MAZMUR 78:13 - Allah Wene Fano Wene Hupla Inane

¹³ Aren he, i laut yenggelek a'nogo pelanghogo fena-fena maminget fesikhemo re, it omanogo selek wulifukwa. I a'nogo re helage palogo fugunem hakhogo fena-fena habunarogo menogo fesikhe.

MAZMUR 78:13 ပူးပေါင်းရင်းမြစ်များ

MAZMUR 38:7

Linggene inukhogo nendawimo warugu mondok logolik he nelokhe heiselogo kunggukhogo pelabek logolik welagi.

MAZMUR 66:6

I laut yenggelek welagaikhe mene a'nogo hebekhogore kweang iringik mene hakhogo hilinglagaikhemo re, nit ninombawi ineisok sebelik-sebelik palogo wulifukwa. Aren a'nogo hilingitikhe andiba re, niren ninagaiyegeti lago.

KELUARAN 14:21

A'nogo werek kwelek, at Musa enggi i yenggelek a'nogo agum oba higit lakfei wagaikhemo, At Tuhan nen sogoi mo liabi wagarek higiren aninirogo lakfei wagaikhemo i yenggelek a'nogo healhikhe. O hup inukhogo sogoi a'nogo funha wagu mondok kamo isikhemo, i yenggelek a'nogo mondok healagaikhesik firokhogo kweang weinam agaikhe.

KELUARAN 14:22

A'nogo hilingiti logolik, i a'nogo pire minggil agaikhemo, afuni Israel mene i yenggelek a'nogo firok isikhesik poikwe maikwe habunarek werek kwelek ial ebene wulibi wagaukwa.

KELUARAN 14:29

A'nogo wa'lagaukwa meneat he, afuni Israel mene i yenggelek a'nogo firokhogo ponggwe manggwe habuna isikhemo ial ebene nen wulibi wagaukwa mene omanogo nek he, fano wulibi wagaukwama,

KELUARAN 15:8

I yenggelek a'nogo heleage futhegenmare, I habunarogo kat senghogo hilinglagasik, Kat senghogo helage palogo menlagama re, Ial oba elok wulibi wago.

YESAYA 63:12

Nen At Tuhan Musa inom hundik logolik, enggi omame hokho meneba At enu mondok-mondok andoma lego logouwageluk, it inelokhoma i tekhogo maminget fesikhe mene a'nogo koma werek?

YESAYA 63:13

Wam kuda o leikwe laga logolik eisok sulukhogo warikherek lek andi hak, nineisena Tuhan ebe it i laut eil uanhogo yenggelek mene anggelekwe woginarek wagaikhe mene a'nogo ebe koma werek nogo?” iluk inendawimo ebetukwasik heinok wanhukwa.

HABAKUK 3:15

Hanggo kuda amboroba lagaluk i laut yenggelek agum ebene wagunem, i ha'labu hilingiti logolik wesilagap langgi wap langgi hilingirik wagendek andi.

YOSUA 3:13

Hobuk it ap imam en Peti Wene Warogo Tuhan nen wo'ninafikhe iluk hilingik a'nogo waluk i Yordan ineisogen sebelhugunem he, i yaga'lasimbik firok igin o. A'nogo firok imbik he, i misi'mo yenggelasimbik logogin o,” iluk yagaisasikhe.

YOSUA 3:16

aremnogoat, i waga lagaikhe mene a'nogo yaga'lagaikhesik mogo yenggelhikhe. A'nogo yagarogo yenggelhi logolik he, i a'nogo elesikwe higithogo yatkwe o Adam, o kota Sartan era'lu andoma huli yenggeli lagaikhe. A'nogo yagarogo yenggela-gaikhemo, i ambut laut yenggelek mondok welagare'ma pikherek mene firok isikhemo, afuni Israel mene i firokse'ma ial ebene nen, o kota Yerikho higit wulibi wagaukwa. It a'nogo wulibi wesuogoluk he, it ap imam peti Wene Warogo Allah nen wo'ninafikhe iluk hilingik a'nogo waluk i enggen tulem mendek mondok werek kwelek he, afuni Israel mene mondogat i palogo wulibi wagaukwa.