MAZMUR 73:2 - Allah Wene Fano Wene Hupla Inane

^2-3 Oba nen he, it weak hilingiri'lagwi mene omanogo hobuk fano mene inenggi werekhogo nek hilinglagik, nen wonoget fakhagarek mene omanogore fanorogo nek welagik, ugunem neilenggen isaluk he, an nendawimo mondogat weak a'luk, nendawinggen At oba tibetfuluk welagirek mene a'nogo longgo u hak hilingnabi'logo.

MAZMUR 73:2 ပူးပေါင်းရင်းမြစ်များ

1 TAWARIKH 22:7

At Daud en amlogo Salomo ba ikhi logolik he, ”Namlogo, an o endamen engge At Tuhan Allah a'nogo along anggaluk legeisogo fikhi logolik he, o misik ekhe At Aiba wusigin iluk nendawimo anggikhi lagagi.

AYUB 12:5

Hit he, hinebe mondok fanorogo logolik he, ap alomat lagu mene a'nogo weagerogo fisikhi lagep, nen ap inebe warogo lahak mene a'nogo inoba re hiren ekhe inom lambisogengge warogo fisikhi lagep.

AYUB 21:4

An he afuni ninom wene palhi lago lek hilingi'mo re, an nane hambuk higi'lek ikhi lagi mene andi re herakfeni o.

MAZMUR 116:8

Neisena Tuhan nen he, An weak mene anggele'ma were'ma, le aga logouwagaluk hera'nobagagi'lek, warikhi logoguwagaluk oboget niigi'lek, telnaferesik fetnarek mondok werek.

MAZMUR 17:15

Oba nen he, an enek he weak hilingiti lagi le'ma re, Hat hebe neilenggen heagain o. An nebe nogokhi lagiba nen neluk a'luk he, Hat hebe ninom hundik welago mene andi faget ebethealuk he, nendawimo nagaiyek mondok aga lagi o.

MAZMUR 17:5

An he hundik-handik Haren yaganetu mene omanogo nek hilingiti lagi, nen Hat hoba nen taganhogo wulibi laga lagi mondok lek.

MAZMUR 35:13

Oba nen he it inoba ou were'ma, it inobaget an nendawinggen heiselhunem he namburu ninggi'lek welagi, nunggul somarek logolik samban inobaget ugu welagi.

MAZMUR 38:16

Oba nen he Tuhan neisena, an he we Hat hoba nek nendawinggen tipsek logolik welagi, nen Tuhan Allah Harenat an onggo yaganeti lagen.

MAZMUR 5:7

Hat he afuni ineranhogo wene lalinabi'lagwi mene andoma re mondogat leget fisikhi lagen, Nen, afuni lalinafarek mene inom, inebe pinggi inoatarek mene inom andoma inoba re Haren sebel fisikhi lagen.

MAZMUR 94:18

An nendawimo nen wenggelhi logolik he, an nebe warogo taik igin higi, iluk ebetunemen he, Hat Tuhan nen hendawi hundik hilingnafi lagen mene a'nogoba an nebe nomareogo mendek logouwageluk hilingnobagakhi lagen o.

AMSAL 5:14

Eberogo nenat, an nebe afuni ineilhanem pile pigiluk hilingiti lagagi agwi,” iluk ugun werego.

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.

1 SAMUEL 12:23

Nen, an nebe re, hit faget samban igi'lek, nineisena Tuhan ane sagalogo herakfisaluk an weak hilingisigin he, nabiro. At he, hiren yi mene ti mene fano higithogo hilingiti logobagaigiluk an nen wene yagahisugu mondok logogin o.

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.