MAZMUR 74:18 - Allah Wene Fano Wene Hupla Inane

¹⁸ Tuhan neisena, it haselei mene nen Hat henu sebelogo fili'lagwi mene andi wenggelhan o, it afuni inunggulenu inap Hat inonggot mene nen Henu weagerogo fili'lagwi andi.

MAZMUR 74:18 ပူးပေါင်းရင်းမြစ်များ

2 RAJA-RAJA 19:4

Afuni Asyur mene inoe raja a'nogo nen, agot tentara kain mene nen Allah eluk welagarek mene endawimo serametfisaluk ane asegen wokhoagaluk lakfei wagama ane asegen wokhikhe mene andi, heisena Tuhan Allah esanggo holhesik, it ap a'nogo aga mene andi, wene inoba fagain a? Lek he a, sa elu. Andi nen he, hat heisena Tuhan Allah nen nit ekhe ninebe endebat nineluk welago mene ya faget kino yaga'no o,” iluk isikhemo yagasi lagaukwa.

2 TAWARIKH 32:19

Iren he afuni Yerusalem mene nen Allah apne wanharek mene a'nogo re it afuni inunggulenu amukwe nen inanggembu dewa ap inenggi nen hilingfuluk apne wanharek mene hak hilingik iluk ikhi lagaukwa.

MAZMUR 137:7

Neisena Tuhan, o Yerusalem a'nogo afuni Babel mene nen sebelhunem he, it Edom mene nen mel isukwa andi, ”Meisalogo lakfisano, meisalogo lakfisano, o tik warek huli meisalogo lakfisano,” iluk isukwa mene andi re hendawimo eberek logoino o.

MAZMUR 39:8

Tuhan neisena, an nen Hat hoba nena mene faget nenangot hikhi logogin nogo? We Hat oba nek an nendawinggen eberek welagi o.

MAZMUR 41:1

Afuni nen wuni wulak fuluk inebe ambine seberogo ugunem yanggulinafu mene faget Daud awuni a'nogo.

MAZMUR 74:22

It afuni Hat hoba inendawinggen tibet fili'lagwi lek mene andi nen Hat henu weak weakhogo nek fugu werek andi nen he, Neisena Allah, Hebe siakhogo menla'luk he, Hat hawene andi faget ili helan o!

RATAPAN 5:1

Tuhan neisena, nit ninoba hilinglaga mene ari faget futninobagain o, nit mondogat sebelek mene hangge agosik welago mene yi faget heilenggen wo'ninabin.

YEHEZKIEL 20:14

Oba nen he An nen nonggwarek nenu nalong palogo re, it ap inunggulenu lombogen An nen ap Israel mene o Mesir en woginarek wulibi wagunem neasukwa mene omanogo nen sebelogo nobagainogo iluk a'nogo hilingitigi lek.

YEHEZKIEL 35:13

Yago, hinunggulenu Edom mene yoma sani, hit he hinambele hokhorek logolik, An noba hinane wonoget fakhikhi logolik ikhi lagagip anggigi. A'nogo ikhi lagagip mene andoma hinane mondogat An nesanggo holhigi nego.

ULANGAN 32:27

A'nogo meneat he, Israel inaselei mene, fogerakhogoin nabit anggigi, An nen hilingitu kwelek meneat he, it inendawimo weak ebeti logolik, Allah againafuri andi, niren mabenetfisogo, iluk inendawimo angganogo, iluk Allah nenat isikhe.

ULANGAN 32:6

Nineisena Tuhan nen he, fano hilingninaferek mene faget, hiren onggo a'nogo, hilingisu mene hilingiteba? Hit hinobabut kembu hangge, hinendawimo ebesugun elo'lek, hineisena At amuat werek lek nogo a? Aren elalhinafikhe lek nogo a? Hit hinunggulenu re, misigat mene logouwagaluk, wenakhinafikhe lek nogo a?

WAHYU 16:19

A'nogo ugunem he, o sili hokho a'nogo kweang pakhogo henagan minggilogo hilinglagik, afuni inunggulenu lombok Allah ebe inonggot mene inawi sili lombok mondogat sanik-sanokhogo wolelenggen tagalagik, ugunem, Allah nen he, ”An na'mage hokho anggur amusu hinago hak a'nogo, at o Babel hokho a'nogo wogosigin,” iluk abok yagatikhe mene andi endawimo ebetesik, wogeti laga higi.