MAZMUR 81:10 - Allah Wene Fano Wene Hupla Inane

¹⁰ Hit hinanggele'ma andoma nen allah higit hilingfuluk fogeratu mene ekhe logoinogo o, allah hiren ogo mondok hinonggot mene andomaba apne wanhi logogubo.

MAZMUR 81:10 ပူးပေါင်းရင်းမြစ်များ

MAZMUR 107:9

It afuni inagai nele nen inoba yamukhogo noagaluk inom, nen it afuni inamburu nele mene inalabut ninghogo noagaluk inom, oba heilarogo wogisikhi lagaikhe andi nen he, fogerasugun obaat fogerasuak.

KELUARAN 20:3

Hiren hineisena allah hunogoat mene ekhe fogerati'lek, An namunek foge'nafi logoino.

YEREMIA 11:4

Wene andi re An nen it inombawi o Mesir faget iren endu amulok oba hak anggikhi lagaukwaba andi nen woginarek wulibi waga logolik warisasigi. An nen it inoba yagaisikhi logolik an nane hologo hilingitik, An nen yi'nogo ti'nogo hilingi'no iluk yagahisigi mene hilingitik, hilingiti logoino isigi. Yogondak An nen nekhengge afuni Yehuda mene inom Yerusalem werek mene inom inoba ikhi logolik hiren An nane hologo hilingiti logogun halok, hit he An nagainafuri asumo An he hit hineisena Allah asigin o, isigi.

HOSEA 8:3

oba nen iren fano mene helugu aple andoma inabit eri'lagwi. Andiba re it inebe ap selei mene nen mugisogoin.

YOHANES 15:7

Hit an ninom hundik logolik nane hinendawimo werek halok, we, nena mene hit hinamolo mene an kino yaganesumo wokhisamo helogoin aro.

YOHANES 16:23

Huli andi huli arat asi lambik he, hiren wene ekhe an noba heinok wo'neogoin mondok lego. Halok, an nen wene ekhe yagahisak: Hiren yi mene ti mene an nenu hombuk palogo neisena kino yagasugun halok he, aren wokhisagain aro, iluk eberogoat yagahisigi.

YOHANES 7:37

Wene a'nogo isukwasik oba nen, seni a'nogo wurep kobokhogo nunggunem, Yesus ebe menlagaikhesik, ane hokhorogo mel yagaisasikhe: ”Ap sa nen i nele halok, an noba na wesuago.

ULANGAN 5:7

Hiren hineisena allah hunogoat mene ekhe fogerati logou fuk. We, An enek fogetnafi logoino.

YOSUA 24:14

A'nogo yagaisasikhesik, at Yosua nen wene ekhe mel yagaisasikhe: ”Nineisena Tuhan nen a'nogo yaganisasikhe andi. Halok he, yogondak hiren he, at agaukhogo hilingiti logoino o. At amingmingengge a'luk, hinendawinggen misigat logolik, oba lombokhogo mondok logoino o. Ninombalak o Mesopotamia inom, Mesir inom, logolik hunogo mene faget, Nineisena ebe andiat, iluk oba himpirik logolik fogerati lagaukwa andi hangge, andi mene ekhe fogerati'lek, we, nineisena Tuhan amunek amingmingengge a'luk logoino o.

YOSUA 24:23

A'nogo yagatukwama, at Yosua nen he, mel yagaisasikhe: ”Halok he, hiren hunogoat mene afuni inunggulenu amu mene nen, Nineisena ebe andiat, iluk oba himbirik logolik fogeratarek mene hit fisogo welagep andi wulakfisano o. A'nogo wulakfisambik, hiren he, hinen-dawinggen nit afuni Israel mene nineisena Tuhan Allah oba himbiret fuluk oba lombokhogo logoino o,” iluk yagaisasikhe.

WAHYU 21:6

A'nogo yaganetesik hobuk ekhe mel yaganete: ”Ero inom erembul inom anatma, An nebe re eroba nen pikhit, erembul oba netok mondok logogin mene nen, i nele agunem i inelugerinaferek mene i elesimo nen hinagaisogo we onggo legat wogisikhi logogin o.

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.