MAZMUR 81:8 - Allah Wene Fano Wene Hupla Inane

⁸ Hat hebe mondok wiik-weakhogo logolik hane kwetu were'ma re, An nenat hagap telogo hobagasigi. An nebe hinago welagirek oba nen he unggunggu subukhogo hane onggo yagahetigi aro, nen i Meriba elesimo aremnogo nen he An nenat hat hobabut palheasigi.

MAZMUR 81:8 ပူးပေါင်းရင်းမြစ်များ

MAZMUR 50:7

Yago, hit An nagainafuri mene yi sani, An nane ikhi lagi mene hinesanggo fanorogo holini o, Hit Israel hinap yi hineilhanem fageti logolik he, Hit hineisena Allah re An nebe aro, An he hit hineisena Allah welagi.

MAZMUR 81:13

Andiba re, it inungguloak omame asuageluk An nen oboget isasigi. We irogo inendawimo anggili'lagwi mene andoma nek hilingiti logouwageluk herakfisasigi.

KELUARAN 15:26

A'nogo ikhi logolik, mel yagaisasikhe: ”Hiren eberogoat mondok an nane hologo hilingitik, an nen andi fano iluk anggigirek mene andiat hilingitik, an nen, yi'nogo hilingiti logoino, ti'nogo hilingiti logoino, iluk komorogo yagahisigi mene andiat higithogo hilingiti logoino o. A'nogo hilingiti logogun halok he, an nen yi ou ti ou afuni Mesir mene inoba figi a'nogo hangge ekhe hinoba fagain lego. Hit hinebe se asuageluk hinoba fano hilinghinafirek mene hineisena Tuhan nebere Anaro,” iluk yagaisasikhe.

KELUARAN 17:7

A'nogo hilingitukwa andi re, it afuni Israel mene nen, nineisena Tuhan Allah ninom welago a? Lega, iluk obabut paluogeluk hilingitukwa andi nen o andoma enu ekhe re, ”Masa,” iluk salhik, nen wene palogo lalhukwa andi nen, enu, ”Meriba,” salhik, isukwa.

KELUARAN 19:16

O inenggi henaganek mene weirogo hubet-habet he, unggunggu hokho mene ane pak igik, eilabut kulung higik hilingitikhe. A'nogo hilingiti logolik, ohena mumweak mene tom oba weinam agaikhesik he, pinggong ane hokho mene isikhe. A'nogo ugunem afuni hokhorogo o sabu wurikwe welagaukwa mene omanogo inesanggo holhukwasik he inailo hokho mene agaukwasik inoak lei'leik hilingitukwa.

YESAYA 1:19

Hiren An nane hologo hilingiti logogun halok he, kweang An nen wokhisasigiba yoma logolik, yi mene ti mene yakfakhaluk fanorogo ninggi logogun.

BILANGAN 20:13

O andoma it afuni Israel mene nen, ”Yigini'mo yoma logou ninabire,” iluk Tuhan yagatukwama At onggwarek omameba a'nogo hilinginafikhe andi nen, i elesi andi enu Meriba salhukwa.

YOHANES 3:11

Niren wene ninelu meneat yagahisigik, nineilenggen hogo meneat eberogoat iluk pilingisogo yagahisigik, ogorek meneat he, ninane andi holhi'lek hinobakhe nene hilingiti lagep iluk, nane eberogoat yagaheti lagi.

KISAH PARA RASUL 20:21

An nen afuni Yahudi mene inom, Yunani mene inom, komothinafi logolik he, weak hilingiti lagep mene herakfisaluk, hinobabut hebelasimbik he, hinelokhe Allah wogo'ni o. Wogosimbik he, hinendawinggen Tuhan Yesus oba himbiret fuluk logobagaigeluk yagahisikhi lagi andi.

ULANGAN 32:46

mel yagaisasikhe: ”Wene an nen, Yi'nogo hilingiti logoino, ti'nogo hilingiti logoino, iluk yogondak yagahisigi mene andi mondogat hinendawinggenma feino o. Hit hinagainafuri nen wene nineisena Enupogoren, Yi'nogo hilingiti logoino, ti'nogo hilingiti logoino, iluk yaganisasikhe wene andi, at oba lomborogo logolik inaberali legat hilingiti logouwagen he, yagaisikhi logoino o.

ULANGAN 5:27

Ariginik enggere, hat Musa lambik he At Tuhan Allah nen nit faget igin mene andi waluk nit yaganisa wesumo, niren holfuluk ane hologo hilingiti logogun.’ iluk yaganetep.

1 YOHANES 5:9

Wene afuni nen fakhogo yaganisugunem, ”Eberogoat,” iluk futfogorek andi elo'lek. A'nogo meneat he, at Allah ebe amlogo abok fakhogo yaganisasikhe andi nek he, ”Mondok eberogoat,” iluk futfogoin aro.