MAZMUR 74:20 - Allah Wene Fano Wene Hupla Inane

²⁰ O yoma obalik mondok mum were'ma wesa werekwe omanogo re afuni nen inaniniba nek weak mondok hilingitu nen he, Haren nit ninoba wene watnisasigin mene a'nogo hendawimo ebesin o.

MAZMUR 74:20 ပူးပေါင်းရင်းမြစ်များ

2 SAMUEL 23:5

”Andi hakhogo nek, afuni an nen tagomangge mene ogore, At Allah nen fanorinafi logogin, An noba wene wa'nete mene andi re agaum esigin mondok lek. Nen aren yi'nogo hilinghafi logoin iluk abok wene yaganete mene andi re ekhe pelabigin lek. Andi re mondok-mondok logogin mene faget hilingi'mo re, Allah nen hilinghafi logogin iluk yaganete mene andi ebe asuageluk he, an nalonget nobagagik, an nendawimo anggigirek mene a'nogo re higithogo nek hilingnobagagik, nane hologo hilingnobagagik, ili'lago andi o.

MAZMUR 105:8

Aren he awene watnisasikhe mene a'nogo faget, endawimo eberek mondok welagarek. Aren wene watnisikhe mene andi re, nit afuni hobuk ta'larik laga logogun mene faget mondok-mondok logogin mene.

MAZMUR 106:45

It andi inobaget he Aren wene warisasikhe mene a'nogoba eberisikhi lagaikhe, nen Aren endawi hundik mondok hokho mene hilinginaferek mene a'nogoba endawirinafi lagaikhe.

MAZMUR 5:8

Oba nen he Hat hendawi hundik mondok hokho mene hilingnafi lagen andiba re an Hat hawi wuri'mo elok kwi waga lagi. Hat Hawi Mondok Horek mene a'nogo fikhit neilenggen lourek logolik he neindep awi yagaisogo fogethafi lagi. Nen an nen nendawinggen mondok sebe uluk hapne wanhi lagi.

MAZMUR 89:28

An nen he, at ebe namlogo manggusa mene hilingisogo fagain. Inenupogot mondogat he a'ma hangge werek kwelek, arenek he esin mondok logogin.

MAZMUR 89:39

A'nogo meneat he Haren yogondak at raja oba ha'mage fegen. ap Haren wenatigin mene a'nogo ebe herakfegendik, wulak fisegen.

YEREMIA 14:21

Haren nit wena'nisa fuk, Haren wene watnisasigin mene a'nogo ebethan o, Haren nit ninom wene wat-wat agagu mene a'nogo re leget fou fuk. Yerusalem takhta Hat hebe welagen oba haselek hombakbagen selegeratendek oba a'nogo re haren halitnorogo hilingfugun.

ULANGAN 12:31

It afuni andi nen, hunogoat mene faget, Nineisena ebe andi aro, iluk fogerati logolik, mondok weak Allah abit mene hilingiti logolik, ineisena andi mene faget yi mene ti mene warogo noletarek oba inonggwarek inagainafuri mene warogo noletaregat. Andi nen he, hiren nineisena Tuhan Allah fogerasuogeluk halok he, it inobabut waganogo andi hangge ekhe hilingiti logou fugo.

ULANGAN 9:27

Haren it afuni Israel mene inobabut mondok weak inane hologo hilingisu lek, inungguloak helep, weak mondok hilingitarek mene andi heilenggen woginafun o. We, it hamingmingengge mene Abraham inom, Ishak inom, Yakub inom, inoba ebe'no o, neisena.

IBRANI 8:10

Hobuk afuni Israel mene wene ket mene warogo woginabigin iluk igi andi, ebe yiaro: An nen wene komorinafirek wene andi inendawimo eberek mondok logouwageluk wogisigik, inendawinggenma lisu palogo fisigik, iluk he, an it ineisena logogin. Nen, it an nagainafuriat logogun o.