MAZMUR 80:1 - Allah Wene Fano Wene Hupla Inane

¹ Afuni nen wuni wulak fuluk inebe seberogo ugunem yanggulinafu mene faget wuni unggulenu Bunga bakung ebene felalek mene higithogo, Ap Asaf en fagetikhe awuni.

MAZMUR 80:1 ပူးပေါင်းရင်းမြစ်များ

2 SAMUEL 6:2

A'nogo wagaukwama, Peti Wene Warogo wo'ninafikhe iluk hilingik a'nogo waluk wesuogoluk, at Daud en he, it andi mondogat o Baale-Yehuda woginarek lagaikhe. Peti andi enu re Tuhan Omame Mondok Hokho mene, it pogoroba yonggo mene inunggulenu ekhe kerub agarek mene a'nogo amboloba takhta ba hurek werek mene enu igisogo agarek mene a'nogo andoma nen waluk wesugun iluk lagaukwa.

2 RAJA-RAJA 19:15

A'nogo fesikhesik, samban mel isikhe, ”Nit afuni Israel mene nineisena Tuhan Allah hebe it kerub inalik hilingik werek oba kain welagen mene o, neisena. Hat hami-hamuat kweang pogot walhasiginmo, afuni o kweangma yi awi ti awi mondogat inogogwi nen inawe a'ma ferinarek welagaikharek mene andi mondogat hat henggiba welagen o, neisena.

AYUB 10:3

Haren ebeti logolik he, An nonggwarek nenggi nen elalhi mene ari re enggin-fenggin oba fou higit obaat fikhi lagi iluk anggikhi logolik hilingiti lagen a? Nen it ap weak hilingiri'lagwi mene inoba re Haren fanot fisikhi logolik meneat.

MAZMUR 45:1

Wuni it inunggulenu Korah mene nen inendawi hundik hilingiti logolik watu mene faget felalhukwa mene. Afuni nen wuni wulak fuluk inane seberogo ugunem yanggulinafu mene faget, unggut seberogo agarek wuni enu Bunga Bakung iluk ikhi lagaukwa.

MAZMUR 5:1

Afuni nen wuni wulak fuluk pinggong suling oba futhugu kwelek inebe seberogo nen ugunem melalinafu mene faget. Daud awuni.

MAZMUR 50:1

Asaf Awuni. Tuhan Allah Omame Mondok Hokho mene a'nogo ane ili'lago o, Aren he yi afuni ti afuni o kweangma mo ero fikhit welagaikharek mene huli nen he mo ubuk ikherek huli welagaikharek mene inoba ane humeri'lago.

MAZMUR 50:2

O kota Sion mondok fani-fanore'ma omanogo nen, At Allah aselek ombak-bak oba weinam asi weri'lago.

MAZMUR 55:1

Afuni nen wuni wulak fuluk pinggong kecapi watu kwelek inebe seberogo ugunem melalinafu mene faget. At Daud en yangaisasikhe awuni.

MAZMUR 60:1

Afuni nen wuni wulak fuluk inebe seberogo ugunem melalinafu mene faget, wuni unggulenu: Bunga Bakung enegengge agarek mene andi bene felalek werek higithogo, At Daud en yanggulinafi lagaikhe awuni.

MAZMUR 69:1

Afuni nen wuni wulak fuluk inebe seberogo ugunem yanggulinafu mene faget, Wuni unggulenu Bunga Bakung ebene iluk ikhi lagaukwa mene. At Daud en felalogo watikhe.

MAZMUR 77:20

Hat hebere i laut agum founalhukwe ambolebene andoma lagendek, oba nen Heisok sebelhukwe re obalik werek lek.

MAZMUR 78:52

A'nogo hilingfisaluk he, Aren it againafuri a'nogo domba esa uluk-pambialhogo hilingik welagarek hakhogo o leikwe omanogo nen woginarek lagaikhe.

MAZMUR 78:67

Oba nen he it at Yusuf en tagomangge mene re abiren oboget isasikhe, nen it inunggulenu Efraim mene ekhe wenagaisogo fisasikhe legat.

MAZMUR 80:19

A'nogo fisogo logogin halok, nit Hat hebe herakhobagaluk ale'ma kwanirogo logoin mondok lego. Nit nineluk logolik, Hat fogethafu logouwagaluk, fanorogo fetninarek logoino o.

MAZMUR 80:3

haselek oba weinam asime o. Nen Hat hebe homame welagen mene a'nogo nit ninoba inuk nisan o, nen Hat hebe wesimbik he nit ninagap telninabime o.

MAZMUR 80:7

It afuni inunggulenu lombok, nit horok horokwe werek mene omanogo nen he, nit ninanggweang sebeluogeluk inane sagalhunem, it ninaselei mene omanogo nen endo ya'ninafi logolik inagaiyek asuageluk hera'ninobagegenma welago andi.

MAZMUR 94:1

Tuhan Allah nineisena, Haren he afuni nen hilingitu onggo tiphogo nek hilingfisikhi lagen, Haren onggo higithogo nek hilingfisikhi lagen mene andi inuknisan, neisena Allah.

