MAZMUR 81:12 - Allah Wene Fano Wene Hupla Inane

¹² Oba nen he, it An nagainafuri omanogo nen he An nane holhu aple inabit welagaukwa. It afuni Israel mene nen he An nane hologo hilingitu aple mondok inabit welagaukwa.

MAZMUR 81:12 ပူးပေါင်းရင်းမြစ်များ

KEJADIAN 6:3

A'nogo woginafukwama, At Tuhan Allah nen ikhi logolik, ”It afuni andi inebe ineluk mondok logogun andi re nabit. Inebe we elama mene hilingi'mo, wa'lasugun nen werek. Andi halok he yogondak huli nen he inebe ineluk uanhogo ekhe logogun lek, we umur 120 tahun huli nek logogun,” iluk isikhe.

2 RAJA-RAJA 18:12

It afuni Israel mene ineisena Tuhan Allah ane hologo hilingiti'lek logolik, Allah nen, ”Yi'nogo hilinghinabigin,” iluk wene warogo woginafikhe mene a'nogo sagalogo herakfisigik, nen amingmingengge Musa nen, ”Yi'nogo hilingi'no, ti'nogo hilingi'no,” iluk komorinafikhe wene a'nogo, inesanggo hologo higithogo hilingiti'lek herakfisigik, ikhi lagaukwama maben agaukwa andi.

NEHEMIA 9:16

A'nogo meneat he, nit ninombalak andi, inendawinggen mondok helep hangge logolik, inonggwaregen fogerakhikhi logolik, haren, yi'nogo hilingi'no, ti'nogo hilingi'no, iluk komorinafigin wene andi hologo hilingiti'lek herakfisasukwa andi.

AYUB 8:4

Hat hagainafuri nen At elokhoma weak hilingitama halok he, At Allah nen unggum inoba fou higit obaat fikhe o.

KELUARAN 11:9

Wulibi lagaikhemo re, At Tuhan nen hobuk Musa mel yagatikhe: ”An nen it afuni Mesir mene futfouwageluk, elalin mene hokhorogo o Mesir yoma yi awi ti awi ekhe hilingisigin anggigi andi nen he, at raja nen he haren yagasigin mene andi hologo hilingiti'lek herakfisagain o,” iluk yagatikhe.

YESAYA 30:1

Tuhan nen ikhi logolik, ”Afuni Yehuda mene ferinarek welagaikharek inap andi nen An nane oak sagali'lagwi mene andi re inebe alomat lakhoago. Iren he An nen hilingisigin iluk anggigirek mene omanogo hilingiti'lek he it inendawimo nen anggaluk hilingitik, nen iren An nendawimo angga lek hak mene omanogo inom inane misik seberogo ma'luk he inenggi amusu figik, hilingiri'lagwi andiba re it inaweak he kabok-kabogengge andogorogo liafi logolik werek andi.

YESAYA 30:9

It andi re inunggulenu Allah ane sagalugun mene inagaiyek logolik he, ineranhogo wene lalinafik, Allah nen yagaisikherek mene furogo holhi'lek hilingitik, agarek inap.

YESAYA 42:24

It Israel mene andi it ekhe inenggiba asuageluk sa nen wogisikherek nogo? At Tuhan amu nen he lek nogo a? Nit he Aren wene yaganisikherek mene omanogo furogo hilingiti'lek welagik, nen Aren yi'nogo hilingiti logoino, ti'nogo hilingiti logoino iluk komotninafikhe wene omanogo higithogo hilingiti'lek welagorek andi nen he, At elokhoma niren weak hilingisogo fogorek andi o.

YEREMIA 42:21

Nen yogondak he an nen nit nineisena Tuhan Allah a'nogo ane ikhe mene mondogat yagahisigi, oba nen hit he wene yagahisigi mene a'nogo higithogo hilingiti logou hinabit mondok welagep.

YEREMIA 7:24

Oba nen he, iren holhi'legengge hilingitik, fut figi'lek welagik, hilingiti lagaukwa. A'nogo hilingiti logolik iren he ina'mageba nek wene mondok kwanirek mene omanogo hilingiti lagaukwa. It inebe re fano aga lagaukwa lek, meneat he ekhe inom mondogat inanini weak mene aga lagaukwa.

YEHEZKIEL 20:8

Oba nen he iren An nane sagalhi logolik, An nane holu aple inabit anggikhi lagaukwa. Iren he tugwi kembu it inebe emetfisikherek mene ilirenggethigik werek mene omanogo hugisare inabit logolik Mesir mene inandugwi kembu omanogoba fogerasuogeluk ogo kamo ikhi lagaukwa legat. It inebe andoma welagaukwaba andem he An nen nanini it inoba fagain iluk mondogat fouget fesigi.

HOSEA 9:17

Afuni Allah againafuri nen he Allah an nen obaget hilingiti lagi mene a'nogo At ane holhu re ninabit iluk herakfisagama, it inebe re afuni inunggulenu amu mene inanggelekwe leil wati logogun o, iluk ikhe.

IMAMAT 26:14

Tuhan nen ikhi logolik, ”Hiren An nane holhi'lek Nawene melalek inom higithogo hilingiti'lek halok inom,

KISAH PARA RASUL 14:16

Omanggum ninambulagen pikhit nineisenalak ta'larik waga lagaukwa andem sambul he, Allah nen he, yi afuni ti afuni inunggul enu lombogen inawesa lombok oba himbirik logolik fogerakhikhi logonik he, iluk herakfisikhi lagaikhe.

KISAH PARA RASUL 7:42

A'nogo hilingiti lagaukwama re, at Allah nen ambot wogisasikhesik, ”Pogoroba mene mo inom, tugi inom, hesagal hokhorogoat inom, fogerati logonik he,” iluk inebe herakfisasikhe. A'nogo hilingitikhe andi, it ap Allah ane yagaisikhi lagaukwa mene nen mel isukwa hagat hilingitikhe: Allah nen he, Hit afuni Israel mene yi sani. Mo lagagik pigik ugu kwelek, 40 tahun o leimo afuni le'ma andoma logolik he, wam sapi watik, endumo nolhik, ikhi lagagip andi re, an faget nobagagik, wa'netik, ikhi lagagip nogo? Lego.

ROMA 1:24

A'nogo hilingitarek andi nen, Allah nen he: ”It inonggwarek inendawinggen nen nunggunem, it-it inenggali lek inebe weagarikhi logouwak,” iluk inebe herakfisikherek andi.

1 SAMUEL 8:19

A'nogo yagaisasikhe meneat he, it afuni inunggulenu andi inaben he, ”Samuel ikhe andi weak ikhe,” iluk herakfisasukwasik he, mel yagatukwa: ”Nit ninoe raja ekhe logogin ninamolo anggogosi'mo re, nit he ninoe raja wo'nisagainaro,” iluk isukwa.