MAZMUR 85:12 - Allah Wene Fano Wene Hupla Inane

¹² O kweangma afuni nen inaberali agi'lek tiphogo nek hilingiri'lagwi mene andi re yi mene ti mene wuliferek higit lagagunem he, At Allah nen katokhogo hilingiterek mene a'nogo re pogoroba nen pelak ha wagarek.

MAZMUR 85:12 ပူးပေါင်းရင်းမြစ်များ

MAZMUR 67:6

Allah, nit nineisena, yi afuni ti afuni inunggulenu lombogen foget hafu logouwak, afuni o kweangma ekhema-ekhema welagaikharek mene nen hai wathafu mondok logouwak,

MAZMUR 72:16

Aren ferinarek werekwe o ekhema-ekhema mondogat andoma gandum mondok sik-pikhogo saga ilik laga logouwak, nen o tomkwe mondogat he, yi mene ti mene yago mene enggen mondok hokhorogo iti logouwagat, Kweang he, o Libanon kweang muli fano andem higit enek hilingik logouwak, afuni o kota andoma welagaikharek menere engga o leikwe welagarek andi hangge sik-pikhogo hilinglarik logouwagat.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

YESAYA 32:15

A'nogo meneat he, hobuk nineisena Allah omamerogo wesigin o, ma re, o leikwe andoma re yabu kweang heiselek mene hilingisogo figik, nen yabu yagokwe andoma re o engga ogoikwe hilingisogo figik, igin.

YESAYA 45:8

Pogoroba nen meiso higit inomame asuageluk An nen pelagisa wagirek, ma re, kweang en kwe hut fakhikheresik helaluk werek, a'nogo hilingiri'logo andiba re inagap telhu mene inom, agaugwerinafarek mene inom weinam agarek. Andoma mondogat he An Tuhan nen enek hilinglasuak anggugunem hilinglagarek,” iluk ikhe isikhe.

IMAMAT 25:19

O andoma hinanggweang oba enggen fanorogo ikhinafunem hinangge nunggu mene higithogo helikhi logolik hinebe mondok fani fanorogo logogun.

IMAMAT 26:4

An nen hari higithogo meiso pelakhisa wagunem hinanggweang oba nen hokhorogo fulelhik, hit hinagayo enggen itik ikhi logogin.

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.

ZAKHARIA 8:12

It he, inendawinggen fanoba nek awingge enggen feik lakfikhi logogun. Nen, it inagayo anggur enggen itik, inanggweang oba nen enggen ugu paligik, meiso pogoroba nen hokhorogo pelagisa wagik, ikhi logogin. It inunggulenu ari mene nen fena ineluk werek mene andoma inoba re An nen fanoabet fisikhi logogin aro.

MATIUS 13:23

Nen, awi ekhe kweang fanoma feik lakfesikhe andi ebe re, it afuni ekhe Allah ane andi inesanggo holharesik he, ebe furogo futfugunem, wene andi enggen iterego. Ero ekhe nen enggen 100 itik, ero ekhe nen enggen 60 itik, ero ekhe nen enggen 30 itik, iterek andi aro,” iluk yagaisasikhe.

MATIUS 13:8

Nen, enggen ekhe kweang fanoma pilik lagaikhe mene re, fulelhikhesik ebe hokho agaikhesik enggen hokhorogo itikhe. Ero ekhe enggen 100 nen itikhe. Ero ekhe enggen 60 nen itikhe. Nen, ero ekhe enggen 30 nen itikhe.

KISAH PARA RASUL 2:41

A'nogo komorinafikhemo re, it wene wanhukwa mene halok ima pelaginafukwa. Andi sambul inebe 3.000 hangge ima pisukwasik he, hobuk inom lambukhogo welagaukwa.

KISAH PARA RASUL 21:20

Yagaisasikhemo, Allah hilingitikhe mene andi fogeratukwa. Fogeratukwasik, Paulus yagati logolik he, ”Paulus nagailak. Afuni Yahudi mene inebe 1.000 hangge nek fuk. Mondok hokhorogoat inendawinggen Yesus oba himbiret fagasik werego. Logolik he, wene Allah nen komotninafikhe wene a'nogo it mondogaren fisogo logouwogeluk inomamerogo hilingiri'lagwi andi hat helu anggigi.

1 KORINTUS 1:30

At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.

EFESUS 1:3

Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.