MAZMUR 78:41 - Allah Wene Fano Wene Hupla Inane

⁴¹ Iren hobugalep Allah obabut palhi logolik hakhogo nek hilingiti lagaukwa, nen irenat Allah afuni Israel mene ineisena a'nogo endawimo heiselek aple nek hilingfikhi lagaukwa.

MAZMUR 78:41 ပူးပေါင်းရင်းမြစ်များ

2 RAJA-RAJA 19:22

Haren sa hendawimo seramet fuluk enu wiik-weakhogo hane asegen wokhikhi lagen nogo? Afuni Israel mene ineisena Allah Horek Mondok welagirek mene a'nogo nebe An aro. An seramet nobagaluk onggwaregen foget fakhikhi lagen andi ri, nailo e.

MAZMUR 89:18

Hat hobabut fano andiba nit ninomame agorek, nit ninomame asuagaluk Homame mondok hokho mene a'nogo wo'nisegendek.

YESAYA 1:4

Hit he weak mondok hokhorogo hilingitu welagep andiba re weak anggele'ma kwegepsik welagep andi, hinobabut he nonghongsek logolik hinobaharo mondogat weak. Hiren hineisena Allah Horek Mondok werek mene a'nogo oba fogeratu logou mene a'nogo re hinambot woge'luk hineisena Tuhan a'nogo ninabit iluk herakfisasigip andiba re alomat lakhouwogeluk welagebo.

BILANGAN 14:22

An nombak-bak mondok yararethigirek mene andiba, iren futfouwageluk, elalin mene o Mesir en hilingitunem ineilenggen higik, o leimo afuni le'ma nen hilingitunem ineilenggen higik, ili'lagwi meneat he, An nane hologo hilingisu mondok inabit logolik, iren he, omame werega? Lega, iluk nobabut paluogeluk lalnafu mondok werek andi nen, afuni it aroma mene ebe eluk ekhe inom hogo logombik, An nen o it inombalak wogisageluk wene warisasigiba andoma logoin mondok lego.

BILANGAN 14:4

A'nogo yagaisasukwasik, it-it ekhe nen ekhe yagati logolik, mel isukwa: ”Nit ninambotkwe o Mesir wo'ninarek loagen he, ninoe ekhe heragaisogo menfouwogo,” iluk isukwa.

KISAH PARA RASUL 7:39

A'nogo yagatikhe meneat he, ninombalak omanogo nen, at ane hologo logou inabit welagaukwa. A'nogo logolik he, ebe herakfisasukwasik, O Mesir andoma ninambotkwe la mene, iluk inendawinggen lakfesukwasik welagaukwa.

ULANGAN 6:16

Hit waga logolik, o Masa andoma nen nineisena Tuhan Allah a'mage werega, lega, iluk obabut paluogeluk hilingirik wagep andi hak hilingiti logogubo.