MAZMUR 78:7 - Allah Wene Fano Wene Hupla Inane

⁷ Andiba re, iren ogo At Allah oba inendawinggen tibetfuluk logogun, nen aren yi wene ti wene hilingitikhe mene andoma iren inonggot asugun lek, oba nen he, Aren yi'nogo hilingiti logoino iluk yagaisasikhe mene a'nogoba nek hologo hilingiti logogun.

MAZMUR 78:7 ပူးပေါင်းရင်းမြစ်များ

MAZMUR 103:2

An nendawinggenma nen Tuhan fogethafi lagi, nen Aren fano hilingninobagaikherek mene andoma re hinonggorasu fuk.

MAZMUR 105:5

Hit afuni Abraham Allah amingmingengge nen tagongge mene yi sani! Hit afuni Yakub Allah nen wenatikhe mene a'nogo nen tagongge mene yi sani! hit hinebe re, iren tagomangge mene inoba Allah nen he, elalin hilingiti lagaikhe mene andi, wene andi mondogat eberek logoino o. Ane palek werek mene andi, hinonggoragi'lek eberek mondok logoino o.

MAZMUR 146:5

It afuni ineisena Tuhan Allah oba inendawinggen himbitfuluk hilingiri'lagwi mene andoma re inagaiyek hikhi logouwak, it leberinafu mene re at Yakub eisena Allah andi hilingfuluk werek mene andoma re inagaiyek anggikhi logouwagat.

MAZMUR 40:4

An nen wuni ket mene wati logolik, wuni nit nineisena Allah a'nogo fogeratu awuniba fogerati logouwageluk, Aren yaganeterek. Afuni mondogaren ineilenggen nealuk inailo a'luk he, inendawinggen Tuhan oba tibet fogoin o.

MAZMUR 62:5

Hiren he at ebe yabu lego mene werek oba andi nen sebelogo pelak fogoin iluk hilingiti lagep. Hit he hineranen wene lalinafu aple nek hinagaiyek, hit hinambeba nen afuni fanot fisikhi lagep oba nen he, hinendawimo nen he hururung inafi lagep.

MAZMUR 91:14

Nineisena Tuhan nen ikhi logolik he, ”Ap ekhe an noba endawinggen himbirik logolik logogun mene re, hobuk An nen telinabigin o. Nen, ap ekhe ambeba nen Neisena Tuhan he At andi aro, iluk fakhogo ugun mene re, An nen nawe a'ma fisambik ferinarek logogin o.

1 KORINTUS 11:24

Ninoe Enupogot Yesus ap inobabut weak mene nen wasuageluk, ap ekhe nen hubanggo yonggo lagaikhe andi sambul, at Yesus nen he, sumburu roti mene enggim wanhikhesik he, Allah hai warogo re, enggi nen kurogo fesikhesik he mel yagaisasikhe: ”Sumburu yi an nebe aro. An hit fagerat noasugun andi, noba eberek logobagaigen he, yi'nogoat hilingiti logoino,” iluk agoromi wogisasikhe.

ULANGAN 4:9

Hit hineluk logolik, wene hilinglagunem hineilenggen tomok hegep mene andi hinendawimo eberek mondok logoubagaigen he, wene yagahisigi mene andi fanorogo futfembik he, hinendawimo eberek mondok logoino o. A'nogo logolik he, hiren hinagainafuri inom, hinombalak inom, wene hilinglagaikhe a'nogo mene yagaisikhi logoino o.

ULANGAN 5:29

It inom iren tagomangge mene inom mondok-mondok inoba fanorogo logouwagen, iren hobugen An legeisogo nobagagik, An nane hol fuluk higithogo hilingitik, hilingiti logogun oba nen a'nogo hilingiti logogun lek logou hak.

ULANGAN 6:12

nineisena Tuhan hit hinebe afuni Mesir mene nen inamingmingengge higit fethinarek were'ma telogo wokhinarek wulibi wagaikhe mene a'nogo oba hinonggot asinogo iluk eberek mondok logoino.

ULANGAN 6:21

iluk heinok wokhisugu halok, hiren he, mel yagaisikhi logoino: Nit o attagat, afuni Mesir mene inoe kain Firaun amingmingengge hangge hilingninafukwasik fetninarek were'ma, nineisena Tuhan omame hokho andiba telogo wo'ninarek wulibi wagaikhe.

ULANGAN 6:25

Niren, nineisena Tuhan nen, yi'nogo hilingiti logoino, ti'nogo hilingiti logoino, iluk komotninafikhe wene andi mondogat fanorogo hologo higithogo hilingiti logogun halok, At oba liok ikhi logogin o, iluk yagaisikhi logoino,” iluk yagaisasikhe.

ULANGAN 8:11

A'nogo yagaisasikhesik, ekhe mel yagaisasikhe: ”Hiren nineisena Tuhan oba hinonggot asinogo iluk hinafe hebelogo logoino o. Aren, hit yi'nogo hilingiti logoino, ti'nogo hilingiti logoino, iluk isikhe wene yogondak yagahisikhi lagi mene andi mondogat, hiren ekhe hologo higithogo hilingiti'lek hinendawimo serametfuluk logogubo.

ULANGAN 8:2

At nineisena Tuhan Allah nen he, hit hinendawimo anggaluk ninggi'nogo hilingisugun. Wene an nen, yi'nogo hilingiti logoino, ti'nogo hilingiti logoino, iluk komothinafi wene andi hologo higithogo hilingiti logogun a? Lega, iluk hinobabut paligiluk, kwe yatkwe nenat o leimo afuni lekwe wokhinarek wagu kwelek, 40 tahun hilinglaga andi hinendawimo ebe'ni o.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

1 YOHANES 5:3

Nit Allah nen ta'ninafe mene halok ninebe lombogen he, ”Allah ane andi eberogoat,” iluk ninendawinggen at oba himbiret fogorek andiba, it afuni kweangma mene inobabut inetogat logolik weak hilingitarek mene andi mabenetfisaluk ninomame agorek andi. A'nogo mabenetfisaluk ninomame agorek andi nen, wene Allah nen komotninafikhe wene andi enggin fuk, serego. Andi nen he, niren, ”Allah ebe ninendawi welago,” iluk u hak he, aren wene komotninafikhe wene andi hologo higithogo hilingiti logouwogo.

WAHYU 14:12

Wene yi faget esin hilingisugun he, Allah againafuri at ane hologo higithogo hilingiti logolik, hinendawinggen eberogoat Yesus oba himbirik welagep mene andi, hinafe morogo logogun o.