MAZMUR 80:16 - Allah Wene Fano Wene Hupla Inane

¹⁶ Hagainafuri nit ninebe re, anggur awi yatarek andi hangge honggwaregen ya'ninobagasigin mene, asimit era'lu suphogo lagaikharek hak, Heranenat homamerogo kulninafendek mene, yogondak telninabime o.

MAZMUR 80:16 ပူးပေါင်းရင်းမြစ်များ

MAZMUR 39:11

Haren yei warek oba an mondok wa'lasu hak hilingiti lagarik he unggum an noba fesigin mene andi Haren korogo leget fein o.

MAZMUR 79:5

Neisena Allah, Haren he mondok-mondok faget ha'mage ninoba fegen a, nen ninoba pou fegendik ha'mage lagali'lago mene andi re endu amulok lagaikherek hak lagagunem welagen andi a?

MAZMUR 90:7

Hat ha'mage nit ninoba fugunem nit youk mondok laluk were'ma re, hanini nen ninebe leget ninobagakhi lagen.

YESAYA 27:11

Nen, e enggi segelet andoma puga'luk tamulhigik pugu mene re hemi nen e nolhu mene iluk tolili'lagwi. Unggulenu andi mene re yi'nogo ti'nogo faget fut-fili'lagwi le'ma re, Allah it elalinafe mene a'nogo nen he it faget inelaigisambik he endawirinabigin mondok lek.

YOHANES 15:6

Nen, hele enggisok palogo lakfisagarek mene puk agunem he, afuni nen andogorogo fuluk endumo lakfisugunem endu ninggerek andi hak, at sa nen an nemberek hundik lek, kobolek logolik, a'nogoat palogo lakfoumo ebe endu nagain o.

2 TESALONIKA 1:9

It a'nogo wene inoba fuluk he, ninoe Enupogot omame hokho mene andi nen fogeratu mondok welagaikhare'ma eilhanem andoma nenat wea'ma andoma mondogat logouwageluk lak fisagaino.