MAZMUR 85:8 - Allah Wene Fano Wene Hupla Inane

⁸ Tuhan nineisena, Haren hendawi hundik hilingninafu welagen mene andi inuk isan o, Hat hoba nen ninagap telogo ninobagakhi lagen mene andiba telninabin o.

MAZMUR 85:8 ပူးပေါင်းရင်းမြစ်များ

KEJADIAN 34:7

Aremnogo sambul at Yakub againafuri omanogo o leimo nen wagaukwasik inesanggo holhugunem en he wene hilinglagaikhe aple a'nogo faget holhukwasik youk lagaukwasik ina'mage hokho mene lagasikhesik inobaharo agaukwa. At Yakub a'logo a'nogoba inomameba weak hilingfesukwa andi nen he it Israel mene nen anggikhi logolik nit he at Sikhem en weak hilingisogo ninobagaikhe iluk isukwa.

MAZMUR 130:4

A'nogo meneat he afuni Hat hebe inailorogo, hawe a'ma logouwagaluk inaweak sebelogo leget fisugu mene andi nek he, Haren hamolo welagen andi.

MAZMUR 29:11

We At Tuhan nen enek againafuri inomame wogisigik, it inoba mondok fanorogo hilingfisigik, ikhi logouwak.

MAZMUR 50:5

Aren ikhi logolik he, ”It An nagainafuri mondogat ninom wene watugusik, wam warogo omameap etugu mene andoma mondogat andogerinabini o,” iluk ikherek.

AMSAL 25:11

Anggagarek mene a'nogo u higiroba asi wagunem agarek mene andi re, emas enggen perak mene loksek engge welagarek higit.

AMSAL 27:22

Ap kembu mene andi re yei ourogo inoasugun meneba nen ogore, kemburogo hilingitarek mene andi hobuk ogo inobabut hebelugun lek.

YESAYA 57:19

An nen ap yatkwe werek mene inom, horok-horokwe werek mene inom, fano liokhogo welagaikharek mene afuni mondogat inoba wogisagain. An nen nagainafuri fano higirinabigin.

HABAKUK 2:1

An nen wene Tuhan yagati mene a'nogo onggo ninggi'nogo yaganesigin? An nen afuni yagaisoageluk ninggi'nogo mene yaganesigin, iluk kwe pelare'ma ineilenggen welagaikharek oba andoma lagambik mendek logolik yerogo logogin,

HAGAI 2:9

An nawi attak wurik welaga mene andi re we harek hak oba nen, ket wusugun mene andi nek he fano mondok logogin, nen, o andi re An nen hit hinendawinggen serogo logobagaigeluk hilingisogo hinobagagik, hit An nagainafuri hinunggulenu yi mene hinoba hinangge sik-pikhogo hilinghinobagagik, igin o,” iluk An Tuhan Nomame Mondok Hokho mene a'nogo nen nane mondogat igi o, yagatikhe.

ZAKHARIA 9:10

An Hineisena Tuhan nen ikhi logolik, ”It Efraim mene inanggo kuda andoma re An nen hugisagain o, o Yerusalem oba inanggo kuda andoma re, An nen mondogat legetfisagain, nen, inasikhe andoma mondogat lilibukhogo lakfisagain. Hit hinoe raja andi nen ap inunggulenu mene inanggele'ma andoma fano liokhogo welagaikharek mene faget wene menfagain o. I laut ekheba nen ekheba andoma At omame a'ma nek ferinarek logogin, nen, i Efrat ima nen he, o kweang wurep kobokhogo andoma huli re At enggiba nek logogin.

YOHANES 14:27

Halok, hit hinendawinggen hambukhogo logouwageluk an nendawinggen hambukhogo welagirek mene wokhisaluk lagain o. Andi re, afuni kweangma mene nen wogisagarek hak wokhisagain lek andi nen he, hinendawinggen fiti logolik hinailo agubo.

