MAZMUR 82:3 - Allah Wene Fano Wene Hupla Inane

³ Yenggerugwi suarek mene inom afuni lebelek mene inom, inebikhit a'luk he inili woginafi logoino, it ap inenggi lek mene inom, elo'lekhogo werek mene inom inoba higithogo nek hilingfisikhi logoino.

MAZMUR 82:3 ပူးပေါင်းရင်းမြစ်များ

AYUB 29:12

An nen he it ap inenggi lek mene nen lebetninabin ugu halok leberinafik, it yenggerugwi suarek mene afuni nen leberinabu lek mene re an nen leberinafi lagagi.

AYUB 31:21

Wene pilingitunem it yenggerugwi suarek mene sebel fisaluk, an nane esinet fogoin iluk, it wene pilingitarek mene inenggiba figimo halok,

MAZMUR 10:18

It yenggerugwi suarek mene inom, afuni sebelogo fisagarek mene inom inawene re, afuni nen it inoba inailo mene hilingfisanogoluk he Harenat inebikhit aga lagen.

KELUARAN 23:3

Hiren unggum heirogo hilingiti logolik, ap inenggi lek mene inawene oba nen he, latfal isigik, inelokhe penetik, u fuk.

KELUARAN 23:6

Ap enggi lek mene ekhe awene higithogo tegetnesuageluk waluk wagu halok he, hiren it andi inawene heirogo nek hilingfisikhi logoino.

AMSAL 31:9

It inobaget hilingiti logolik he wene higithogo ayo wurinafu mene logoino. It ap sebelek mene inom inenggi lek mene inom kagalinarek logolik inobaget ninghogo hilingiti logoino.

YESAYA 1:17

Hinobabut fano hilingitarek mene yanggulikhi logoino. Yanggulaluk he, higithogo hilingitu mene omanogo omamerogo elokhomat fikhi logoino. It ekhe afuni fena nen eagerinafagarek mene andoma leberinafik, yenggerugwi suarek mene inawene fanorogo hal fisigik, hemi sogwe mene inawene faget inebikhit agik, ikhi logoino,” iluk ikhe.

YESAYA 1:23

Hit hinogogwi kaindek fethinarek welagaikharek mene omanogo re wene oak sagalogo hilingiti logolik he, afuni yogot wanharek mene inom sebe'luk weak hilingiri'lagwi andi. A'nogo hilingiti logolik he yi mene ti mene weat wogisugunem heligik, inenggi a'makwe nen heligik hilingiri'lagwi. A'nogo hilingiti logolik he, yenggerugwi suarek mene afuni unggum pilingitarek oba omanogo nen unggum inoba fisugunem it inebikhit agi'lek, hemi sogwe mene inane agarek mene omanogo inane holhi'lek, hilingitarek andi.

YEREMIA 22:3

”Hiren hinobabut higithogo hilingiti logolik katokhogo hilingiti logoni o. Afuni enggin-fenggin inoba fisugunem werek mene andoma it enggin inoba fugu mene inenggimo nen lologo wulakfisikhi logoni. Hiren ap pok mene inoba inom, yenggerugwi suarek mene inoba inom, hemi sogwe mene inoba inom sebelogo fisigik, hinaniniba hilingfisigik, u fuk. Afuni o yi nen weak hilingiti'lek kwelek inebe pinggi inoasu fugat.

YEREMIA 5:28

inebe figilhik, inenggi werekhogo nek welagik agarek andi. It inaniniba hilingirik lagaikharek mene andoma re huli-huli werek mondok lek. Iren he yenggerugwi suarek mene inawene faget katokhogo inili woginafik, nen afuni sebelogo fisagarek mene inangge mene faget ili woginafik, agarek mondok lek.

ZAKHARIA 7:9

”O attak andoma nenat tahun mondok hokhorogo hilinglarik wagaikhe andomaba nen engge An nawene melalek yi An nagainafuri mene inoba yagaisilik wagirek andi. An nen yagaisikhi logolik, ’Hit hinobabut higithogo nek hilingitik, hinendawi hundik hilinginafik, hinagaila'lak hinom nendawi-hendawirogo welagik hilingiti logoino o.

ULANGAN 10:18

At he, yenggerugwi suarek mene inom, hemi sogwe mene inom, afuni ekhe nen weak hilinginafi'lek higithogo hilinginabuagaluk it inebikhit agarek. Andi nen, ap pok mene nit ninom welagorek mene andi endawi mondok logolik, inamburu nunggu mene inom, inasu laberugu mene inom, wogisikherek.

ULANGAN 24:17

Nen, hiren ap pok mene inangge inom, yenggerugwi suarek mene inangge inom hinenggi abisak heligik, nen hemi sogwe mene inasu hobuk wogisogoin iluk aninurogo fisogo welagik ikhi logogun mondok lego.

YAKOBUS 1:27

Nineisena Allah nen he, ”Afuni nen an nendawinggenma fanorogo higithogo mondok hilingiti logogun he, yi'nogo. Yenggerugwi suarek mene inom, hemi sogwe mene inom, nong a'luk were'ma leberisigik, afuni kweangma weak hilingiri'lagwi mene andi inobabut wanhi'lek inonggwaregen tegeligik, ikhi logogun o,” iluk endawimo anggikherek andi.