MAZMUR 83:14 - Allah Wene Fano Wene Hupla Inane

¹⁴ Nineisena Allah, it andi re wul age hakhogo Haren telfol isano, nen afulfulengge sogoien funhogo lakfisikherek higit hilingfisano.

MAZMUR 83:14 ပူးပေါင်းရင်းမြစ်များ

AYUB 21:18

It andi sogoi en inom, sielu nen inom furogo waluk laga logolik, engga inom, wul age inom, furogo lagarek a'nogo hak agaikha mene ekhe werega?

YESAYA 17:13

It wagunem he i fu waga logolik esinggen founalik wagarek hak weri'lagwi. Oba nen he Allah nen inoasigiluk ugu nen it a'nogo heise re yatma lili'lagwi. It heise lagunem he sogoi en engga puk mene punu alilukwe nen furogo lagarek hak, athe kweang age sogoi sielu nen funhugunem hak, lili'lagwi.

YESAYA 30:33

O attagenat raja Asyur mene ebe noligin oba re foukhogo fesikhemo werek. Obalik andi re eil uanhogo ma'limaba hilingi'mo elonggo wogole'ma re noligin mene eilem warogo liagaisogo fikhemo werek. Tuhan nen At onggwarek set meneba futhamo re i eil mep mene enu belerang meneba fisagaisogo kwelakfoumo re amulok kulunghogo uan-horok lagagin.

YESAYA 9:18

Tuhan Omame Mondok Hokho mene a'nogo a'mage mondogat lagaikhemo re Aren unggum he: Afuni inunggulenu andi mene endu eilem warek mene hak hilingi'mo At anini a'nogo re endu amulok yelang-melang ninggerek andi hak lagagunem he, ap misigen ogo it andi nit ninagaila'lak mene iluk inendawirinabumo re elo'lego.

NAHUM 1:10

Hat Niniwe yi re, hat he engga iringik mene inom, alok-alogengge solu-salarogo hilingik mene inom endumo nolharek andi hak nolhabugun.

NAHUM 1:6

A'nogo At Tuhan nen anini inoba fugunem andi re ap sa hagen hambuget haluk logou hak nogo? Nen At anini endu amulok hak lagagunem he ap sa hagen omamerogo mendek logou hak nogo? At a'mage het-pethogo lagagu mene a'nogo afuni inoba fugu sambul andi re, helep mene ogore mondok wolelenggenhogo At elokhoma re wul higit hilinglagarek.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

ULANGAN 32:22

Endu amulok melang-melang, ninggerek hak, it ina'makwe het-perimbik, nilik huli fem a'ma ma'limaat pigin, yago mene mondogat nagain. Tom ebe ninggi logolik, ero inom mondok tamukhogo nagain.