MAZMUR 74:12 - Allah Wene Fano Wene Hupla Inane

¹² Neisena Allah, o attagen engge an neisena raja re Hat hebeat welagen, we Harenat nit ninagap telogo ninobagasigin.

MAZMUR 74:12 ပူးပေါင်းရင်းမြစ်များ

MAZMUR 44:4

It hagainafuri o Haren wogisasigin oba andi sebeli kuageluk he it inonggwarek inomameba sebeli kwisukwa lek, posie karok ambisangma legat, oba nen he, Hat homame hokho welagen a'nogoba inom, Hat hebe haselek oba waga lagen a'nogoba inom, it Hat hagainafuri faget hendawirinapluk leberisikhi lagagin.

MAZMUR 5:3

Hat he, an noe Raja logolik neisena Allah re Hat welagenma re, an nen nane hoba ikhi lagi mene ari fano anggambik lebetnabin o.

YESAYA 33:22

It inangge kapal andi elonggolokwe werek mene andoma mondogat he hilingisu elo' lek enek asigin, su kapal oba sogoi faget wurilogo kwe palfikhi logogun lek! Nit ninaselei mene inangge andoma re niren telamo re mondok hokho pokhorogo hilingik logogin, andiba re, ap ineisok holurek mene ogore it mene elok helikhi logogunat. Tuhan ebeat nit ninobaget Raja logogin. Aren he melalninafik, wene melalek werek mene omamet figik, nit ninebe selei meneba nen telninafik, hilingisigin.

YESAYA 63:8

A'nogo iginmo re, At nineisena Tuhan nen he mel ikhe: ”It andi eberogoat he An nagainafuri o. It andi re An nagainafuri nendawimo weagasuageluk hilingiri'agwi lek mene,” iluk ikhe. Andiba re At he it inagap telhu mene agaikhe andi,

YEREMIA 10:10

Oba nen Hat enek he nineisena Tuhan Allah eberogo mene o, Raja hetok mondok logolik nineluk wo'nisegendek mene welagen. Nen Hat ha'mage lagagunem he kweang leik eterek, nen Hane pararak etunem he yi afuni ti afuni hambuget hare elo'lek.

HABAKUK 1:12

Tuhan neisena. O eroba nen engge Hat he an neisena Allah at welagen o. Hat an neisena Allah hebe horek logolik hetok mondok welagen. Hat hebe re Tuhan, Allah at logolik, an ha'ma sebelnarek welagen. It inunggulenu Babel mene andi re, Harenat wenaginafendik he, it inomamet fisegenma nit wene ninoba fouwogeluk ili'lagwi andi.

KISAH PARA RASUL 7:7

Mene re, it afuni inawi weregen inawe a'ma fisaluk ferinarek logogun mene andi, an nen wene inoba fembik weagerinabigin o. Weagerinabumo, haren tagongge mene andi o andoma nen wulibi wesimbik he, o yoma logolik, an fogetnafi logogun o, iluk Allah nenat yagatikhe.

1 SAMUEL 19:5

Aren he, nebe noasigin andi nailo, iluk anggigi'legat, Goliat Filistin mene a'nogo ebe watikhe andiba nen Tuhan nen nit afuni Israel mene hokhorogo ninomame asuageluk hilingninobagaikhemo ninomame ago andi. Wene a'nogo hilinglagaikhe andi hat heilhanem hilinglagaikhemo hasigindik hendawimo hagaiyek hokho mene agaikhe anggigi. A'nogo meneat he, neisena, at Daud weak ekhe hilingiti'le'maat, haren weak hilingisogo ebe wasigiluk ikhi lagen andi nenahalok,” iluk yagatikhe.