MAZMUR 75:2 - Allah Wene Fano Wene Hupla Inane

² Neisena Allah, niren he Harenek fogethafi lago, Haren yi mene ti mene mondok elalinhogo elalogo fesigin mene andoma faget fageti logolik he, Hat hai wathafi lago.

MAZMUR 75:2 ပူးပေါင်းရင်းမြစ်များ

2 SAMUEL 2:4

A'nogo wagaukwasik were'ma, afuni Yehuda mene o Hebron wagaukwasik, at Daud ebe it inoe raja logouwagaluk menfesukwa. A'nogo menfesukwama afuni nen he, ”At Saul ebe warek a'nogo re afuni Yabesh mene o Gilead werek mene omanogo nen kweangma salha,” iluk isukwama esanggo holhikhesik he,

2 SAMUEL 5:3

A'nogo yagatukwama, at Daud en he, afuni Israel mene inogogwi omanogo inom wene wat-wat isukwasik, iren at Daud it afuni Israel mene inoe raja logouwagaluk, menfesukwa.

2 SAMUEL 8:15

A'nogo at Daud en it afuni Israel mene mondogat halfisikhi logolik he, aren againafuri Israel mene inoba fanorogo hilingfisigik, higithogo hilingfisigik, ikhi logogin iluk hilingiti lagaikhe.

MAZMUR 101:2

An he nebeba weaget fakhigik legengge ogal fakhaluk werek mene andi faget futfikhi lagi o, Hat he ki sambul an nambit wesigin nogo? An he nailoba andoma nebe enogo fakhaluk logogin namolo.

MAZMUR 102:13

Oba nen he neisena Tuhan, Hat he Raja mondok-mondok logogin o. Mo lagagik pigik andoma re ebet hiikhi logolik mondok logogun.

PENGKHOTBAH 3:17

An nendawimo nen he At Allah nen, o andi sambul ti'nogo hilinglasuak, iluk anggikherek obaat hilinglagarek, andi nen he afuni inobabut higithogo hilingitarek mene inom, weak hilingitarek mene inom, inebe lombok hobuk wene inoba figik, kotik, igin, anggikhi lagi o.

YESAYA 25:1

Tuhan Hat he an neisena Allah welagen, an nen Hat legeisogo hobagakhi logolik, Hat henu fogethafi lagi. Haren hilingiti lagen mene andoma mondogat he elalin mene nek hilingiti lagen, Andiba re Haren o attak andoma nen wene melalogo fesigindik tiphogo nek hilingiti logolik welagen.

YOHANES 7:6

A'nogo yagatukwama, at Yesus nen he, mel yagaisasikhe: ”O hundik-handik hiren hilingisu menere higit werek, menere an nen hilingisigin oba horogasi wagi'lek oan werego.

KISAH PARA RASUL 1:7

Yagatukwama re, aren mel yagaisasikhe: ”Wene egep andi, an neisena eiseweregen anggasikhe higithogoat hilinglasigin andi nen he, hiren he, Huli ti huliba logombik hilinglasigin, iluk hinelurogo logogun elo'lego.