MAZMUR 78:61 - Allah Wene Fano Wene Hupla Inane

⁶¹ Aren he Peti Wene Warek kwalabek mene a'nogo aben waluk loageluk herak fesikheat. At ebe ombak-bak werek mene faget alik waganogo welagaikhe mene a'nogo it aselei mene nen helaluk loageluk herakfisasikhe.

MAZMUR 78:61 ပူးပေါင်းရင်းမြစ်များ

2 TAWARIKH 6:41

Neisena Tuhan Allah! Yogondak he hebe menla'luk, Hat hebe homame welagen aple a'nogo agaukhogo Peti Wene Warek andi inom o Hat Hawiba yi kwi laluk mondok-mondok andoma logoin o. Nen, haren it imam en yabu hilingitu mene andiba fanoabet fisikhi logoino, nen Haren it inoba fano aple nek hilingfisugunem it hagainafuri mondogat inagaiyek anggikhi logogun.

MAZMUR 132:8

Nineisena Tuhan, Hebe siakhogo menla'luk, Hat hebe homame welagen mene a'nogo agaukhogo Peti Hawene Warogo wo'ninafigin mene andi inom, O hat Hawiba yi kwi wesimbik logoin o.

MAZMUR 24:7

A'nogo kwikhi logolik, ”Nineisena Enupogot Allah fogeratarek mene andi ebe elok kwi wesuagaluk, kwe ambe endamat palek mene a'nogo ele hokhorogo hut fembik logoni o,” iluk ugunem,

MAZMUR 63:2

Allah neisena, an neisena Allah re hat welagenma. Hat hebeat nendawi hundik logolik herakhabik nikhi lagi o. I nele nen inendawimo agesabu fulung hugunem welagaikharek hak, kweang amusu le'ma yoma logolik, an nendawinggen hat hoba ebethugu mondok welagi o.

KELUARAN 40:34

At Musa nen o a'nogo arat wutikhemo nen, hobuk he, ohena Tuhan awi wuri'mo andi sebeli pi we'luk Tuhan ebe andoma were'ma re, o andi o hulu mondogat ombak-bak mondok hokho mene yararet hikhi lagaikhe.

HAKIM–HAKIM 18:30

Kembu alik waganek iren waluk lagaukwa mene a'nogo re, iren o kota andiba wutukwasik he, at Yonatan Gersom amlogo, hun Musa omba a'nogo imam logouwageluk menfesukwa. At Gersom ambisangma mene andoma re it inunggulenu Dan inap faget imam werek kwelek enek he afuni Israel mene woginarek o kweang amu meneba huginabi lagaukwa.

1 SAMUEL 4:17

A'nogo yagatikhemo, ap wene waluk wagaikhe mene a'nogo nen he, mel yagatikhe: ”Ap Israel mene re it Filistin mene nen muginarek wulifi logolik he, nit fikhit mene re ap warek enek kabok ikhemo re, nit mondok maben ago o. Ninebe mondok hokhorogo ninoati logolik, hat hamlogomi inebe pire, Hofni inom, Pinehas inom, aremnogo emberegat inoata o. A'nogo inoati logolik, Peti Wene Warogo Allah nen wo'ninafikhe, iluk hilingik a'nogo selei mene nen helaluk lagaikha aro,” iluk yagatikhe.

1 SAMUEL 4:21

A'nogo kamo isikhesik, Peti Wene Warogo Allah nen wo'ninafikhe, iluk hilingik a'nogo telogo waluk lagik, at eisena inom, agun inom, emberek inebe inoatik, aga andi nen, ”Allah fogeratorek mene a'nogo ninanggele'ma nen longgoikhemo o,” iluk u hak, eak enu, ”Ikabod,” salhikhe. A'nogo salhi logolik mel isikhe: ”Peti Wene Warogo Allah nen wo'ninafikhe iluk hilingik a'nogo telogo waluk lagaikha andi nen, Allah fogeratorek mene a'nogo ninanggele'ma nen longgoikhemo o,” iluk isikhe.

1 SAMUEL 6:1

Peti Wene Warogo Allah nen wo'ninafikhe iluk hilingik mene a'nogo o Filistin andoma tugi 7 nen fisogo welagaukwasigen,