MAZMUR 75:4 - Allah Wene Fano Wene Hupla Inane

⁴ Kweang inom afuni kweang amboloba werek mene mondogat inom leigesigin, oba nen he, timuk warogo liabek mene andi re An nenat omamet fikhi logogin, ikhe.

MAZMUR 75:4 ပူးပေါင်းရင်းမြစ်များ

MAZMUR 148:14

Aren he againafuri inunggulenu At onggwaregen mene omanogo inoba inomamet fesikhemo re, andiba At againafuri Israel endawi hundik mene a'nogo nen At obaget fogeratu mondok logouwak. Tuhan fogerasuok!

MAZMUR 68:3

Endu so'le furogo palogo lek agarek a'nogo hak, At Allah nen it inebe mugusogo lakfisikherek. Nen, hendali nolfugunem endu nen ubun-ubun lek agarek a'nogo hak, afuni weak mondok hilingitarek mene andi ogore At Allah elokhoma nen a'nogoat lek agaikharek.

MAZMUR 89:17

Haren higithogo nek hilingfisikhi lagen andi nen he, iren lingge inukhogo inabolo'lek logolik, wuniba Henu seralhu mondok welagaikharek.

MAZMUR 94:8

Yago hit afuni an nunggulenu mene nen he mondok kembu ariginik mene andi re hilingisu fuk, hinungguloa'ma nen fanorogo wenggelhugu mene andiat yanggulhi logoni!

MAZMUR 97:5

At Tuhan o kweangma mondogat sagarek werek mene a'nogo elokhoma andoma nen he tom-tom omanogo hendali hakhogo ubun-ubun lek ari'lago.

AMSAL 1:22

”Afuni hinobabut mondok kembu mene yi sani! O mera nen hinobabut weak a'nogo mondok hilingitu logogun nogo? O mera nen afuni inendawinggen kagalek mene inoba hinane asegen wogisikhi lagep mene andi palfogoin nogo? Mera huli nen wene yanggulugun ninabit iluk ikhi lagep mene andi, herakfisogoin nogo?

AMSAL 8:5

Hit hinendawinggen oan wenggelek lek welagep mene re hinendawinggen wenggelasuageluk yanggulikhi logoni, nen hit futfou elo'lek mene re hinelu asuageluk futfikhi logoni.

AMSAL 9:6

Haren kemburogo hilingiti lagen mene andoma herakfisan o, hat heluk fanorogo logoinogen he, ap higithogo hilingitarek mene nen hilingiri'lagwi mene andoma higit hilingiti logoino o.

ZAKHARIA 1:21

Inuk niikhemo an nen heinok wokhikhi logolik, ”It andem he ninggi'nogo mene faget weri'lagwi?” iluk igi. A'nogo igimo re, aren onggo yaganeti logolik, ”It andem he, afuni inunggulenu mene nen it Yehuda mene wolelenggen tagalogo fisigik, telfolisigik, isukwa mene omanogo sebelogo fisouwogeluk weri'lagwi o,” iluk yaganete.

1 SAMUEL 2:8

Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.