MAZMUR 8:4 - Allah Wene Fano Wene Hupla Inane

⁴ O pogot Haren walhogo fesigin mene ari inom, tugi hesagal Haren elalogo fesigin mene oma inom, an nen neilenggen kumuti logolik he,

MAZMUR 8:4 ပူးပေါင်းရင်းမြစ်များ

KEJADIAN 1:1

O eroba Allah nen he, pogot inom, kweang inom, elalhikhe

KEJADIAN 1:14

Hobuk Allah nen he, ”O selek mene nen, kweangma selegeratik, o hup a'lugen wei ikhi logogin mene andi huli warogo figik, o lingge inenggi wenatik, mo lagagik, pigik, ugu kwelek yi tahun ti tahun inenggi wenatik, o andem higit Allah faget hilingiti logouwok, iluk inenggi wenatik, ikhi logouwagen pogoroba nen ekhe hilinglame o,” iluk yagatikhemo, arat hilinglagaikhe.

KEJADIAN 19:35

A'nogo yagatikhesik, o hubanggo andi sambulat, at Lot obakheindok palasuageluk hilingitukwasik, a'logo hobuk mene emberek nogo isukwa. A'nogo nogo isukwa meneat he, at Lot obakheindok mondok palagaikhemo nogo nen he, a'logo emberek nogo isukwa mene andi onggorat welagaikhe.

KEJADIAN 21:1

At Tuhan nen Abraham oba abok wene waretikhe higithogoat, he Sara fanotfesikhe.

2 TAWARIKH 6:18

Oba nen he, neisena Allah, Hat he afuni inanggele'ma kweangma yoma higit logou hak nogo a? Pogot abirengge mene ogore Hat logou oba obalik higitsek lek, nen o kabogetuba iluk an nen wuti mene yi re mondogat ebenagaik!

AYUB 25:6

Nen, nit afuni imbalo inom, hurinangge inom hangge mene oma re ebenagaik hilingik welago andi,” iluk onggo yagatikhe.

AYUB 7:17

Nenahalok Haren afuni re esin mondok anggikhi lagen? Nen, nenahalok iren hilingiri'lagwi mene andoma Haren heil woginafu mondok welagen?

MAZMUR 106:4

Tuhan neisena, Haren it hagainafuri inobaget mondok fano aple nek hilingfisikhi lagen a'nogoba an ogo ebetneano o, nen Haren it hagainafuri andoma inagap telhi logolik halok he an ogo telnabino aro.

MAZMUR 136:5

Aren endawi wenggelek oba nek pogot elalhikhe, Endawi hundik hilingninaferek mene andi re mondok-mondok logogin mene.

MAZMUR 136:9

tugi inom hesagalenggen inom he hubanggo faget selegerati logouwageluk hilingisogo fesikhe, Endawi hundik hilingninaferek mene andi re mondok-mondok logogin mene.

MAZMUR 144:3

Tuhan neisena, afuni andi re ningginigen Haren at ebe futfikhi lagen nogo? At andi re ebe sa weregen Haren at andi henggi wenago welagen?

MAZMUR 146:3

It afuni ap inenu werek inap andoma inom, athe it afuni ekhe telhinabu elo'lek mene andoma inoba inom, hinendawinggen himbirik logou fuk.

MAZMUR 19:2

Pogoren ikhi logolik he, ”Allah fogethafi lago,” iluk At fogeratarek. Huli waregen ikhi logolik he, ”Allah enggi nen elalninafikhe,” iluk it ekhe fakhogo yagaisikherek.

MAZMUR 4:2

Neisena Allah an nili wo'nafu mene re Hat hamunek welagenma re, an nen Hat henu ugu halok he, Hane onggo yaganeti logoino o. An nobakhe palek were'ma Harenat lebetnafi lagenma re, yogondak an nen samban ikhi lagi mene yi nane hesanggo holfembik he hendawit nabin o.

MAZMUR 80:17

Anggur ero lebekhogo endumo nolharek andi hak, nit ninaselei mene nen ninebe weaget ninabi'lagwi mene andi, Hat ha'mage it inoba fembik, it inebe leget fisano o.

MAZMUR 96:5

It afuni amu mene inandugwi kembu andoma re we fogeratarek mene faget werek, Oba nen At Tuhan enek he o pogot kweang talek mene ari elalhikhe agun werek.

KELUARAN 4:31

A'nogo hilingitukwama, it ap omanogo nen, eberogoat, iluk futfesukwa. It Musa Harun emberegen, ”Tuhan nen hit afuni Israel mene eilenggen wokhinafik, yi enggin ti enggin hugunem eilenggen hisigik, ikhemo o,” iluk yagaisasukwama inesanggo holhukwasik he, ineindep awi yagaisogo Allah fogeratukwa.

YESAYA 40:17

Yi afuni ti afuni mondogat he Aren esin hangge anggikherek lek, At elokhoma re it he we elo'lek hangge anggikherek.

YESAYA 51:12

Tuhan nen ikhi logolik yi'nogo ikhe. ”An nenat hat konhabigin o. Nenahalok haren afuni legasugun mene andoma inoba inom, afuni engga hakhogo hugisogoin mene andoma inoba inom, hailorinafi lagen nogo?

YEHEZKIEL 8:15

Tuhan nen an noba ikhi logolik, ”Afuni wa'lagaikharek mene yi re, hat wene andi heilenggen hegen a? Hokhorogo ekhe inom ina'meilorogo hilingiri'lagwi mene andoma werego,” ikhe.

MATIUS 8:20

A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.

LUKAS 1:68

”Nit afuni Israel mene andi nineisena Tuhan Allah nen eilenggen nisa wagasik telninafe andi nen he, at fogerati logouwogo.

1 PETRUS 2:12

It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.