MAZMUR 79:3 - Allah Wene Fano Wene Hupla Inane

³ O Yerusalem andoma bene mondogat he it inamep enek i hakhogo pikhi laga, nen inebe re aben ogo ekhe salinafa lek.

MAZMUR 79:3 ပူးပေါင်းရင်းမြစ်များ

MAZMUR 141:7

Helep misik ekhe wolelenggenhogo kweangma pelafarek hak, it inoak ogo afuni warek salinafarek oba era'lukwe andoma tamulogo pelabi lagain.

MAZMUR 79:10

It afuni inunggulenu amu mene nen nit faget ikhi logolik he, ”It ineisena Allah andi ebe koma werek?” iluk heinok wani nogo. At he nirogo it ap inunggulenu inap andoma nen Hat hamingmingengge inoata mene omanogo inunggulmo hilingfisugunem hogoin aro.

YEREMIA 14:16

Afuni nabi andoma nen wene hilinglasigin mene iluk yagahisugunem wanha inap andoma ogore it inoasigin andi higirat inoasigin. It inebe warek he o Yerusalem ebekhe kwe andoma hugisamo aben salinafi'lek herak fisamo logogin. Andi re it inebe inom, it inagagwi inom inagainafuri inom inoba asigin mene re a'nogo hogoin andi. It inanini andiba re enduk mikhoageluk An nen hilingfisagain o,” iluk ikhe.

YEREMIA 15:3

An Tuhan nen he unggum ero enggaminogo mene it inoba asigin iluk fouget figimo werego: It he weim elema nen wa'lasumo re it inebe warek omanogo re mene nen lithalagik ninggik, sue nen inom, maro mene nen inom legaberinafik, ugun o.

YEREMIA 16:4

It he, ou afuni wa'lagaikharek mene inoba asi wesumo re inebe mondogat wa'lasugun o. Ap misik iluk ogo inobaget le agik, inebe warek salinafik, ikhi logogun mondok lek. It inebe warek he kweang muli faget yabukwe tamukhogo lakfagarek hak hilingi'mo re sue inom olomene enda'ma mene inomen ninggi logogun o.

YEREMIA 25:33

Linggene andi sambul he, afuni Tuhan nen inoasigin mene re o kweangma mondogat wathigik taik ikhi logogun. It andoma faget ekhe le asugun lek, nen waganogo salinabi logoin legat, meneba nen he afuni nen al alengge kweangma kabokhogo herakfisagarek higit asugun.

YEREMIA 34:20

An nen he hit hinaselei mene it hinoasuogeluk hilingiri'lagwi mene omanogo inoba wogisagain. Ma re hit hinebe warek he sue nen inom mene olomene nen inom nogoin o.

ZEFANYA 1:17

Tuhan nen ikhi logolik, ”An nen afuni enggin inoba hokhorogo fisa wesumo re it he ap ineilenggen humunik mene nen hilingitarek hak yatip tatibengge hilingiti logogun. Iren he An noba weak hilingitama it inamep he i hakhogo wulibigin, nen it inebe warek he kweang kwe fili arik logoin o,” iluk ikhe.

MATIUS 23:35

Andi halok he, it ap inobabut higit hilingiti lagaukwa mene, inamep wulagaisogo inoarik wagaukwa andi, huli ero Habel obabut higithogo hilingiti lagaikhe mene oe nen watikhe andiba nen pikhit, huli wurep oba, at Berekia amlogo Zakharia andi Allah awi wurik honggolek, Allah anggo warogo endu noleti lagaukwaba honggolek, tulem watigip andi huli, it mondogat inamep hit hinoba lombok hinenggiba werego.

ROMA 8:36

Wene andi higithogo Allah aneba lisu palhi logolik, mel isukwa: ”Hat fagerat he, afuni nen linggene hundik, hubanggo hundik, ninoasuogeluk hilingninafu mondogat werego. Afuni nen domba wam wasuogeluk abok palharek andi hak, ninabok palhuat werego.” iluk lisu palogo fesukwama werek.

WAHYU 11:9

A'nogo fisamo were'ma, afuni inunggulenu lombok, inane lombok, inagap lombok, inawi lombok, inebe mondogaren warek salinafi'lek herakfisaluk, ineilenggen kwelaginarek werek kwelek, inenggi henagan logombigen inenggi ekheba linggene huliba logogun.

WAHYU 16:6

It ap andi nen, hat hagainafuri mene inom, hat hane yagaisagarek mene inom, inamep wulagaisogo inoatukwama re, mep noageluk wogisegen andi re, inobabut obaat higithogo wogisegen o, neisena,” iluk ikhi laga holhi.

WAHYU 17:6

Nen, he andi nen, Allah againafuri mene inom, Yesus ane yagaisilik nikharek mene inom, inoatikhe mene inamep ninggesik, afuni nen anggur enggen amusu naluk lugulugwi palik agaikharek andi hak, lugulugwi palik agasik were'ma yethigi. A'nogo yethigirik hokhorogo fogerati.

WAHYU 18:24

It afuni o kota Babel mene nen, afuni Allah ane yagaisagarek mene inom, Allah againafuri ekhe inom, inamep wulagaisogo inoatik, it afuni ekhe kweangma inoata mene mondogat, irenat inoatik, inoatukwasi'mo andi nen he, inamep inenggi unggut oba werek andi nen, Allah nen wene inoba fesikhesik, weagerinafunem isigi andi.