MAZMUR 86:12 - Allah Wene Fano Wene Hupla Inane

¹² Tuhan Allah neisena, an nendawinggen abirenggeba nenat Hat hai wathafu mondok logogin, nen Hat henu hokho welagen mene andi faget fogethafu mondok logogin.

MAZMUR 86:12 ပူးပေါင်းရင်းမြစ်များ

1 TAWARIKH 29:13

Yogondak he, Nineisena Allah, niren Hat hai wathafik, Hat henu mondok lego mene andi fogethafik, ikhi lago, neisena.

1 TAWARIKH 29:20

A'nogo mondogat samban isikhesik, at Daud en afuni hokhorogo andoma kaboksek welagaukwa mene omanogo inoba ikhi logolik he, ”Hineisena Tuhan Allah fogera'ni o! Iluk yagaisasikhemo re, it afuni mondogat a'nogo nen, ineisena Tuhan Allah it inombawi nen apne wanhi lagaukwa mene a'nogo fogeratukwa. Fogerati logolik he, iren At Tuhan legeisogo fikhi logolik iluk inom, at raja a'nogo legeisogo fikhi logolik iluk inom he, ineindep awi yakfesukwasik inelokhe sagaum fogeratukwa.

MAZMUR 104:33

An nebe neluk logolik neisena Tuhan hobaget wuni watu mondok logogin. An nebe welagi yaba re neisena Allah hobaget wuni wati logolik fogethafu mondok logogin.

MAZMUR 34:1

At Daud eranen ap Abimelekh eilhanem ebe kembu mene hangge hilingiti lagaikhemo, mugusogo ale'ma laga logolik wuni watikhe mene.

MAZMUR 9:1

Afuni nen wuni wulak fuluk inebe seberogo ikhi logolik at Mut-Laben awuni mene ane lisogo Daud en isikhe awuni a'nogo.

MAZMUR 9:2

Tuhan neisena, an nendawinggenma mondogaren Hat hoba hai wathafi logogin, nen Haren wesa polanhogo elalogo fesigin mene andoma faget he fagerik nikhi logogin.

YESAYA 12:1

Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

KISAH PARA RASUL 8:36

Yagarik mondok ebekwe pikhi logolik he, i were'ma pisukwasik, at ap kain a'nogo nen he, ”I werek yi han. An ima pelaknabigin anggikhi lagi. I a? Athe, ki mene oan welagi anggegen,”

1 KORINTUS 10:31

an nen yi'nogo yagahisak. Sumburu inom, i inom ninggik, yi mene ti mene hilingitik, a'nogo mondogat ikhi logolik he, afuni nen Allah fogerasuagelugat hilingiti logoino o.

1 KORINTUS 6:20

Allah nen he, hinebe onggo arat katokhogo palogo wokhinafikhemo welagep andi nen he, hinebe abirengge Allah faget fisaluk at enek fogerati logoni o.

EFESUS 5:19

Hit-hit wene hinane mati logolik, Allah wuniba inom, Allah fogeratu awuniba inom, Mazmur Daud en felalogo wati lagikhe awuniba inom, hinendawinggen oba nenat hinagaiyegeti logolik Tuhan fogerati logoino.

ULANGAN 6:5

Hinendawinggen inom, hinobabut inom, hinomame inom, misigat asimbik, nineisena Tuhan Allah hinendawinggen hundik logoino o.