MAZMUR 80:5 - Allah Wene Fano Wene Hupla Inane

⁵ Tuhan Allah neisena, Homame Mondok Hokho mene, it hagainafuri mene nen samban hayonggo fugu werek kwelek oba nen he, Haren ki huli wene ninoba fugu mondok logogin nogo?

MAZMUR 80:5 ပူးပေါင်းရင်းမြစ်များ

AYUB 6:7

Mondogat andoma re an nalabutmo aldo mene nek hilingi'mo re, an he nenggi nen senhugu mene ogore nabitsek welagi.

MAZMUR 102:9

It naselei mene nen he linggene hundik-handik an puliarogo pela'nafu mondok werek, it ap an wena'neri'lagwi mene andoma nen he an nenu igisogo homan i'nobagagunem welagi.

MAZMUR 42:3

An he Allah heluk welagen mene nendawinggen nunggunem Hoba eberek welagi o. Mera nen an Hat haiba wesimbik Hat hobaget hilingisigin nogo?

MAZMUR 74:1

At Asaf en yanggulinafi lagaikhe awuni. Neisena Allah, Haren he mondok mondogat oboget nisegen a? Nenahalok Hat honggwarek hagainafuri mene inoba ha'mage fugu mondok logogin nogo?

MAZMUR 79:5

Neisena Allah, Haren he mondok-mondok faget ha'mage ninoba fegen a, nen ninoba pou fegendik ha'mage lagali'lago mene andi re endu amulok lagaikherek hak lagagunem welagen andi a?

YESAYA 30:20

Tuhan nen hit yanggul hinabigiluk he enggin meneba hinobabut pali'lago. Oba nen At ebe re hit hinom horokhogo were'ma re, hit At hinom werek aple a'nogo hinelu ari'lago.

RATAPAN 3:43

Nit ninebere Haren si'ninarek mu'ninarek laga logolik pinggi ninoaten, Haren hendawit ninafendek mene a'nogo re ha'mage anggele'ma hinakfegen.

RATAPAN 3:44

Hat hanini re o hena mondok hik mene andi hak hilingi'mo re, Niren samban ugu mene re fanorogo lagai wesu re, elo'lek ari'lago.