MAZMUR 78:8 - Allah Wene Fano Wene Hupla Inane

⁸ Andi re it inambu-inombalagen Tuhan Awene melalek sagalogo fuluk inabiren hilingiti lagaukwa hakhogo hilingiti logoinogo. It andi re inebe inendawimo eberogo anggili'lagwi mene a'nogo omamerek legengge logolik leik-kweigengge hilingiti lagaukwa inap, iren Allah oba tiphogo hilingiti'legengge welagaukwa inap andi nen hilingiti lagaukwa hakhogo hilingiti logoinogo.

MAZMUR 78:8 ပူးပေါင်းရင်းမြစ်များ

2 RAJA-RAJA 17:14

Oba nen it Israel mene inom Yehuda mene inomen holhi lagaukwa mondok lek. Iren inombawi nen ineisena Tuhan Allahba eberogo anggigi'lek inendawinggen omamerek welagaukwa hakhogo re, iren ogo ariginik welagaukwa.

2 TAWARIKH 12:14

At Rehabeam en he Tuhan endawimo anggikherek mene a'nogo higithogo hilingiti legengge, kwanirogo nek hilingiti lagaikhe.

2 TAWARIKH 19:3

A'nogo meneat he, hun haren fano mene hilingiti lagen mene ekhe weregat. A'nogo andi re neisena haren dewi Asyera afuni nen fogerati lagaikha mene omanogo mondogat waganogo wulak fisegendik, hat hebe Allah endawimo anggikherek mene a'nogo higithogo hilingitu mondok welagen o,” iluk yagatikhe.

2 TAWARIKH 20:33

Oba nen he, aren it afuni omanogo nen tugwi kembu fogeratu kwe a'nogo mondogat wolelenggen tagalogo fesikhe le'ma re, it afuni Yehuda mene a'nogo nen it inambu-inomba ineisena Allah a'nogoba inendawinggen abirengge nen kabogeti lagaukwa lek.

2 TAWARIKH 30:19

”Neisena Tuhan Allah nit ninombawi nen foget hafi lagaukwa mene neisena, it ap yi re inebe oan enogo fakhigi'lek wagaikhasigen, Hat hoba inendawinggen tibet fagasik inebe mondogat seberogo kabogeta andi nen he, Hat hendawi fano nen hilingiti lagen mene a'nogo it inaweak honggorabethogo fisan o neisena,” iluk samban isikhe.

2 TAWARIKH 30:7

Hit he it hinamulik Israel mene fena nen it hineisena Tuhan Allah a'nogo ba tiphogo hilingiti'legengge hilingitu nen Tuhan nen wene enggin hokho mene inoba fesikhe mene a'nogo re hiren hineilenggen tomok hasigibat.

AYUB 11:13

Ayub ahwi, hat hendawimo pugun eraluk he, nambigen agwi iluk ebesin! A'nogo hiligisimbik Allah ba samban ino!

MAZMUR 106:7

It ninombawi o Mesir logolik andoma re futfikhi lagaukwa mondok lek, Haren elalin mene elalhigin mene andoma iren inendawimo wenggel hikhi lagaukwa mondok legat. I Laut Gelagah horokhogo andoma nen Haren hendawi hundik hokho mene hilingninafigin mene a'nogo inonggot agama re, iren Hat Mondok Lego Welagen mene a'nogo helokhoma wene oak sagalhi lagaukwa andi.

MAZMUR 68:6

It yenggerugwi suarek mene inom, nen hemi sogwe mene inom, ferinarek mene re ineisena At Allah Awi mondok hore'ma welagarek mene andi aro.

MAZMUR 78:37

Iren he At oba tiphogo hilingiti lagaukwa lek, nen At Awene melalek a'nogo inendawimo eberek logolik higithogo hilingiti lagaukwa legat.

MAZMUR 78:40

O leimo andoma nen he iren At endawimo ou pou aple nek hilingfigik, At ane oak sagalogo nek hilingitik, hilingiti lagaukwa.

MAZMUR 78:56

Oba nen he, iren Allah ba inobaharo fikhi logolik he At Mondok Lego welagarek mene a'nogo obabut palugun mene nek hilingiti lagaukwa. At Awene melalek yi'nogo hilingiti logoino, ti'nogo hilingiti logoino iluk yagaisasikhe mene omanogo iren furogo holhi'lek hilingiti lagaukwa.

KELUARAN 32:9

Afuni andi inendawinggen mondok helep hangge andi An nelu o.

