MAZMUR 72:2 - Allah Wene Fano Wene Hupla Inane

² Aren it afuni Hat hagainafuri mene andoma inawene ayo wurogo pilingiti logolik he, wene melalek werek higithogo hilingiti logogin, nen it ekhe yi enggin ti enggin hilinginafunem weak hili'lagwi mene andoma ogore inawene higithogo nek pilingisikhi logogin aro.

MAZMUR 72:2 ပူးပေါင်းရင်းမြစ်များ

2 SAMUEL 23:3

Yakub eisena Allah a'nogo nen ikhi logolik he, nit afuni Israel mene, fetninarek welagarek mene nen, an wene yaganeti logolik, yi'nogo yaganetikhe, ”Raja nen he yi'nogo hilingiterek, at ebe tulem logolik he afuni holhu mene katokhogo melalinafik, Tuhan oba ailorogo hilingitik, hilingitu halok he,

1RAJA-RAJA 10:9

Hat heisena Tuhan, hebe afuni Israel mene inoe raja logouwagaluk menhobagasikhe mene. Hat heisena Tuhan Allah nen afuni hinunggulenu Israel mene endawi hundik mondok welagarek andi nen, hat hebe oba liok ikhesik, it afuni Israel mene ninoe henupogot logolik wene higithogo inoba figik, kotik, fanorogo ikhi logouwagaluk menhobagaikhe mene andi fogerati logouwogo,” iluk yagatikhe.

1RAJA-RAJA 3:28

At Salomo nen wene andi higithogo pilingisogo tegetikhe andi nen, it afuni inunggulenu Israel mene inesanggo holhukwasik he, ”At Allah nen Salomo, yi wene ti wene higithogo tegeti logouwagaluk endawinggen kagalek mene wogotemo werek higi, ninailo e,” iluk Salomo inane agaukhogo fogeratukwa.

1 TAWARIKH 29:19

An namlogo Salomo ba re, Haren wene melalek a'nogo endawimo nen fi-furogo tibet fuluk hilingiti logouwageluk wogetik, o wene kabogetuba wusuageluk an nen ongge tik-tukhogo hilingiti mene andi wusigin endawimo anggikhi logouwageluk wogetik, hilingiti logoin o, neisena,” iluk sambanisikhe.

AYUB 34:19

At Allah nen enek it ap raja inom, inenggi werek mene inom, inenggi lek mene inom, elalinafikhemo re, Aren he it ap raja halok enek inebikhit agik, nen it afuni inangge lek mene halok herakfisikhi logolik he it inenggi werek mene halok enek elokhomarogo hilinginafik, hilingiterek lek.

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

AMSAL 29:14

Raja nen ap maben mene inili woginafu halok he, at ebe tahun hokhorogoat ferinarek logogin.

YESAYA 32:1

Hani, inenggi ekhe wesigin meneba re ap raja misik ekhe wene higithogo inoba figik kotik ikhi logogin mene wesimbik melalinafunem, ap inogogwi kaindek ferinarek logogun mene omanogo nen ogore wene higithogo nek hilingiti logogun.

YESAYA 32:17

Afuni inebe lombogen he, eberogo mene nek hilingirik lagunem he, inenggi mondok-mondok andomaba fano liokhogo mondok welagik, inagaiyekhogo nek welagik, ikhi logogun.

YESAYA 9:7

Tuhan nen afuni Israel mene weak mondok hilingitunem wene inoba mondogat fesikhe.

YEREMIA 33:15

Andem higit he ap misik ekhe katokhogo hilingiti logogin mene ap Daud ambisangmangge mene re raja logouwageluk menfagain. Raja andi nen he o kweangma mondogat andoma katokhogo hilingitarek awene inom, eberogo hilingitarek awene inom enek hilingiti logogin.

YEHEZKIEL 34:16

Longgo aga mene re An nen heraginafik, nonghong agasik werek mene re An nen heragaisogo woginarek wagik, inoumo werek mene re An nen fanorinafik, inoba ou mene re An nen higirinafik igin, oba nen he asei hokho mene inom, omame werek mene inom he An nebe gembala fano mene logolik halinafu mene welagimo re ariginik mene andoma re leget fisagain o.

WAHYU 19:11

Wene a'nogo yaganetesi'mo nen ombo'ne re, pogot healagunem wam enu kuda esi kut mene amboroba, ap ekhe enu re Hombunhogo igik. at ekhe re Eberogoat igik, agarek mene, hurek logolik, weim higithogo yafik, wene higithogo inoba figik, kotik, ilik nugunem yethigi o.