MAZMUR 85:10 - Allah Wene Fano Wene Hupla Inane

¹⁰ Aren he afuni wene melalek futfuluk hilingiri'lagwi mene re ibi-eberogo nenat inagap telinabigin werek, At Allah mondok andungdang werek mene andi re nit ninaiba yoma logogin.

MAZMUR 85:10 ပူးပေါင်းရင်းမြစ်များ

MAZMUR 100:5

Tuhan andi re mondok fano, nen Aren endawi hundik hilinginaferek mene andi re mondok-mondok logogin mene. Nen ninebe ta'larik lagu kwelek, At he ninoba lombokhogo logolik higithogo mondok hilingiterek, iluk wuni watukwa.

MAZMUR 72:3

Nit ninaiba ninanggweang oba yoma yi mene ti mene sik-pikhogo were'ma fano liokhogo nek logogun logouwago, nen yi afuni ti afuni ninunggulenu lombok werekwe andoma ogore wene higithogo hilingitarek mene nek sagarek logouwak.

MAZMUR 89:14

Hat he homame mondok hokho mene welagen, Nen Haren hilingiti lagen mene andoma re mondok elalin mene hilingitendek.

AMSAL 3:3

Hat hendawi hundik heisena Allah oba logolik tiphogo hilingiti lagen mene andi herakfuluk la fugo! Athe siong inalonggopma itarek higit itik, lisu palharek higit hendawinggenma peterogo fakhaluk, eberek mondok logoino.

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.

YESAYA 46:13

Telinabigin sambul andi re An nen horogabesi wesigin o, Inagap telinabigin iluk An nen wogisigi mene andi re higilogo fei lagain lek. An nenat o Yerusalem andi telogo figik, Israel oba legeisogo fouwageluk hilingfigik, igin o,” iluk ikhe isikhe.

MIKHA 7:20

Hagainafuri Abraham inom, Yakub inomen tagomangge mene andoma, ninombawi attak welagaukwaba honggwaregen henu hombuk palogo wene warisasigin andi nen he, Hat hebe it inoba hendawi hundik logolik he tiphogo hilingfisikhi logoino o, neisena.

LUKAS 2:14

”It pogot abel ponggweba welagaikharek mene nen he, nineisena Allah andiat fogerati logouwogo. Nen, it afuni kweangma yoma inebe Allah oba liok ikherek mene re inendawinggen hambukhogo logouwago,” iluk isukwa.

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

ROMA 5:1

Yogondak he, nit ninendawinggen Allah oba himbiret fesugu andi nen, wene ninoba mene korogo wokhaluk ninom ninambotkwe hunogo ninobagaikhemo, ninoe Enupogot Yesus Kristus nen hilingitikhe andiba Allah ninom lambulogo fano liokhogo welago.

ROMA 5:21

Weak hilingitaresik wa'lagaikharek andiba, weak hilingitarek mene omame agaikhe andi hak, ninoe Enupogoren wene ninoba mene korogo wokhaluk, Allah ninom hunogo ninobagasikhe andiba, Allah obabut fano nen endawitninaferek mene andi omame agaikhemo re, nineluk mondok logogun andi.