MAZMUR 99:1

Tuhan andi re Raja werek. Yi afuni ti afuni inunggulenu lombogen inoak leik etarek. At ebere kerub amboloba hurek were'ma, kweang yelandit-kwelandit hili'lago.

YESAYA 40:11

Ap domba halherek mene nen hilingiterek hak, Aren halinaferek mene andoma re a'nogo halinafu werek. At onggaregenat andoget fisaluk he domba eagwi omanogo agaumo felikhogo woginaferek, obabut sakhorek oba re Aren domba isa omanogo inelokhe palogo woginapluk lagarek.

YESAYA 60:1

Hat Yerusalem yi re, selek hat hebe telhabigin mene a'nogo mondogat waga andi nen he hebe menla'luk selegabesin o, Allah ombak-bak he hat hoba fisari'lago.

YESAYA 63:11

A'nogo hilingitunem he, iren o attak, at Musa Tuhan amingmingengge mene a'nogo were'ma hilinglaga lagaikhe mene omanogo ebethikhi logolik mel aga, ”Tuhan At againafuri i laut yenggelek mene palogo woginarek wagaikhe mene a'nogo re koma werek nogo? Nen At Tuhan omame it inoba wogisikhi lagaikhe mene a'nogo re koma werek?

YEHEZKIEL 1:13

It andi inanggele'ma re, endu enggen hangge inom esage ibilik mene hangge inom, aloget figi'lek lak wagenggetu mondok welaga. Endu andi amulok kulung-kalang lagagunem he, enggan-gan palogo eilabut hangge hobugalep ekhe kulung ekhe kulung lagunem higi.

YEHEZKIEL 10:4

Tuhan ebe were'ma enekhogo iluk he selek no kerub omanogoba nen ombak-bak yabelanget hugunem he o Tuhan Awi wuri'mo ebekhe kwilagukwe a'nogoba higilogo kwi laga-laga. A'nogo kwi lagunem he ambe senggelek hokho mene a'nogoba re selek mondok hilingik welaga.

YEHEZKIEL 34:23

An nen ap raja misik ekhe, An namingmingengge Daud higit mene menfoumo re, we at ami amu nen it inobaget inanggembala logolik halinafi logogin.

YEHEZKIEL 43:2

andem en an neilenggen kwelakhasigi re, Allah Israel mene werek iluk enegenggerogo timur fikhiren selek hokho mene ombak-bak yararet hilik wagunem yethigi. Allah ane re i hokho mene eindep ane hak inom nen Allah aselegen kweangma mondogat ombak-bak etunem lia fiarogo selegeraterek a'nogo hak inom hilingitunem higi.

DANIEL 9:17

Allah neisena. An nen hayonggo figi mene inom, kino yagaheti mene inom, nane hesanggo holin o, neisena. Hawi arat weaget fisasukwa mene andi afuni mondogaren nineisena Allah ebe yi aro, iluk inelu asuakhogo re, hoba liok imbik ambotkwe fanot feino o, neisena.

YOHANES 10:14

Domba kwalogo welagirek mene nobabut fano re, nebe Anaro. Neisena nen An elu, An nen at nelu welagorek andi hak, An nen nanggo domba nelu, nen iren an inelu welagorego. A'nogo logolik, An nanggo domba elelerogo wa'lasigiluk welagi.

ULANGAN 33:2

”Nineisena Tuhan ebe it malaikat inebe 10.000 mene inom, tom Sinai ba nen o mo henogo lagai wagarek andi hak, o Edom higit andoma wagasik, mo linggene yaterek andi hak, at enggi ebekwe higit endu ibilik logolik, tom Paran oba nen againafuri inoba ombak-bak tilelogo lakfei waga.

IBRANI 13:20

Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.

1 PETRUS 2:25

Hit attak he, wam domba kwe nong asi lagarek andi hak, nong asi laga lagagip meneat he, yogondak at Allah nen, ap hinebe fethinarek logolik kwelakhinarek welagarek mene oba hinambotkwe wokhinarek hinobagai wagama welagebo.

1 PETRUS 5:4

A'nogo hilingitu were'ma re, ninoe anggo eisewerek a'nogo wesimbik he, ”Fano mondok hilingiti lagepma,” iluk sa awewerek-sa awewerek lagunem onggo kware-kware ikfisagarek andi hak fogeratu mondok logogun mene wokhisagain o.

WAHYU 21:23

Nen, o kota andoma Allah amulit yatik, Domba Eak a'nogo esage hangge yatik, selekhogo yatu kwelek andi nen he, mo inom, tugi inom, yati logogun legat welaga higi.

1 SAMUEL 4:4

A'nogo isukwasik, Peti Wene Warogo nineisena Tuhan Omame Mondok Hokho mene nen wo'ninafikhe iluk hilingik a'nogoba Allah ebe tulem welagarek iluk era'lu fena-fena malaikat inebe pire inalik waganek welagaikhe. Andi nen he, Peti a'nogo waluk loageluk ap ekhe inayonggo fesukwasik o Silo lakfisa wagaukwa. A'nogo lakfisa wagaukwama, wanhukwasik he, ap Eli againafuri inebe pire, Hofni inom, Pinehas inom, inomen peti a'nogo waluk lagaukwa.