YOHANES 20:19

A'nogo yagaisa wagaikhemo nen, o hari Minggu welagaukwa andi sambul hubanggo at Yesus agoromi ane wanhi lagaukwa mene omanogo, it ap Yahudi mene inailo nen he, o ekhema misi'mo kwe mondogat kolok warogo kwisukwasik welagaukwa. A'nogo were'ma, at Yesus lagaikhesik inanggele'ma menlagaikhesik he, mel yagaisasikhe: ”Nagoromi. Hina'manggen lagup,” iluk a'nogo yagaisasikhesik,

YOHANES 20:26

A'nogo yagaisasikhesik oba nen he, inenggi 7 nen welagaukwasigen ekheba it Yesus agoromi ane wanhi lagaukwa mene omanogo Tomas inomat, o a'nogoat andogotukwasik, kwe mondogat kolok watfuluk welagaukwa meneat he, at Yesus wagaikhesik inanggele'ma menlagaikhesik he, mel yagaisasikhe: ”Nagoromi. Hinalabok, hina'manggen lagup,” iluk a'nogo yagaisasikhesik,

YOHANES 5:14

A'nogo hilingitukwasik oba nen, hobuk at Yesus Allah awi wuri'mo ap a'nogo emberek ambi agaukwasik he, mel yagatikhe: ”Neisena. Yogondak hat hoba arat fano agen andi re, hobuk weak hokho mene ekhe hoba asinogo nen he, weak mene ekhe hilingitun o,” iluk yagatikhe.

YOHANES 8:11

aren he, ”Noe, Mondok lego,” iluk yagatikhemo, at Yesus nen he mel yagatikhe: ”An ogo re, wene hoba fuluk hoasigin legaro. Hebe hawiba lano. Lambik he, huli yogondak oba nen hobuk weak ekhe hilingiti logou fugo,” iluk yagatikhesik he, awiba lakfesikhe.]

KISAH PARA RASUL 10:36

Higimo re, nit afuni mondogat ninoe Enupogot Yesus Kristus nen lambukhogo ninobagauwageluk wene fano wene andi, ebe nit afuni Yahudi mene ninoba lakfei wagaikhe andi hinelu o.

KISAH PARA RASUL 3:26

Allah nen he, wene andi waretikhe hak, hit weak hilingiti lagep mene hinebe lombok hinambotma herakfisoageluk amlogo ebe fanothinabigin mene hit tak hinoba pelakfei wagaikhe andi,” iluk komorinafikhe.

GALATIA 4:9

Mene re, an nen he, ”At Allah hinebe elu welagarek,” iluk uwem, ”Hit yogondagen Allah ebe hinelu agep,” iluk igi andi. Halok he, hit hinonggwaregen munggwarengge obabut weak omame lek mene, eilmo lek mene, andi oba hobuk hinambotkwe awe a'ma kuogeluk ikhi lagep andi, nenahalok.

EFESUS 2:17

At Yesus nen a'nogo wo'ninarek wagaikhemo re, fena mene, fena mene ninom, at Allah Areagun misigat andiba nineisena Allah oba ku higirat hilinglagaikhe, iluk, Yesus ebe attagat wagaikhesik, ”Hinom lambulogo hinobagagi o,” iluk, wene fano wene hit endakwe mene yatma were'ma yagahisigik, nit afuni Yahudi mene horogat were'ma yaganisigik, i wagaikhe andi.

2 TESALONIKA 3:16

Ninoe Enupogot ninendawinggen hambuget ninaferek mene a'nogo onggwaregen yi mene ti mene faget hinendawinggen hambuget hinafu mondok logolik he, hinebe mondogat fethinarek logouwago.

2 TIMOTIUS 2:19

Mene re, Allah nen o tik hak watikhe mene ningsek mondogat logogin andiba lisu mel iluk palek werek andi: ”Ninoe Enupogot onggwarek againafuri wenaginafikhe mene andi inebe elu o,” iluk isikhe. Nen, wene ekhe re, ”It ekhe nen he, An nebe ninoe Enupogot amlogo aro, iluk, ili'lagwi mene halok, Weak hilingisugun ninabiro, iluk herakfisaluk kwanirogo helalaga logouwago,” iluk, isikhemo lisu palek werek andi.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.

1 SAMUEL 25:25

Neisena haren at Nabal aren fano mene ekhe hilingisu lek mene onggwarek enu higithogo mondok kembu mene andi faget wenggelu fugo! Neisena haren ap lakfisa wagen mene andoma re an hamingmingengge neilenggen endep ekhe isigi lego.