MAZMUR 8:3 - Allah Wene Fano Wene Hupla Inane

³ it omalik fou mene nen inom, yenggerugwi magendek mene nen inom, wuniba fogethabi'lagwi. Hat hebe esin lego mondok logolik melalinafi lagen mene andi re mondok abolok lek ning maniberogo werek andiba re, It haselei mene inoba inom, hinom weim palek mene inoba inom inambe to'mot fisikhi lagen.

MAZMUR 8:3 ပူးပေါင်းရင်းမြစ်များ

KEJADIAN 1:1

O eroba Allah nen he, pogot inom, kweang inom, elalhikhe

AYUB 22:12

At Allah andi re Lego Mondok welagarek mene At ebe re pogot inom hesagal inom he a'ma hak werek kwelek At enek he mondok legoma po'lima welagarek.

AYUB 25:3

Malaikat esa at obaget hilingitarek mene andoma wenasu hak anggegen? Nen At aselek ombak bageri'lago lek oba ekhe werek anggegen?

AYUB 25:5

At Allah eilhanem tugi re eil seleksek lek. Nen hesagalenggen he eil mumsek.

AYUB 36:24

Aren yi mene ti mene mondok pugun-paganhogo elalhikhe mene faget fogeratarek, nen haren ogore we Arenek fogerati logogin halok fano.

MAZMUR 104:19

Ninenggi wenati logouwageluk, tugi elalogo fesigin. Mo ubuk ikherek andi re, onggwarek elu welagarek.

MAZMUR 111:2

At Tuhan nen hilingiterek mene andoma eberogo nen he enggin mondok hokho mene hilingitere'ma re afuni inendawimo inagaiyek werek mene nek he fifurogo pilingiti logoumo re higiro.

MAZMUR 148:3

Hit mo inom, tugi inomen he, Arenek fogerati logoino. Hit hesagal liati lagep mene andoma nen he, At ebe fogerati logoino.

MAZMUR 19:1

It ekhe nen wuni wati logouwagaluk, Daud en felalogo watikhe mene.

MAZMUR 33:6

Nineisena Tuhan aneba hilinglame isikhemo pogot elalagik, mo, tugi, hesagal inom At aweneba elalagik isikhe.

MAZMUR 89:11

Harenat he, Rahab anini mondok weak mene i laut elema welagarek mene a'nogo unggul sagalogo fegen. Nen Hat henggi omameba re it haselei mene omanogo inomame leget fisikhi lagen.

KELUARAN 31:18

A'nogo At Tuhan nen Musa inom Tom Sinaiba nen ane arat isikhesik he, At Allah nen helep pire kagalek meneba Allah awene melalek a'nogo onggwarek enggi nen palogo Musa wogetikhe.

KELUARAN 8:19

A'nogo hilinglagaikhemo, it ap wesa inap elalin hilingitu inelu mene omanogo nen he, raja Firaun mel yagatukwa: ”Yi re, at Allah nenat hilingiri'lago higi,” iluk yagatukwa meneat he, at raja endawinggen mondok haro agaikhesik he, At Tuhan nen isikhe hagat Musa Harun emberek inane ugunem hologo hilingiti'lek herakfisasikhe.

LUKAS 11:20

Meneat he, an nen Allah omame andiba munggwarengge obabut weak mene andi henegeisogo wulakfisikhi lagi halok he, Allah awe a'ma inobagagin mene andi arat hinoba horogasi waga o.

ROMA 1:20

Allah ebe nineilenggen hogorek lek meneat he, aren kweang pogot elalhikhemo ineilenggen hikhi logolik, at ebe Walhasikhe mene atma re, omame etok mondok welagarek, iluk, obabut furogo futfouwemat welagaikharek andi. A'nogo welagaikharek andi faget, iren inoba nonggologo wene ki u he aro.

ULANGAN 4:19

Hiren he, pogoroba welagarek mene, mo inom, tugi inom, hesagal inom, hineilenggen hikhi lagep mene andi amingmingengge asimbik fogerati logolik weak hilingitubo. Andi mene re nineisena Tuhan Allah nen, afuni inunggulenu hunogoat mene nen fogerakhikhi logonik he, iluk herakfisasikhe andi.