MAZMUR 78:9 - Allah Wene Fano Wene Hupla Inane

⁹ It inunggulenu Efraim mene inasikhe, inandok herap palogo fingfang welagaukwa inap a'nogo re, weim yafu sambul heise wulifukwa.

MAZMUR 78:9 ပူးပေါင်းရင်းမြစ်များ

1 TAWARIKH 12:2

It andi re at Saul hakhogo inunggulenu Benyamin mene. it inebe re tok inoatu aple inom, helep oba inoatu aple inom andi re inenggi ebekwe nen ogo harekwe nen ogo inenggi pagat mondok weak welagaukwa.

MAZMUR 78:57

Athe it inombawi nen Allah inonggoret fuluk hilingiti lagaukwa hakhogo nek hilingiti logolik he, inobabut sikhe ebe kwanirek mene hakhogo logolik, iren hilingitu aple andoma ebe mene ekhe hilingiri lagwi iluk angga fuk mene omanogo nek hilingirik laga lagaukwa.

LUKAS 22:33

A'nogo yagatikhemo, at Petrus nen he, mel yagatikhe: ”Noe e! O afuni inenggi hele warogo fisagarek oba kwelakhobagagik, hebe mondok hoatik, hilinghafu halok he, an nemberegat ninoasuageluk welagi o,” iluk yagatikhe meneat he,

HAKIM–HAKIM 20:39

ap esa hokhoba lirinabugun mene omanogo re lagokhogo inambotkwe waga logolik, hobuk inaselei mene andi inoarik we'no, isukwasik he andem sambul ap Benyamin mene nen it Israel mene inebe 30 nen inoatukwasik iren anggikhi logolik he, ”Attak hilingitukwa hakhogo afuni Israel mene inomame legaphogo fisasukwa,”

HAKIM–HAKIM 9:28

Iren ikhi logolik, nit ari re ningginik ninaben at Abimelekh a'ma sebe ugun nogo? Nen at Gaal en ikhi logolik at andi re ebe eberogo re sa nogo? At ebere hun Gideon amlogo, at agot ombo'ne mene Zepul a'nogo inom nit ninomba Sikhem eisena Hemor a'nogo amingmingengge agaikhe mene re lek nogo a? Ebe a'nogo aro.

1 SAMUEL 31:1

A'nogo hilingitu kwelek, ap Filistin mene nen it Israel mene inoasuogeluk o Gilboa andoma wagaukwa. Wagaukwasik, inom weim yafi logolik, ap Israel mene inebe hokhorogoat andoma inoatukwa. A'nogo inoatu kwelek, it ap fena Saul againafuri inom heise poloksek wulifukwa.

1 SAMUEL 4:10

A'nogo isukwasik, it ap Filistin mene a'nogo weim mondok aninirogo yafi logolik, ap tentara Israel mene mabenet fisasukwasik inoatukwa. A'nogo inoatukwama, ap Israel mene heise inawi tenda wurikwe lombok wagaukwa. Weim andi yafi logolik, ap tentara Israel mene mondok mabenet fisasukwasik, inebe mondok hokhorogo 30.000 nen inoatukwa.