enunek lego welagaikhe.

1RAJA-RAJA 5:11

Nen at Salomo nen he afuni Hiram awi istana welagaukwa mene andoma inamburu nunggu mene faget he gandum 322.500 kilo nen inom nen zaitun amusu re 4.400 liter nen inom, tahun ebe lombok raja Hiram obaget fisaluk lakfisa laga lagaikhe.

1 TAWARIKH 2:6

At Zerah nen he againafuri inebe fuaben taginafikhe, inenu re Zimri inom, Etan inom, Heman inom, Kalkol inom, Dara inom, taginafikhe.

1 TAWARIKH 6:18

At Kehat amlogomi re, Amram inom, Yizhar inom, Hebron inom, Uziel inom andem.

NEHEMIA 1:6

An nen hagainafuri Israel mene faget o hup hundik, lingge hundik, nane hoba liakfei waga lagi andi, heilenggen neambik he, nane hesanggo holino o, neisena. Nit afuni Israel mene weak hilingitugu andi. Nen an nebe inom, nombalak inom, weak hilingituguat andi o, neisena.

MAZMUR 140:7

Tuhan neisena, an nen ikhi logolik he an neisena Allah re Hat welagen, andi nen he an nen yagaheti lagi mene andoma fut nobagakhi logoin.

MAZMUR 22:2

Allah neisena, an neisena Allah re Hat hebe welagen, nenahalok Haren oboget neegen nogo? An nen Henu hombuk palhi lagiba nen he, Hat hebe yatma logolik nane hesanggo holhi lagen lek?

MAZMUR 24:5

Inobabut ariginik mene re nineisena Tuhan nen telinabimbik, fanorinabigin werego. A'nogo fanorinafi logolik At Allah nen yagaisikhi logolik, ”Hit he weak hilingiti'lego,” iluk yagaisagain aro.

MAZMUR 27:1

At Tuhan andi re an liatnafik, telnafik ikherek mene hilingi'mo re. An nen nailotirek mene ekhe werek lego. Tuhan he an nalong palogo himbirengge higit fetnarek were'ma re, an he nendawimo youk igi'lek hampukhogo logogin.

MAZMUR 27:9

enggere, an nagaiserogo hi na'lasu fuk,” iluk ikhi lagi. An weak were'ma Harenat lebetniikhi lagagindi'mo re, yogondak an hamingmingengge yi noba ha'mage figik, habiret nobagagik ugun o. Hat neisena Allah re an nagap telnafi lagen mene welagenma re, Haren an ekhema hukniigik, hesanggema nobagagik u fugo, neisena.

MAZMUR 42:1

Ap Korah werekwe mene nen wuni felalogo watukwa mene.

MAZMUR 51:14

Attak telnafiginmo nendawimo nagaiyek hikhi lagagi mene, yogondak nendawimo weak welagi yi nambotkwe fano hilingisogo nobagain o. An nendawimo nagaiyek oba, hane hologo hilingiti logoigen he, nobabut ket mene hilingisogo nobagain o.

MAZMUR 53:1

Afuni nen wuni wulak fuluk inebe ambine seberogo ugunem yanggulinafu mene faget, wuni unggulenu Mahalat ebene felalek mene. At Daud en yanggulinafikhe awuni.

MAZMUR 62:7

At ebe helep tom hakhogo fetnarek welagik, nagap telogo nobagagik, hilingiterek. Nen At ebe o kota leget ninghogo waganogo kwelabek andi higit fetnarek were'ma re, an naloak nalo-halo u re lek hago.

MAZMUR 65:5

Nit Hat haiba logouwagaluk, wenagaisogo ninayonggo fesigin mene, Hat honggwarek hawi wuri'mo, Hebe welagen oba andoma, yi mene ti mene wogisugunem, inalabut ninghogo nenggarek hak, Haren fano mene wo'nisugunem, oba heilarogo logolik, ninendawimo ninagaiyek hikhi logogun o.

MAZMUR 68:19

At Tuhan ebe legoma po'lima lagakhi logolik andi re, it aselei mene hele warogo werek mene omanogo woginarek lagagin. Andoma logolik he afuni inanggele'ma omanogo nen inom, nen it afuni wene melalek sagalogo fuluk hilingitarek mene nen inom At Tuhan Allah inom andoma seberogo logouwageluk he, At obaget fikhi logogun mene omanogo wanigin.

MAZMUR 79:9

Nineisena Allah, Hat he ninagap telogo ninobagagu mene welagenma re nit lebetninabin o, Hat honggwarek halong logolik lego welagen andi hak nit ninaweak honggoret fuluk nit ninebe fikhalogo ninobagain o.

MAZMUR 86:3

Tuhan neisena, an neisena Allah re we Hat amu welagenma re, an nen lingge inukhogo samban Hat hoba ikhi lagi mene yi hendawit nabin o.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 62:6

leget pa'leget o Yerusalem oba andoma An nen ap kagalek mene menfisilik lagain. A'nogo logolik linggene nen pikhit hubanggo re alokhogo welagi'lek hundik-handik Allah nen wene watnisasikhe mene a'nogo faget ebetu mondok logogun.

LUKAS 1:47

Allah an telnafe mene a'nogo nen yi'nogo hilingnafemo nendawimo nagaiyek hokhorogo hikhi lagi o.

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

LUKAS 2:37

sogwe fesikhesik oba nen, at ebe umur 84 tahun mondok yaman agaikhesik welagaikhe. Logolik enggi ekhe sumburu ninggi'lek ambe heang fakhasikhesik Allah awi wuri'mo andoma linggene hubanggo abit agi'lek samban mondok ikhi lagaikhe.

1 TESALONIKA 3:10

Hit hinendawinggen Kristus oba himbiret fesigip meneat he, oan hangge andi nen, nit ninebe hinoba wesimbigen hinendawinggen hobuk ago wathinobagai wesuogeluk samban hit faget linggene hubanggo ugu mondok welago.

2 TIMOTIUS 1:3

An nombalak Allah awe a'ma logolik, inonggwarek inendawinggen misigat fano logolik, at faget hilingitik, fogeratik, ikhi lagaukwa hak, an a'nogoat hilingiti logolik, hat hoba mondok eberegat, hat faget linggene hubanggo samban ugu mondogat logolik, Allah hai wati lagi o.

TITUS 2:10

inagarek mene yogot wanhi logogun lek. We, inobabut enegat futfisoageluk, yi mene ti mene faget humbunhogo higithogo hilingitunem, it afuni ekhe nen Allah telninaferek mene a'nogo abok ikhi logolik, ”At ane yaganisili'lagwi andi fano,” iluk, ikhi logouwageluk, inobabut a'nogo hilingiti logogun.

TITUS 2:13

Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.