MAZMUR 73:22 - Allah Wene Fano Wene Hupla Inane

²² an nebe mondok kembu nen o, Hat helokhoma wam higit logolik, hilingiti lagagi.

MAZMUR 73:22 ပူးပေါင်းရင်းမြစ်များ

AYUB 18:3

Nenahalok haren nit wam sapi ninom higirapninafi logolik, it he, ap kembu mene hak anggikhi lagen?

MAZMUR 32:9

Wam kuda endawinggen lek andi nen he, kwe higithogo loagaluk, ambelema hele kelogo waluk lagaikharek hak, hat a'nogo hilinghafi logoinogo iluk, yaganetigin andi.

MAZMUR 69:5

It afuni inabit an noba fagarek mene andi, an nesi nungguloba re endebat hangge meneat he, inebe hokhorogo nen kagalnarek logolik, an nen weak hilingiti lek meneat he, inabit noba fili'lagwi o. Ap inomame hokho mene andoma nen an nebe noasuogoluk it ineranen nenu weagerogo fili'lagwi andi. Yi mene ti mene nenggi abisak ekhe wanhi'lek meneat he, ambotkwe oak waganogo wogisoagaluk inane ninghogo yaganetu werego.

MAZMUR 92:6

Tuhan neisena, Haren ekhe mene ekhe mene hilingiti lagen mene andoma re mondok hokhorogo hilingik, Haren wenggelhi lagen mene andoma re mondok uanhogo wenggelhi lagen!

MAZMUR 92:7

Afuni morue mene nen he futfou lek hak, afuni kembu mene nen he wenggel hare elo'lek.

AMSAL 30:2

An nebe wam higit kemburek welagi, futfugu aplere mondogat elo'lek.

PENGKHOTBAH 3:18

Nane elugun warogo re yi'nogo, At Allah nen he, Hit hinebe hilinglasugun andi re, wam, sue, paik, andi hinom higit aro, iluk yaganisagaluk ninobabut palherek anggikhi lagi o.

YESAYA 1:3

Wam sapi re eisena halharek agun a'nogo elu welagarek. Nen, keledai re eisena nen amburu wogeterek oba obalik aremnogo elu welagaregat, oba nen he An nagainafuri Israel mene re a'nogo hilingitu aple inonggot. Nen iren futfili'lagwi legat,” iluk ikhe.