MAZMUR 73:6 - Allah Wene Fano Wene Hupla Inane

⁶ A'nogo hilingitarek andi nen he, inalilingge wanharek hak he fogerakhagarek andi o. Su labetarek andi hak he, ninghogo weagerinafarek andi.

MAZMUR 73:6 ပူးပေါင်းရင်းမြစ်များ

ESTER 3:1

A'nogo hilingitukwaba nen inenggi ekhe welagaukwasigen raja Ahasyweros nen hun enu Haman andi eabu perdana menteri andi logouwageluk menfesikhe. Haman andi re hun Hamedata amlogo, hun Agag andi ambisangma tagomangge mene.

MAZMUR 109:18

Afuni homan ikfisugu mene faget he at endawimo re seramsek welaga, we su inebeba labetarek higit hilingik welaga. Aren homan iginafi laga andoma re i inebene kweisali wagarek hak aga logouwak, nen amusu hakhogo at oak ebene andoma yugulhi logoguwak.

MAZMUR 109:29

It afuni an noba fu'mo hikhip niili'lagwi mene andoma re it inebe sebelfisagarek awene a'nogo nek inoba asi wesigin, nen su hokho mene jubah endakwe labetarek a'nogo hak he it inenggali mene inoba sebelinabi wesigin.

AMSAL 1:9

Iren yagahisugu mene andoma re, hinalilingge higit hinunggulkwe pugetik, eile higit hinalonggopma itik ugunogo.

AMSAL 3:31

It ap inobabut haferogo hilingitarek mene omanogo inoba ha'mage fikhi logou fuk, nen iren hilingitarek mene andoma inobabut walhigik hilingisu fugat.

AMSAL 4:17

Inaniniba hilingitu mene inom weagerinafu mene inom andoma re, it inagai inamburu higit werek.

PENGKHOTBAH 8:11

Nena mene faget afuni nen inailo anggigi'legengge weak mene nek hilingitarek nogo? Andi re unggum weak-weak wogisagarek lek andi nen hilingitarek.

KIDUNG AGUNG 4:9

Nagot nemberek lombolek welago mene, an nendawinggen sebelek mene re hat welagen, hat helokhe mondok fano andiba an nendawinggen sebelek welagi, nen hasiong ikhugunem inom, halilingge permata fano mene liakhugunem inom andiba an nendawinggen ninggerek.

YESAYA 3:19

inenggi senggan inom inelokhe su salek mene inom,

YEREMIA 48:11

Tuhan ane ikhi logolik, ”O attagen engge Moab he aselei mene nen ane yingiti'legengge fanorogo nek werek. Athe hele warogo huginabi lagaikharek oba andoma ekhe waluk lagaikharek lek. At he, i anggur agai elesophogo hinago fuluk i oak amu meneba keralhi'lek were'ma anggur agai a'nogo amben sang-pang eti logolik enduk fano welagarek andi hangge werek.

YEREMIA 48:29

Hit he, mondok winik-wonok ikhi lagep! Hiren wonoget fakhigik, hinendawimo leget fakhigik, hinane elabin polok igik, ikhi lagep mene andoma re An mondogat nelu welagi o!

YEHEZKIEL 16:11

Hat halilingge hebene re no permata eil fano meneba puget hobagagik, hasiong inom, hasenggan inom puget hobagagik isigi.

DANIEL 4:30

mel igi: ”O kota Babel yi, egi, nailo e. Ninghogo wurik engge yi ambi! iluk An nebe nalong welagirek mene a'nogo inom, nomame hokho logolik, an nenggiba ferinarek welagirek mene a'nogo inom, nanggiluk hokho were'ma fogetnafarek a'nogo inom enek asuageluk an nen o Babel ari ibu kota logouwageluk wuti mene lek nogo?” iluk igi.

MIKHA 3:5

Afuni an nunggulenu mene ap nabi heaba lalinafi logolik he, it ekhe nen ambi uang wogisagarek mene inoba re, ”Hobuk fanorogo logogun,” iluk yagaisigik, nen it ekhe wogisugu lek mene omanogo inoba re inendawimo seramet fisaluk he inom weim palek hak welagik, hilingiri'lagwi andi. Nen it ap inebe nabi heaba logolik a'nogo hilingitarek inap andoma faget Tuhan nen ikhi logolik he,

ULANGAN 32:15

Tuhan againafuri mene, inangge hokhorogo hilingfisasikhe, A'nogo meneat he, Allah ebe ninabit iluk, folim hibitukwa andi, It inamburu ninghogo ninggi logolik, inebe hokhondek welagaukwa, Inebe a'nogo logolik, Allah elalninafikhe mene, herakfisaluk wulifukwa, Allah omame hokho logolik, telninafikhe mene herakfisasukwa.

1 PETRUS 5:5

Nen, andi hagat he, hit ap alage nagoromi. It ekhe nen Allah aneba mel isukwa: ”Afuni inonggwaregen fogerakhugunem, Allah nen inoasigeluk abit isikherego. Meneat he, inonggwarek inendawinggen sebelek logogun halok, endawirinaferego,” iluk lisu palogo fesukwama werek andi nen, hiren inaluendek inawe a'ma kuluk inane hologo hilingiti logoino o. A'nogo hilingiti logolik hit mondogat he, hinonggwaregen fogerakhigi'lek inawe a'ma logolik, hit ekhe nen it ekhe inamingmingengge welagik, iren hit hinamingmingengge welagik, ikhi logolik lebet-lebet ikhi logoino o.

HAKIM–HAKIM 8:26

A'nogo wogetukwa andi, we, inalilingge emas mene inesanggoma mene nek enggin he, 20 kilo asu hangge hilinglagaikhe. Inalilingge ekhe inalonggopma ugu mene inom, su elokhonggen kibi-kibi warek hangge mene ap kaindek inenupogot Midian mene laberek welagaukwa mene inom, inanggo unta alilingge alonggopma ugu mene inom, enggin walhigi'lek. We, emas mene inesanggoma kelharek mene andi nek walhasikhe.