MAZMUR 78:4 - Allah Wene Fano Wene Hupla Inane

⁴ At Tuhan omame hokho a'nogoba hilingiti lagaikhe mene inom, Aren yi mene ti mene elalinhogo elalhikhe mene andoma inom, At obabut hilingisu elo'lek mene hilingiti lagaikhe mene inom andoma re, nit ninagainafuri inoba nen sebelogo fuluk hinagaisogo fisogo logogun lego. Athe niren he tindelogo yagaisugunem he iren hobuk inagainafuri taginabumo logogun mene inoba ogo fakhogo yagaisikhi logogun aro.

MAZMUR 78:4 ပူးပေါင်းရင်းမြစ်များ

AYUB 15:18

Endam andoma yaganetukwa mene ekhe yagahesigiluk welagi. Wene ebere inendawinggen kagalek awene it inombawi nen yagaisasukwa mene re iren wanhukwasik, it inagainafuri tagomangge meneba higit-hagathogo fesukwa wene yagahesigin.

MAZMUR 26:7

nen legeisogo hobagauwageluk Haren elalin hilingiti lagen mene andoma fagetik, Hat hobaget yi mene ti mene warogo nolhuba mezbah era'lukwe masetik, ikhi lagi.

MAZMUR 9:14

Tuhan neisena! it afuni an naselei mene nen noba ou pourogo nek hilingnabi'lagwi mene andoma heilenggen nean o, An hendawi nealuk wa'lagaikharek meneba andoma nen fagaisogo wulak nobagaime o.

KELUARAN 12:26

A'nogo hilingitunem hinagainafuri nen he, yi re ninggi'nogo mene faget hilingiti lago nogo, iluk heinok wanhu halok,

KELUARAN 13:14

Hobuk andoma, hit hinamlogomi nen heinok wokhinafi logolik, mondogat andoma re ninggi'nogo faget? Iluk heinok wokhinafu halok, onggo yi'nogo yagaisikhi logoin o, ’Tuhan omame hokho meneba nit o Mesir kweang oba andoma helewarek were'ma lologo wulakninabi wagaikhe mene faget hilingiti lago o.

KELUARAN 13:8

Nen hiren seni andi eroratu sambul he, hit hinagainafuri ap mene inoba tindelisikhi logolik he, ”Niren mondogat a'nogo hilingiti lago andi re, nit o Mesir herakfuluk wulibi wagunem Tuhan nen yi'nogo ti'nogo wo'ninarek wagaikhe,” iluk tindelisikhi logogun.

YESAYA 38:19

An nen yogondak hilingiti lagi yi hak, afuni ineluk mene nenat Hat elok fogethabu hago. Tuhan neisena, Hat tiphogo nek hilingiti lagen a'nogo faget, ap inesugwi nen inagainafuri inoba tindelisagarego.

YOEL 1:3

Wene hilinglaga mene andi faget, hit hinagainafuri inoba pilingisogo yagaisani o, Nen iren ogo it inagainafuri taginabugun mene inoba pilingisogo yagaisikhi logogunat. A'nogo yagaisugunem inelu logolik, iren hobuk inagainafuri ta'larik laga logogun mene wene andi yagaisilik mondok laga logogun aro.

ULANGAN 11:19

Hit hinagainafuri inoba oloba nen inom, endakwe nen inom, set warikhi logolik inom, yabu hilingiti logolik inom, tindel isigik, yagaisigik ikhi logoino.

ULANGAN 4:9

Hit hineluk logolik, wene hilinglagunem hineilenggen tomok hegep mene andi hinendawimo eberek mondok logoubagaigen he, wene yagahisigi mene andi fanorogo futfembik he, hinendawimo eberek mondok logoino o. A'nogo logolik he, hiren hinagainafuri inom, hinombalak inom, wene hilinglagaikhe a'nogo mene yagaisikhi logoino o.

ULANGAN 6:7

Hinendawimo eberek mondok logolik, hinagainafuri yagaisugu mondok logoino o. Hinaiba logolik inom, enda'ma nen inom, set walikhi logolik inom, hinenggi wanhi logolik inom, pilingitu mondok logoino o.