MAZMUR 85:9 - Allah Wene Fano Wene Hupla Inane

⁹ Niren ninambotkwe sugulogo weak hilingisi lago lek halok he, hit hinendawi serogo logobagaigen hinobagagin iluk Aren nit againafuri ninoba wene watnisikhe. Arigini'mo an he, At nineisena Tuhan Allah ane ili'lago mene andi nek nesanggo holek logoile namolo welagi o.

MAZMUR 85:9 ပူးပေါင်းရင်းမြစ်များ

MAZMUR 119:155

It afuni inobabut weak mene andoma re Hat hawene melalek a'nogo hologo hilingiri'lagwi le'ma re, Haren telinabu re elo'lek

MAZMUR 50:23

Afuni nen wam yi mene ti mene warogo An nobaget fou hak he, ap andi nen An nalong anggaluk legeisogo nobagakhi logogin andi aro. Nen it ekhe kwe pikhithogo laga logogun mene andi inoba re, inagap telinabigin mene andi re An noba nen inugisikhi logogin o, iluk ikhe.

YESAYA 4:5

A'nogo hilingfuluk he tom Sion oba afuni mondogat andoma kabogesugun mene inom he Tuhan nen linggene re ohena hilingfigik, nen hubanggo re endu so'le inom ombak-bak eterek mene inom hilingfigik igin. Allah onggwarek ebe nenat o kota andi sebelogo logolik along palogo fisogo logogin.

YESAYA 46:13

Telinabigin sambul andi re An nen horogabesi wesigin o, Inagap telinabigin iluk An nen wogisigi mene andi re higilogo fei lagain lek. An nenat o Yerusalem andi telogo figik, Israel oba legeisogo fouwageluk hilingfigik, igin o,” iluk ikhe isikhe.

YEREMIA 23:35

Oba nen agamhogo re it ap ekhe nen inagaila'lak inoba ogo, athe it ineisok erokwe mene inoba ogo heinok wogisikhi logolik, ”Tuhan nen wene onggo ekhe ikhe a? igik, athe Tuhan nen ninggi'nogo ikhe?” igik, ikhi logogun andi re fano.

YEREMIA 23:37

Iren ap nabi-nabi andoma inoba ikhi logolik, ”Tuhan nen hat hoba wene onggo ninggi'nogo yagahete? Nen Tuhan nen wene ninggi'nogo mene ikhe? Iluk andem enek ikhi logogun.

YEREMIA 29:11

An nen hit hinobaget hilinghinobagagin mene iluk nendawimo ebeti lek nogo a? Hilinghinobagagin mene iluk nendawimo ebeti lagi mene andi re hit longgot hinobagagin iluk he fuk, athe hit hinendawinggen fano serogo logobagaigeluk, nen hit hobuk logogun mene faget hinendawinggen eberek mondok logobagaigeluk ebetu welagi o.

YEHEZKIEL 26:20

Andi nen An nen hat hanggweangma ap wa'la'luk lagaikharek oba omanogo lakhobagaumo lambik it ap o andemen wa'lagaukwa mene omanogo hinom mangosi lagain. An nen hat hanggweangma ap wa'lagaukwa mene inanggele'ma andoma lakhobagaumo logogin. Andiba re hat hanggweang oba it ekhe logogun lek, nen hat faget ogore afuni ineluk werek mene inanggele'ma nen ekhe wurep wokhiikhi logogun legat.

YEHEZKIEL 3:10

Hobuk ekhe inomat Allah ane ikhi logolik, ”Afuni wa'lagaikharek mene yi re, An nen yi wene ti wene hat hoba yagaheti lagi mene andoma fanorogo fut-fuluk wenggelhi logoin o.

HABAKUK 2:1

An nen wene Tuhan yagati mene a'nogo onggo ninggi'nogo yaganesigin? An nen afuni yagaisoageluk ninggi'nogo mene yaganesigin, iluk kwe pelare'ma ineilenggen welagaikharek oba andoma lagambik mendek logolik yerogo logogin,

ZAKHARIA 2:5

Tuhan nen wene wati logolik, At onggwarek ebe o kota andi faget pa'leget higit endu meneba haningisogo logolik along palogo fisogo logogin, nen, At ebe re along-palonghogo logolik omame hokho mene logogin, ikhe iluk yagasi lan o,” ugunem higi.

ZAKHARIA 2:8

Ap sa nen hit hinoasugun iluk hilinghinafu halok he, An nendawinggenma kagaukhogo noasu hagat hilingisugun o,” iluk ikhe. Andiba re, Tuhan Omame Mondok Hokho mene a'nogo nen an mimingnafi logolik wene a'nogo iluk andi it inunggulenu inap Tuhan againafuri telogo helasukwa mene andoma yagaisoageluk mimingnafi logolik,

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 7:17

Ap sa nen Allah endawimo anggikherek mene higithogo hilingisu amolo halok an nen wene yagaisikhi lagi andi, Allah nen yagatu kwelek ili'lago, igik, onggwarek endawimo nen kagalogo ili'logo igik, enegat hambik elu asigin aro.

KISAH PARA RASUL 13:16

at Paulus ebe menlagaikhesik he, wene yagaisageluk enggi map isikhe. Enggi map isikhesik he, ”Hit afuni Israel mene inom, endakwe mene Allah ane hologo hilingiti lagep mene inom, nerugwi nagaila'lak. Wene igin andi hinesanggo holini o.

1 SAMUEL 3:9

A'nogo futfesikhe andi nen, mel yagatikhe: ”Hambotkwe nogo i lan o. A'nogo nogo ugunem, hobuk wolhafe halok he, mel yaga'no: Neisena, hamlogo hamingmingegge mene nebe yi logolik nesanggo holek welagi o. Yaganom, neisena, iluk yaga'no,” iluk yagatikhemo, at Samuel nogo ikhi lagaikheba wagaikheat.