KELUARAN 33:3

Hit he, o kweang muli fanoma, yi mene ti mene mondok hokho-pokhorogo were'ma andoma logogun. A'nogo meneat he, afuni Israel mene aroma inendawinggen mondok helep andi nen he, ebekhalem laga logolik An nen legetfisigi hanogo iluk he, An nebe ninom logoin lego,” iluk yagatikhe.

KELUARAN 34:9

mel yagatikhe: ”Tuhan neisena, hat eberogo nenat, an nebe hoba liok ili'lago halok, hat hebe nit fetninarek logoinogen iluk hayonggo figi andi nane hesanggo holin o. Afuni Israel mene andi inendawinggen mondok helep meneat he, niren yi weak ti weak hokhorogo hilingitorek mene andi, haren sagalogo legetfisambik he, ninebe hat honggwarek hagainafuri meneatma wo'ninabino o, neisena,” iluk ayonggo fesikhe.

YESAYA 30:9

It andi re inunggulenu Allah ane sagalugun mene inagaiyek logolik he, ineranhogo wene lalinafik, Allah nen yagaisikherek mene furogo holhi'lek hilingitik, agarek inap.

YEHEZKIEL 20:18

Hebekhogo re, ap souge it inanggele'ma welagaukwa mene andoma inoba An nen yi'nogo komorinafigi, ”Hit wene melalek hinambu hinomba lagen melalhukwa mene andoma murok laga logou fugo. It inobabut waganogo hilingiti logolik, tugwi kembu fogerasugun oba hit hinonggwaregen hinebe emerogo fakha fugo iluk komorinafigi.

YEHEZKIEL 20:8

Oba nen he iren An nane sagalhi logolik, An nane holu aple inabit anggikhi lagaukwa. Iren he tugwi kembu it inebe emetfisikherek mene ilirenggethigik werek mene omanogo hugisare inabit logolik Mesir mene inandugwi kembu omanogoba fogerasuogeluk ogo kamo ikhi lagaukwa legat. It inebe andoma welagaukwaba andem he An nen nanini it inoba fagain iluk mondogat fouget fesigi.

KISAH PARA RASUL 11:23

At Barnabas andi, obabut fano logolik, endawinggen Yesus oba himbirik mondok were'ma re, Allah Areagun endawimo peterek welagaikhe andi nen, lakfei wagaukwama, wagaikhesik eilenggen isasikhesik, endawimo nen he, ”Allah obabut fano nen fano hilinginafemo werek higi,” iluk endawimo agaiyek anggikhi lagaikhe. Endawimo agaiyek anggasikhesik he, ”Hit mondogat hinendawinggen Yesus oba eberogoat himbiret fuluk, at hinom hundigat mondok logoino o,” iluk komorinafikhe. Komorinafi lagaikhemo, afuni hokhorogoat Tuhan Yesus werekwe lambuk isukwasik inebe sik-pik ikhi lagaukwa.

KISAH PARA RASUL 7:51

Hit afuni yoma hinobabut mondok weak hinesanggo holhi'lek hinagap hinenggalimo mene palek logoligat he, hinendawinggen tegele'lek logolik komore'lek hilingiti lagep yi ri! Hinombalagen: Allah Areagun ane andi ninabit, iluk ikhi lagaukwa hagat, hit it inobabut waganogo ikhi lagep yoma ri!

ULANGAN 31:27

It inobabut he, inungguloak mondok helep hangge logolik, ninabit iluk folim hibit fisagarek mene nek inamolo logogun andi, an nelu o. An nebe neluk welagiba re, Nineisena Tuhan ebe ninabit iluk, folim hibitukwa a'nogo. Andi nen he, an wa'lasumo ebenagaik hilingisugun aro.

ULANGAN 4:4

hit enek he, at oba lombokhogo logolik Ane hologoat mondok were'ma herakhinobagasigimo huli yogondak hineluk welagep yi.

ULANGAN 9:13

A'nogo yaganetikhesik ekhe mel yaganetikheat: Afuni andi inobabut he, inane hologo hilingisu elo'lek inungguloak mondok helep andi An nelu o.

ULANGAN 9:24

O attagaren an hit hinobabut nelu agaikhe huli nen enggere, hit he nineisena Tuhan ane sagalogo hilingitu mondok welagebo.

YOSUA 22:15

A'nogo lagaukwasik he it a'nogo inunggulenu Ruben, Gad, Manasye o Gilead werek mene inom were'ma omanogo asi lagaukwa.

1 SAMUEL 8:8

An nen it o Mesir en woginarek wulibi wagagi andi huli nen, An heraknobagaluk wulifasik he, tugwi kembu fogerari'lagwi andi. Andi nen he, it inobabut An noba a'nogo hilingnafi lagaikhasigen yogondak he hat hoba a'nogoat hilinghabi'lagwi andi.