MAZMUR 75:3 - Allah Wene Fano Wene Hupla Inane

³ At Allah nen ikhi logolik he, ”An nen nenggi wenagaisogo fagain oba higit asi wesigin oba re, An nen inawene fanorogo pilingisogo nen katokhogo ayo paligin.

MAZMUR 75:3 ပူးပေါင်းရင်းမြစ်များ

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

2 SAMUEL 5:2

Nen, o attak he, at Saul ebe nit ninoe raja logolik, fetninarek werek kwelek, hat ogore, ap tentara Israel mene weim yabuogoluk ugunem, haren woginarek weim yabi laga lagagin anggigi. Nen, nineisena Tuhan nen ogore, wene mel wathetikhe anggigi: Hat hebe an nagainafuri inoe raja asimbik ferinarek logoino o, iluk wene wathetikheat anggigi,” iluk yagatukwa.

YESAYA 24:19

Kweang kurogo karogo wolelenggenhogo liafi logolik, yelandi kwelandirisagain.

YESAYA 49:8

Tuhan nen againafuri inoba yagaisikhi logolik, ”An nendawimo nagaiyek hit hinoba were'ma andemat An nen onggo yagahisikhi logogin o,” Linggene An nen hinagap telhinabigin sambul andi re, An nen hit lebethinabigin aro. Hit he, An nen nawe a'ma fethinarek logolik kagalhinarek logogin, An nen hit hinebe nen yi afuni ti afuni omanogo ninom wene wasugun. O sili afuni inareng mondok tiring-terengse'ma omanogore An nen ambotkwe pugunhogo fembik, kweang andoma hit eiserogo logogun oba hilingisogo fagain.

IBRANI 1:3

Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.

1 SAMUEL 18:7

A'nogo wati logolik yi'nogo isukwa: At Saul en ninaselei mene beribu-ribu nek inoate, oba nen he, at Daud en enek he, perpuluh-puluh ribu nen inoate,” iluk ilik wulibi waga lagaukwa.

1 SAMUEL 2:8

Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.

1 SAMUEL 25:28

Eige neisena, an hamingmingengge nen furogo hilingiti'lek mene andi faget ebeti'lek sagalogo legetfeino. Neisena haren At Tuhan faget weim yafi lagen ma re At Tuhan nen he neisena hat inom, haren tagomangge mene inom he, it afuni Israel mene inobaget inoe raja mendek logouwageluk hinobagakhi logogin, nen neisena hebe heluk logogin huli andoma kwanirek mene ekhe hat helokhoma ekhe hilinglasigin lego.