MAZMUR 78:18 - Allah Wene Fano Wene Hupla Inane

¹⁸ Iren he ineranen Allah obabut palugun iluk he, nunggungge it inamolo mene omanogo kinoti lagaukwa.

MAZMUR 78:18 ပူးပေါင်းရင်းမြစ်များ

MAZMUR 95:9

An nen yi wene ti wene elalin mene omanogo hilingitunem ineilenggen niikhi lagaikhasigenat he, Iren andoma nen An nobabut palugun mene nek hilingiti lagaukwa.

KELUARAN 17:2

A'nogo hilingik welagaikhemo iren he, inane mul-mul Musa mel yagatukwa: ”Nit ninagai noageluk i ekhe wo'nisan o,” iluk yagatukwama, at Musa nen he, ”Hit he, Tuhan a'mage werek a? Lega, iluk, an noba wene palogo nenahalok lalnafi lagep,” iluk yagaisasikhe.

KELUARAN 17:7

A'nogo hilingitukwa andi re, it afuni Israel mene nen, nineisena Tuhan Allah ninom welago a? Lega, iluk obabut paluogeluk hilingitukwa andi nen o andoma enu ekhe re, ”Masa,” iluk salhik, nen wene palogo lalhukwa andi nen, enu, ”Meriba,” salhik, isukwa.

BILANGAN 11:4

Afuni Israel mene wagaukwa andi re, afuni pok mene agore inom wagaukwaat. It ap pok mene andi wam nele mondok agaikhemo, it afuni Israel mene inomen, ”Eige. Nabire, nit wam ekhe nelo e.” iluk ikhi logolik, mel isukwa:

1 KORINTUS 10:6

A'nogo hilinglagaikhe andi re, it weak mene inamolorogo hilingitik, ap it mene ekhe inendawinggen tugwi kembu oba himbirik logolik fogeratik, ikhi lagaukwa andi nen hilinglagaikhe andi. It a'nogo hilingiti lagaukwa andi hak, nit a'nogo hilingiti logoinogo iluk, futfikhi logolik komorikhi logouwageluk wene mondogat a'nogo hilinglagaikhe andi. It a'nogo hilingiti lagaukwa iluk, Allah ane lisu yi'nogo palek werek: ”It afuni inunggulenu andi mene nen, sumburu inom, anggur amusu inom, nuogeluk inagaiyegen wuni watik, inagaiyegetik yugunat hilingisuogeluk menlagaukwa,” iluk lisu palogo fesukwa.

1 KORINTUS 10:9

Nen, afuni it mene ekhe nen he, ”Nineisena Enupogot a'mage werek nogo?” iluk lalogo hilingiti lagaukwama, kisu aigen palinafi lagaikhemo re, wa'larik lagaukwa andi hak, nit ninoasinogo iluk a'nogo hilingisugun mondok lego.

ULANGAN 6:16

Hit waga logolik, o Masa andoma nen nineisena Tuhan Allah a'mage werega, lega, iluk obabut paluogeluk hilingirik wagep andi hak hilingiti logogubo.