MAZMUR 78:5 - Allah Wene Fano Wene Hupla Inane

⁵ It inunggulenu Israel mene inoba re, Aren Awene melalek inelurogo logogun mene wogisasikhe, nen it Yakub ambisangma mene inoba re wene yi'nogo hilingiti logoino ti'nogo hilingiti logoino iluk awene melalek a'nogo wogisasikhe. Aren it inambu inombalak inoba yagaisikhi logolik he, hit hinagainafuri inoba yagaisikhi logoino aro, iluk yagaisasikhe.

MAZMUR 78:5 ပူးပေါင်းရင်းမြစ်များ

KEJADIAN 18:19

Aren he, nagainafuri inom, aren tagongge mene inom, an nen wene it warisigi mene a'nogo fisogo logolik higithogo hilingiti logouwageluk komorinafi logouwageluk wenagaisogo menfigi anggigi. Iren a'nogo mondogat hilingisugun halok, An nen Abraham wene wareti mene andi ebe mondok wogisagain o,” iluk anggasikhe.

MAZMUR 119:152

O attagen engge wene Haren yaganisikhi lagen mene a'nogoba nen nelu aga lagi, Haren wene andire mondok-mondok logogin mene faget fesigin.

MAZMUR 147:19

Aren awene melalek menfikhe mene omanogore at Yakub yagatikhe, nen wene yi'nogo hilingiti logoino ti'nogo hilingiti logoino iluk werek mene omanogo re, againafuri Israel mene onggwaregen wenago mene omanogo inoba yagaisasikhe.

MAZMUR 19:7

Pogot eroma nen yarik-yarik pogot elugunmo lagarek. yi mene ti mene mo oba kwikherek lek mene ekhe werek lek, mondogat oba kwikherek enek, iluk wuni watikhe.

MAZMUR 81:5

A'nogo hilingitarek mene andi re at Yakub eisena Allah a'nogo nen nit afuni Israel mene were'ma yoma hilingiti logouwageluk melalogo fesikhe.

KELUARAN 12:27

hiren he, Nineisena Tuhan nen afuni Mesir mene inagainafuri ap manggusa mene mondok inoarik waga logolik, nit Israel mene ninaiba ninebe ninoasi kwigi'lek nineluk herakninobagaluk lagaikhe andi nen, At fogerati logolik wam domba warogo seni Paskah ninggi lago o, iluk yagaisikhi logoino o,” iluk yagaisasikhemo, it afuni Israel mene omanogo ineindep awi yagaisogo At Allah fogeratukwa.

KELUARAN 25:16

A'nogo hilingfuluk he e peti andi elonggomare, An nen Nawene melalek helep pire meneba palogo wokhetigi mene aremnogo kwal feino.

KELUARAN 25:21

Helep pire andi peti andi elema fembik he ambe sebelogo feino.

KELUARAN 40:20

A'nogo salhikhesik, helep pire a'nogo peti Allah nen wene warogo wo'ninafikhe iluk hilingisogo elema kwelakfesikhe. Kwelakfesikhesik, peti ambe yagarogo re, epokhogo waluk nikhi logogun mene senggan oba kelhigik fesikhe.

KELUARAN 40:3

A'nogo wutfembik Wene Warek 10 nen a'nogo Peti elema kwalegengge O Sabu wuri'mo kwelakfeino, a'nogo kwelakfembik he kain wurilik mene elokhoma kologo feino.

YESAYA 38:19

An nen yogondak hilingiti lagi yi hak, afuni ineluk mene nenat Hat elok fogethabu hago. Tuhan neisena, Hat tiphogo nek hilingiti lagen a'nogo faget, ap inesugwi nen inagainafuri inoba tindelisagarego.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

ROMA 3:2

Andi re, yi mene ti mene faget mondogat fano nek. Wene andi ebe furogo yagahisak. Ekhe re, Allah nen he, ”An nane it elok fisogo logogun,” iluk, irat yagaisikhi lagaikhe.

EFESUS 6:4

Nen, hit inesugwi nen ogo re, yi mene ti mene faget hinagainafuri ina'mage lagainogo iluk hilingitubo. Athe, Tuhan nen komotninafik, ninendawinggen sebelhik, ikherek andi hak, hiren hinagainafuri a'nogoat hilingisogo inebe kulinafi logoino o.

ULANGAN 11:19

Hit hinagainafuri inoba oloba nen inom, endakwe nen inom, set warikhi logolik inom, yabu hilingiti logolik inom, tindel isigik, yagaisigik ikhi logoino.

ULANGAN 31:13

A'nogo hilingiti logogun halok, hinenggi welagi'legat, i Yordan palogo wilibimbik, o logogun oba andoma logolik, hit hinagainafuri nen wene nineisena Tuhan Allah nen, yi'nogo hilingiti logoino, ti'nogo hilingiti logoino, iluk yaganisasikhe wene andi inonggot inesanggo holharek lek mene andi inesanggo elok holhik, nineisena Tuhan Allah agaukhogo fogerati logogun mene andi inelu agik, ikhi logogun o,” iluk yagaisasikhe.

ULANGAN 32:46

mel yagaisasikhe: ”Wene an nen, Yi'nogo hilingiti logoino, ti'nogo hilingiti logoino, iluk yogondak yagahisigi mene andi mondogat hinendawinggenma feino o. Hit hinagainafuri nen wene nineisena Enupogoren, Yi'nogo hilingiti logoino, ti'nogo hilingiti logoino, iluk yaganisasikhe wene andi, at oba lomborogo logolik inaberali legat hilingiti logouwagen he, yagaisikhi logoino o.

ULANGAN 4:45

Wene andi a'nogo hilingitukwa andi re, it inebe o Mesir en mondogat wulibi wagaukwasik i Yordan abel fena mo liabi wagarek fikhit tonggoma o kota Bet-Peor amik higithogo asi wagaukwasik wogisasikhe. O andoma re o attak hun Sihon it Amori mene inobaget inoe raja logolik attak at o kota Hesybon halogo fisikhi logolik, sebelinarek welagaikhe kwe. At Musa inom it afuni Israel mene inom o Mesir en wulibi waga logolik mabenet fisasukwa kwe omanogo.

ULANGAN 6:7

Hinendawimo eberek mondok logolik, hinagainafuri yagaisugu mondok logoino o. Hinaiba logolik inom, enda'ma nen inom, set walikhi logolik inom, hinenggi wanhi logolik inom, pilingitu mondok logoino o.