MAZMUR 85:11 - Allah Wene Fano Wene Hupla Inane

¹¹ Inendawi hundik hilingitarek mene andi inom, tiphogo hilingitarek mene andi inom he misi'mo ambi aga logogun, nen katokhogo hilingitarek mene inom inailo legengge fano werek mene inom he, afuni nen hilingitarek higit inobakhe felik puk-puk aga logogun o.

MAZMUR 85:11 ပူးပေါင်းရင်းမြစ်များ

MAZMUR 72:3

Nit ninaiba ninanggweang oba yoma yi mene ti mene sik-pikhogo were'ma fano liokhogo nek logogun logouwago, nen yi afuni ti afuni ninunggulenu lombok werekwe andoma ogore wene higithogo hilingitarek mene nek sagarek logouwak.

YESAYA 4:2

Linggene ekhe asi wesigin oba re Tuhan nen o kweang yiba yi mene ti mene yago mene fanot foumo re elokhe fano asigin. Linggene andi sambul he afuni Israel mene inagap telasigin mene re inagaiyek higik, inangge enggen ugu palugun mene faget wonoget fakhigik, ugun.

YESAYA 42:21

Tuhan nen he telinabigin iluk agaiyek werek, wene Aren komotninafikhe wene andi, esinetfigik, agaugwetfigik, ikhi logoilep anggikherek.

YESAYA 45:8

Pogoroba nen meiso higit inomame asuageluk An nen pelagisa wagirek, ma re, kweang en kwe hut fakhikheresik helaluk werek, a'nogo hilingiri'logo andiba re inagap telhu mene inom, agaugwerinafarek mene inom weinam agarek. Andoma mondogat he An Tuhan nen enek hilinglasuak anggugunem hilinglagarek,” iluk ikhe isikhe.

YESAYA 53:2

Tuhan endawimo anggikhi logolik At amingmingengge andi re e kweang amusu le'ma nen fulelogo lagaikherek hak lagauwak anggikherek. Niren at he fano pugun se'ma hogoin oba ekhe werek lek, nen nit ninamolo a'luk ninendawinggen wanu mene ogo ekhe werek legat.

MATIUS 17:5

A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

LUKAS 2:14

”It pogot abel ponggweba welagaikharek mene nen he, nineisena Allah andiat fogerati logouwogo. Nen, it afuni kweangma yoma inebe Allah oba liok ikherek mene re inendawinggen hambukhogo logouwago,” iluk isukwa.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

EFESUS 1:6

At obabut fano nen amlogo endawinggen tulem mene endawi agi'legat wo'nisasikhe andi faget, niren he, ”Egi. Nailo e,” iluk, fogerati logouwogo.